ପାଟଣା, ୦୫/୧୨: କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ମଲାରପଦା ଗ୍ରାମରେ ଘଟିଛି ଅଭାବନୀୟ ଘଟଣା । ପୁତୁରାର ଠେଙ୍ଗାମାଡ଼ରେ ଗୁରୁତର କକାଙ୍କ ଚିକିତ୍ସାଧୀନ ଅବସ୍ଥାରେ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ରବିବାର ମୃତ୍ୟୁ ଘଟିଛି । ମୃତକ ହେଲେ ବନମାଳି ମହାନ୍ତ(୮୦) ।
ସୂଚନା ଅନୁଯାୟୀ ଜମିବାଡ଼ିକୁ ନେଇ ଗତ ୨୮ ତାରିଖ ଉଭୟ କକା ଓ ପୁତୁରା ମଧ୍ୟରେ ବଚସା ହେବା ପରେ ପୁତୁରା ଆନନ୍ଦ ମହାନ୍ତ ଏକ ଠେଙ୍ଗାରେ କକା ବନମାଳିକୁ ଆକ୍ରମଣ କରିଥିଲା । ଫଳରେ ବନମାଳୀ ତଳେ ପଡି ଯାଇଥିଲେ । ଗୁରୁତର ଅବସ୍ଥାରେ ତାଙ୍କୁ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତୀ କରାଯାଇଥିଲା । ହେଲେ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି।
ଖବର ପାଇ ତୁରୁମୁଙ୍ଗା ପୋଲିସ ମେଡିକାଲରେ ପହଞ୍ଚି ମୃତଦେହକୁ ଜବତ କରିବା ସହ ଅଭିଯୁକ୍ତ ପୁତୁରା ଆନନ୍ଦ ମହାନ୍ତ(୪୬)ଙ୍କୁ ଅଟକ ରଖି ତଦନ୍ତ ଚଳାଇଛନ୍ତି। ଏନେଇ ତୁରୁମୁଙ୍ଗା ଥାନାରେ ୧୩୯/୨୧ରେ ଏକ ମାମଲା ରୁଜୁ ହୋଇଛି । ଆସନ୍ତାକାଲି ଅଭିଯୁକ୍ତ ପୁତୁରାକୁ କୋର୍ଟ ଚାଲାଣ କରାଯିବ ବୋଲି ଥାନା ଅଧିକାରୀ ମଦନ ମୋହନ ନାଏକ ସୂଚନା ଦେଇଛନ୍ତି।