Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ବିବାହରେ ସ୍ତ୍ରୀଙ୍କୁ ପାଦ ଛୁଇଁ ପ୍ରଣାମ କରି ସମସ୍ତଙ୍କୁ ଚକିତ କରିଦେଲେ ସ୍ୱାମୀ, ଜାଣନ୍ତୁ କାହିଁକି…

22/11/2018 at 11:50 AM

ଉଦୟପୁର ୨୨/୧୧ : ହିନ୍ଦୁ ପରମ୍ପରାରେ ବିବାହର ଏକ ମହତ୍ୱ ରହିଛି | ପରମ୍ପରା ଅନୁଯାୟୀ ବିବାହ ଠିକ ହେବା ପରଠୁ ବିବାହ ପର୍ଯ୍ୟନ୍ତ ରୀତିନୀତି ଆରମ୍ଭ ହୋଇଯାଇଥାଏ | ଏହି ସବୁ ପରମ୍ପରା ଓ ରୀତିନୀତି ଅନୁସାରେ ଏମିତି କିଛି ରୀତିନୀତି ରହିଛି ଯାହାକି କେବଳ କନ୍ୟାକୁ କରିବାକୁ ପଡିଥାଏ | ସେହି ସମାନ ନୀତି ବର କଲେ ଏହାକୁ ନୀତି ବିରୁଦ୍ଧ ବୋଲି ବିଶ୍ୱାସ କରାଯାଇଥାଏ | ନିକଟରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ଫ୍ୟାସନ ବ୍ଲଗର ଦୀପା ଖୋସଲା | ଦୀର୍ଘ ସମୟ ଧରି ସମ୍ପର୍କରେ ଥିବା ନିଜ ପୁରୁଷ ବନ୍ଧୁ ଓଲେଗ ବୁଲରଙ୍କ ସହ ସେ ଉଦୟପୁରରେ ବିବାହ କରିଛନ୍ତି | ତେବେ ଦୀପା ନିଜ ବିବାହରେ ଏହି ହିନ୍ଦୁ ପରମ୍ପରା କିଛିଟା ପରିବର୍ତ୍ତନ କରି ସମାଜକୁ ଏକ ଉଦାହରଣ ଦେଇଛନ୍ତି |

ହିନ୍ଦୁ ପରମ୍ପରା ଅନୁଯାୟୀ ସ୍ତ୍ରୀ ସ୍ୱାମୀ ପାଦ ଛୁଇଁ ତାକୁ ପ୍ରଣାମ କରିଥାଏ | ଏଠି କିନ୍ତୁ ହୋଇଥିଲା କିଛିଟା ଭିନ୍ନ | ବିବାହ ପରେ ଉଭୟ ସ୍ୱାମୀ ସ୍ତ୍ରୀ ଉଭୟଙ୍କ ପାଦ ଛୁଇଁ ପରସ୍ପରକୁ ପ୍ରଣାମ କରିଥିଲେ | ଆପସ ବୁଝାମଣା ଓ ସମ୍ମାନ ପାଇଁ ନବ ଦମ୍ପତି ଏଭଳି କରିଥିଲେ |

ଯେତେବେଳେ ଦୀପା ଘୋଷଣା କରିଥିଲେ ଯେ, ଓଲେଗ ମଧ୍ୟ ତାଙ୍କ ପାଦ ଛୁଇଁ ତାଙ୍କୁ ପ୍ରଣାମ କରିବେ ସେତେବେଳେ ଦୀପାଙ୍କ ମା ଏହାକୁ ବିରୋଧ କରି କହିଥିଲେ ଯେ, ବିବାହ ଉତ୍ସବରେ ଉପସ୍ଥିତ ଅତିଥି କଣ କହିବେ ?

କେବଳ ଏତିକି ନୁହେଁ ଏହି ନବ ଦମ୍ପତି ନିଜ ନିଜ ଉପନାମ ମଧ୍ୟ ପରସ୍ପର ନାଁ ସହିତ ଯୋଡିଥିଲେ | ସ୍ୱାମୀ ଓଲେଗ ବୁଲର ଖୋସଲା ଏବଂ ସ୍ତ୍ରୀ ଦୀପା ବୁଲର ଖୋସଲା | ହିନ୍ଦୁ ପରମ୍ପରା ସହ ଏହି ଦମ୍ପତି ଖ୍ରୀଷ୍ଟିଆନ ରୀତିନୀତି ଅନୁଯାୟୀ ମଧ୍ୟ ବିବାହ କରିଥିଲେ | ଶୁଣିବାକୁ ଏସବୁ ପରି ଦୁନିଆର ଗପ ଭଳି ଲାଗୁଛି କିନ୍ତୁ ଦୀପାଙ୍କ ଏହି ପୋଷ୍ଟ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି | ଉଭୟଙ୍କ ବିବାହ ଏକ ସୁନ୍ଦର ପ୍ରେମ, ସମ୍ପର୍କ, ସମ୍ମାନର ପ୍ରତୀକ | ପ୍ରତ୍ୟେକ ସମ୍ପର୍କରେ ଉଭୟ ସ୍ୱାମୀ ସ୍ତ୍ରୀ ସମାନ ଭାବେ ସମ୍ମାନର ଅଧିକାରୀ ହେବା ଉଚିତ |

   Related Posts