କାମାକ୍ଷାନଗର ୨୧।୧୦: ହାତୀ ଆକ୍ରମଣରେ ବୃଦ୍ଧାଙ୍କ ମୃତ୍ୟୁ ହୋଇଛି । ଶୌଚ ହେବାକୁ ଯାଇଥିବା ବେଳେ ହାତୀ କଲା ଆକ୍ରମଣ । ମୃତକ ହେଲେ କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ ଜୁଲଙ୍ଗ ଗ୍ରାମର ଦୁଲଣ ବିଶ୍ବାଳ ।
ସୂଚନାଯୋଗ୍ୟ ଯେ, ବୁଧବାର ସକାଳେ ଶୌଚ ହେବା ପାଇଁ ଯିବାବେଳେ ମହିଳାଙ୍କୁ ହାତୀ ଆକ୍ରମଣ କରିଥିଲା । ଗୁରୁତର ଅବସ୍ଥାରେ ମହିଳାଙ୍କୁ ପରିବାର ଲୋକ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କହିଛନ୍ତି ।
ଏହି ଅଞ୍ଚଳରେ ପ୍ରାୟ ୫୦ରୁ ୬୦ହାତୀ ସବୁବେଳେ ରହିବା ସହିତ ବିଭିନ୍ନ ସମୟରେ ଉପଦ୍ରବ କରୁଛନ୍ତି । ବର୍ତ୍ତମାନ ଧାନ ଅମଳ ସମୟର ହୋଇଥିବାରୁ ହାତୀଙ୍କ ଉପଦ୍ରବ ଯୋଗୁଁ ଫସଲ ମଧ୍ୟ ନଷ୍ଟ ହେଉଥିବାର ଦେଖିବାକୁ ମିଳିଛି । ସନ୍ଧ୍ୟା ହେଲେ ହାତୀଗୁଡିକ ଗ୍ରାମ ଭିତରକୁ ପଶି ଆସୁଛନ୍ତି । ଯାହା ଫଳରେ ଭୟଭୀତ ଅବସ୍ଥାରେ ରହିଛନ୍ତି ଗ୍ରାମବାସୀ ।
