ଟାଙ୍ଗୀ ୨୧।୯: ବାଣପୁର ଶାଳିଆ ନଦୀ ସ୍ରୋତରେ ଭାସିଗଲେ ବୃଦ୍ଧ । ଦୁଇ ଦିନ ହେଲା ଖୋଜୁଛି ଦମକଳ ବାହିନୀ । ହେଲେ ମିଳୁନାହିଁ ପତ୍ତା । ସୋମବାରଠାରୁ ବାଣପୁର ଶାଳିଆ ନଦୀରେ ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ ବୃଦ୍ଧଙ୍କ ଖୋଜ ଖବର ନାହିଁ ।
{"id":515210,"width":754,"height":415,"sizeSlug":"full","linkDestination":"none"}ସୂଚନାଯୋଗ୍ୟ ଯେ, ସୋମବାର ସକାଳ ୭ଟା ସମୟରେ ମାଣିକପୁର ଗ୍ରାମର ୬୦ ବର୍ଷ ବୟସ୍କ ବୃଦ୍ଧ ଚରଣ ବେହେରା ଶୌଚ ହେବା ପାଇଁ ଶାଳିଆ ନଦୀର ଜାମୁଆ ତୁଠକୁ ଯାଇଥିଲେ । ଶୌଚ ହେବା ସମୟରେ ନଦୀର ପ୍ରଖର ସ୍ରୋତରେ ଭାସି ଯାଇଥିଲେ । ଖବର ପାଇ ବାଣପୁର ଅଗ୍ନିଶମ ବିଭାଗର ଏକ ଟିମ୍ ସହ ବାଣପୁର ପୋଲିସ ସୋମବାରଠାରୁ ଆଜି ପର୍ଯ୍ୟନ୍ତ ଖୋଜିବା କାର୍ଯ୍ୟ ଜାରି ରଖିଥିବା ବେଳେ ବର୍ତ୍ତମାନ ସୁଦ୍ଧା ଚରଣଙ୍କ ସନ୍ଧାନ ମିଳିପାରିନାହିଁ ।