Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||
  • ମଙ୍ଗଳବାର ପ୍ରକାଶ ପାଇବ ଚୂଡାନ୍ତ ପ୍ରାର୍ଥୀ ତାଲିକା, ମିଳିବ ନିର୍ବାଚନୀ ଚିହ୍ନ
  • ||

ଓଲା କର୍ମଚାରୀଙ୍କ ପାଇଁ ଖରାପ ଖବର : ୧୪୦୦ କର୍ମଚାରୀଙ୍କୁ ଛଟେଇ କରିବାକୁ ଘୋଷଣା କଲା କମ୍ପାନୀ

20/05/2020 at 4:45 PM

ନୂଆଦିଲ୍ଲୀ ୨୦/୦୫ : ବିଶ୍ୱ ମହାମାରୀ କରୋନା ଯୋଗୁଁ ସାରା ବିଶ୍ୱରେ ଆର୍ଥିକ ସଙ୍କଟ ଦେଖା ଦେଇଛି | ଅର୍ଥ ବ୍ୟବସ୍ଥାରେ କ୍ଷତି ଯୋଗୁଁ ଅନେକ କମ୍ପାନୀ ନିଜ କର୍ମଚାରୀଙ୍କୁ ଛଟେଇ କରିଦେଇଛନ୍ତି | ଆହୁରି ଅନେକ କମ୍ପାନୀ କର୍ମଚାରୀଙ୍କୁ ଚାକିରୀରୁ ବାହାର କରିବାକୁ ନୋଟିସ ଜାରି କରିଛନ୍ତି | ଆର୍ଥିକ ମାନ୍ଦାବସ୍ଥା ଯୋଗୁଁ କ୍ୟାବ କମ୍ପାନୀ ୟୁବେର ନିଜର ୩ ହଜାର ୭୦୦ କର୍ମଚାରୀଙ୍କୁ ହଠାତ ଚାକିରୀରୁ ବାହାର କରିଡ଼ଦେଇଥିଲା | ବର୍ତ୍ତମାନ କ୍ୟାବ ଏଗ୍ରିଗେଟର କମ୍ପାନୀ ଓଲା ରାଇଡ଼ର୍ସ, ଫାଇନାନସିଲ ସର୍ଭିସ ଓ ଫୁଡ ବିଜନେସର ୧୪୦୦ କର୍ମଚାରୀଙ୍କୁ ଛଟେଇ କରିବାକୁ ଯୋଜନା କରୁଛି | ଏହା ମୋଟ କର୍ମଚାରୀଙ୍କ ପାଖାପାଖି ୨୫ ପ୍ରତିଶତ |

କମ୍ପାନୀ ସିଇଓ ଭବିଷ ଅଗ୍ରୱାଲ ଏକ ଇ-ମେଲ ଜରିଆରେ କର୍ମଚାରୀଙ୍କୁ ଛଟେଇ ସମ୍ପର୍କରେ ସୂଚନା ଦେଇଛନ୍ତି | ଇ-ମେଲରେ ଅଗ୍ରୱାଲ ସ୍ପଷ୍ଟ କରିଛନ୍ତି ଯେ, ବ୍ୟବସାୟରେ ଅସ୍ପଷ୍ଟ ଏବଂ ଅନିଶ୍ଚିତତା ଦେଇ ଗତି କରୁଛି | କରୋନା ସଙ୍କଟ ପ୍ରଭାବ ବ୍ୟବସାୟ ଉପରେ ପଡିଛି ଏବଂ ଏହା ବହୁତ ସମୟ ଯାଏଁ ରହିବ | ତାଙ୍କ ଉଦ୍ୟୋଗ ପାଇଁ ଭାଇରସର ପ୍ରଭାବ ଅତ୍ୟନ୍ତ ଖରାପ ବୋଲି ସେ କହିଛନ୍ତି | ଗତ ଦୁଇ ମାସରେ କମ୍ପାନୀର ୯୫ ପ୍ରତିଶତ କ୍ଷତି ହୋଇଛି | ଏହି ସଙ୍କଟ ଯୋଗୁଁ ତାଙ୍କ କମ୍ପାନୀର ଲକ୍ଷ ଲକ୍ଷ ଡ୍ରାଇଭର ଓ ସେମାନଙ୍କ ପରିବାର ପ୍ରଭାବିତ ହୋଇଛନ୍ତି ବୋଲି କହିଛନ୍ତି ଭବିଷ ଅଗ୍ରୱାଲ | ସେଥିପାଇଁ ସେ ୧୪୦୦ କର୍ମଚାରୀଙ୍କୁ ଛଟେଇ କରିବାକୁ ନିଷ୍ପତ୍ତି ନେଇଛନ୍ତି |

ମାର୍ଚ୍ଚ ୨୫ ତାରିଖରେ ସରକାର ଦେଶ ବ୍ୟାପି ଲକଡାଉନ ଘୋଷଣା କରିବା ପରେ ଓଲା ଉବେର ସେବା ସ୍ଥଗିତ ରଖିଥିଲା | ଫଳରେ କମ୍ପାନୀ ଅନେକ କ୍ଷତି ସହ୍ୟ କରିବାକୁ ପଡିଛି | ଲକଡାଉନ ନିୟମରେ ଆଂଶିକ କୋହଳ ପରେ ଓଲା ଦେଶର ୧୬୦ ସହରରେ ପୁଣି କ୍ୟାବ ସେବା ଆରମ୍ଭ କରିଛି |

ଓଲା ପୂର୍ବରୁ ଉବେର ମଧ୍ୟ ଏହି ଆର୍ଥିକ ସଙ୍କଟ ଯୋଗୁଁ ୩ ହଜାର ୭୦୦ କର୍ମଚାରୀଙ୍କୁ ଛଟେଇ କରିଥିଲା | କମ୍ପାନୀ ବର୍ତ୍ତମାନ ୨୫ ପ୍ରତିଶତ କର୍ମଚାରୀଙ୍କୁ ଛଟେଇ କରିଛି | ଏହାସହ କମ୍ପାନୀ ବିଶ୍ୱ ସ୍ଥରରେ ୪୫ଟି କାର୍ଯ୍ୟାଳୟ ବନ୍ଦ କରିଦେଇଛି | ସୋମବାର ଦିନ କମ୍ପାନୀ ୩ ହଜାର କର୍ମଚାରୀଙ୍କୁ ବାହାର କରିବାକୁ ନିଷ୍ପତ୍ତି ନେଇଛି |

   Related Posts