Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||
  • କୋରାପୁଟ : ମାଲବାହୀ ଟ୍ରେନ୍‌ ଇଞ୍ଜିନ୍ ଲାଇନ୍‌ଚ୍ୟୁତ, ନୂଆ ଟ୍ରାକ୍‌ରୁ ପୁରୁଣା ଟ୍ରାକ୍‌କୁ ପାସ୍ ବେଳେ ଦୁର୍ଘଟଣା
  • ||
  • ଖଲ୍ଲିକୋଟ : ପାଖେଇ ଆସୁଛି ‘ଜଓ୍ବାଦ’, ଡଙ୍ଗା ଓ ଜାଲ ନଷ୍ଟ ହେବା ଆଶଙ୍କାରେ ମତ୍ସ୍ୟଜୀବୀ
  • ||

ମୁଣ୍ଡ ଗୁଞ୍ଜିବାକୁ ନାହିଁ ଘର, ପାଇଖାନାରେ କଟୁଛି ଅସହାୟ ବୃଦ୍ଧାଙ୍କ ଜୀବନ

27/09/2020 at 6:54 PM

ଭଦ୍ରକ ୨୭।୯: ସ୍ଵଚ୍ଛ ଭରତ ଅଭିଯାନର ପାଇଖାନା ଏବେ ସାହା ଭରଷା । ପାଇଖାନାରେ ଦିନ କାଟୁଛନ୍ତି ଅସହାୟ ବୃଦ୍ଧା । ଭଙ୍ଗା ଘର ଖଣ୍ଡିକୁ ମଧ୍ୟ ସମ୍ପୂର୍ଣ୍ଣ ଧୋଇନେଇଛି ବନ୍ୟା । ବାଧ୍ୟ ହୋଇ ପାଇଖାନାରେ ମୁଣ୍ଡ ଗୁଞ୍ଜିଛନ୍ତି ବୃଦ୍ଧା । ଅସହାୟ ବୃଦ୍ଧାଙ୍କ ପାଇଁ ଯେମିତି ଶେଷ ଠିକଣା ହୋଇଛି ପାଇଖାନା । ଏଭଳି ଦେଖିବାକୁ ମିଳିଛି ଭଦ୍ରକ ଜିଲ୍ଲା ଧାମନଗର ବ୍ଲକର ଅଞ୍ଚଳରେ ।

ଏହି ଅସହାୟ ବୃଦ୍ଧା ଜଣଙ୍କ ହେଉଛନ୍ତି ସରସ୍ଵତୀ ସାହୁ । ତାଙ୍କ ବୟସ ୬୮ ବର୍ଷ । ଭଦ୍ରକ ଜିଲ୍ଲା ଧାମନଗର ବ୍ଲକ୍ କରଦା ପଞ୍ଚାୟତ ବେଦପୁର ଗାଁରେ ତାଙ୍କ ଘର । ଘର ନୁହେଁ ତ, ପାଇଖାନା । ସ୍ଵାମୀ ଓ ପୁଅ-ବୋହୂ ସମସ୍ତେ ଅନ୍ୟ ରାଜ୍ୟରେ କାମ କରୁଛନ୍ତି । ୨୦୧୧ ମସିହା ବନ୍ୟା ଘରକୁ ଅଧାଭଙ୍ଗା ଅବସ୍ଥାରେ ଛାଡିଥିଲା । ଆର୍ଥିକ ଅନଟନରେ ଘରଟିଏ କରିବା ତାଙ୍କ ପକ୍ଷେ ସମ୍ଭବ ନଥିଲା । ଘରଟି ଏବେ ସମ୍ପୂର୍ଣ୍ଣ ଭାଙ୍ଗିଯାଇଛି । ପୁଅ-ବୋହୂ ଓ ସ୍ଵାମୀ ଆସିଲେ ସମ୍ପର୍କୀୟଙ୍କ ଘରେ ରୁହନ୍ତି । ପୁଣି ପେଟ ପାଟଣା ପାଇଁ ଫେରିଯାଆନ୍ତି । କିନ୍ତୁ ବୃଦ୍ଧା ଜଣଙ୍କ ସନ୍ତକକୁ ସାଇତି ରଖିଛନ୍ତି ।

ଘର ଭାଙ୍ଗିବା ପରେ ପଡୋଶୀଙ୍କ ଘରେ ରହୁଥିଲେ । କିନ୍ତୁ ଦୀର୍ଘ ସମୟ ରହିବା ପରେ ସେମାନଙ୍କ ବ୍ୟବହାରରେ ପରିବର୍ତ୍ତନ ଦେଖି ସେଠାରୁ ଆସି ପାଇଖାନା ଘରେ ମୁଣ୍ଡ ଗୁଞ୍ଜିଲେ । ସେଇ ପାଇଖାନାରେ ରୋଷେଇ କରି ଖାଉଛନ୍ତି, ଶୋଉଛନ୍ତି ପୁଣି ଶୌଚ ମଧ୍ୟ ହେଉଛନ୍ତି ।

ସରସ୍ଵତୀଙ୍କ ଅନୁସାରେ ସେ ବହୁଥର ଅନୁରୋଧ କଲେଣି । କିନ୍ତୁ ଫଳ କିଛି ନାହିଁ । ୬୮ ବର୍ଷ ବୟସରେ ମଧ୍ୟ ବାର୍ଦ୍ଧକ୍ୟ ଭତ୍ତା ମିଳୁନି । ଯାହାକୁ କହିଲେ ସମସ୍ତେ ପୁଳା ପୁଳା ସମବେଦନା ଆଉ ସହାୟତାର ପ୍ରତିଶ୍ରୁତି ଦେଉଛନ୍ତି । ଆଉ ସେହି ସହାନୁଭୁତି ଓ ପ୍ରତିଶ୍ରୁତି କିନ୍ତୁ କଥାରେ ରହିଯାଉଛି । ଖବର ସଂଗ୍ରହ ବେଳେ ସେଠାରେ ପହଞ୍ଚିଥିଲେ କରଦା ପଞ୍ଚାୟତର ସମିତି ସଭ୍ୟ । ବୃଦ୍ଧାଙ୍କ ସହ ଆଲୋଚନା କରି ଖୁବ ଶୀଘ୍ର ଭତ୍ତା ଟଙ୍କା ମିଳିବ ବୋଲି ପ୍ରତିଶ୍ରୁତି ଦେଇଥିଲେ । ଘରଟିଏ ପାଇଁ ଉପରିସ୍ଥ ଅଧିକାରୀଙ୍କୁ ଅବଗତ କରିବେ ବୋଲି ମଧ୍ୟ କହିଛନ୍ତି ।

   Related Posts