Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ଶାଶୁଙ୍କୁ ପିଟିଲା ବୋହୂ ! ରକ୍ତ ଜୁଡୁବୁଡୁ ଅବସ୍ଥାରେ ଥାନାରେ ପହଞ୍ଚିଲେ ବୃଦ୍ଧା

30/11/2019 at 9:07 AM

ଭୁବନ ୩୦।୧୧: ହଜିଗଲା ମାନବିକତା । ଯେଉଁ ସମୟରେ ଶାଶୁଙ୍କ ସେବା ବୋହୂ କରିବା କଥା ସେହି ସମୟରେ ଶାଶୁଙ୍କୁ ଗାଳି ଗୁଲଜ କରିବା ସହିତ ହାତ ଉଠାଇ ମାଡ ମାରି ରକ୍ତାକ୍ତ କରିଦେଇଛି ବୋହୂ । ଏଭଳି ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ଥାନା  ଅନ୍ତର୍ଗତ ଭୁବନ ବିଜ୍ଞାପିତ ଅଞ୍ଚଳ ପରିଷଦ ଓ୍ବାର୍ଡ ନଂ- ୩ରେ । ଗୋକୁଳ ତରାଇଙ୍କ ସ୍ତ୍ରୀ ୭୬ ବର୍ଷ ବୟସ୍କା ଝୁଣ୍ଟିଆ ତରାଇ ତାଙ୍କ ବୋହୂଙ୍କ ନାଁରେ ଏଭଳି ଅଭିଯୋଗ ଆଣିଛନ୍ତି ।

ସୂଚନାଯୋଗ୍ୟ ଯେ, ଗତକାଲି ଭୋର ସମୟରେ ଶାଶୁ ଝୁଣ୍ଟିଆ ଘର ଅଗଣାରେ ପରିସ୍ରା କରିବାକୁ ନେଇ ନାତୁଣୀଙ୍କ ସହିତ ବଚସା ହୋଇଥିଲା । ସେହି ସମୟରେ ଶୌଚ ସାରି ଘରକୁ ଫେରୁଥିବା ସାନ ବୋହୁ ଜାନକୀ ତରାଇ ହାତରେ ଧରିଥିବା ଢାଳରେ ଶାଶୁଙ୍କୁ ମାଡମାରିଥିଲା । ଏଥିରେ ଶାଶୁ ଝୁଣ୍ଟିଆଙ୍କର ଡାହାଣ ଆଖି ପତା ଫାଟିଯାଇଛି । ରକ୍ତାକ୍ତ ହୋଇ କୌଣସି ମତେ ବୃଦ୍ଧା ଜଣଙ୍କ ଭୁବନ ଥାନାର ଦ୍ବାରସ୍ତ ହୋଇଥିଲେ । ଭୁବନ ପୋଲିସ ବୃଦ୍ଧାଙ୍କୁ ଭୁବନ ଡାକ୍ତରଖାନାରେ ଚିକିତ୍ସିତ କରାଇବା ସହିତ ଅଭିଯୋଗ ଆଧାରରେ ତଦନ୍ତ ଚଳାଇଛି ।

   Related Posts