କଳାହାଣ୍ଡି ୧୩।୧: ଜୟପାଟଣା ବ୍ଲକ୍ ପାବଲୀଠାରେ ମେଗାଲିଫ୍ଟ କେନାଲରେ ଭାସି ଯାଇ ବୃଦ୍ଧଙ୍କ ମୃତ୍ୟୁ ହୋଇଛି । ମୃତ ବୃଦ୍ଧ ହେଲେ ସିଲେଇଜୋର ଗାଁର ଅଧବାରୁ ଜାନୀ । ତାଙ୍କ ବୟସ ୫୫ ବର୍ଷ ।
ଗୁରୁବାର ମୁଖ୍ୟମନ୍ତ୍ରୀ ଉଦଘାଟନ କରିବା ପୂର୍ବରୁ କେନାଲରେ ପାଣି ଛଡା ଯାଇଥିଲା । ବୃଦ୍ଧ ଜଣଙ୍କ ଶୌଚ ହେବାକୁ ଯାଇ ପାଣି ସୁଅରେ ଭାସି ଯାଇଥିଲେ । ବୃଦ୍ଧ ଜଣଙ୍କ ନିଜର ସମ୍ପର୍କୀୟ ଘର ପାବଳୀ ଗାଁକୁ ଏକୋଇଶି ଉତ୍ସବରେ ଯୋଗଦେବାକୁ ଆସିଥିବା ବେଳେ ଏଭଳି ଅଭାବନୀୟ ଘଟଣା ଘଟିଛି । ବୁଧବାର କେନାଲରୁ ମୃତଦେହ ଉଦ୍ଧାର କରାଯାଇଛି ।