Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହଙ୍ଗା ହେଲା ପ୍ଲାଟଫର୍ମ ଟିକେଟ୍, ପୂର୍ବାପେକ୍ଷା ୩ ଗୁଣା ବଢିଲା ଦାମ୍
  • ||
  • ଭିଜିଲାନ୍ସ ପଞ୍ଝାରେ କିରାଣୀ, ମୃତ୍ୟୁ ପ୍ରମାଣପତ୍ର ପାଇଁ ନେଉଥିଲେ ୬୦୦ ଟଙ୍କା ଲାଞ୍ଚ
  • ||
  • ଆଜି ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ, ପୁରସ୍କୃତ ହେବେ ଶ୍ରେଷ୍ଠ-୧୪ ପ୍ରତିଭାଦୀପ୍ତ ମହିଳା
  • ||
  • ଆଜି ସନ୍ଧ୍ୟାରେ ନ୍ୟୁଜ୍ ସେଭେନ୍ ସର୍ଟଫିଲ୍ମ କଣ୍ଟେଷ୍ଟ୍ ‘ସୋ-କେଶ୍ ୨୦୨୦’ର ପୁରସ୍କାର ବିତରଣୀ, ୧୨ଟି ବର୍ଗରେ ରହିଛି ପୁରସ୍କାର
  • ||
  • ଇଂଲଣ୍ଡ ବ୍ୟାଟିଂରେ ଭନ୍ ନିରାଶ, କହିଲେ- ‘ପିଚ୍ ଭଲ ଥିଲା କିନ୍ତୁ ଖେଳି ପାରିଲେ ନାହିଁ’
  • ||
  • ସୁନ୍ଦରଗଡ଼ : ନଦୀ ପଠାରେ ପଡିଛି ଶରୀରର ବିଭିନ୍ନ କଟା ଅଂଶ, ହତ୍ୟା ପରେ ଫିଙ୍ଗାଯାଇଛି !
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||

ଓଃ ! କି ବିକୃତ ମାନସିକତା : ଓଲା କ୍ୟାବ ଡ୍ରାଇଭରଙ୍କୁ କିଡନାପ କରି ୪ ଦୁର୍ବୃତ୍ତ କହିଲେ ସ୍ତ୍ରୀକୁ ଭିଡିଓ କଲ କରି ନଗ୍ନ ହେବାକୁ କୁହ, ତାପରେ ନେଲେ ସ୍କ୍ରିନ ସଟ୍…

4/12/2018 at 2:54 PM

ବାଙ୍ଗାଲୁରୁ ୪/୧୨ : ୪ ଜଣ ଯୁବକ ଏକ ଓଲା କ୍ୟାବ ବୁକ କଲେ ଏବଂ ଓଲା ଡ୍ରାଇଭରଙ୍କୁ କିଡନାପ କରିନେଲେ | ଏହାପରେ ଡ୍ରାଇଭରଙ୍କ ସ୍ତ୍ରୀଙ୍କୁ ଭିଡିଓ କଲ କରି ନଗ୍ନ ହେବା ପାଇଁ କହି ତାଙ୍କର ସ୍କ୍ରିନ ସଟ ନେଇଥିଲେ |

ନଭେମ୍ବର ୩୦ ତାରିଖ ରାତି ସେହି ଓଲା କ୍ୟାବ ଡ୍ରାଇଭରଙ୍କ ପାଇଁ ଥିଲା ସବୁଠାରୁ ଖରାପ ରାତି | ନଭେମ୍ବର ୩୦ ତାରିଖ ରାତିରେ ଅଡ଼ୁଗୋଡ଼ି ଠାରୁ ଡୋମାସାନ୍ଦ୍ରକୁ ବୁକ ହୋଇଥିବା ଓଲା | ଡ୍ରାଇଭର ସେହି ପାଖ ଅଂଚଳରେ ଥିଲେ | ସେ ବୁକିଂ ଗ୍ରହଣ କରିଥିଲେ | ଡ୍ରାଇଭର ଜଣକ ହେଲେ ସୋମାଶେଖର | ରାତି ପ୍ରାୟ ୧୦ଟା ବେଳେ ୪ଜଣ ଯୁବକ ଏହି ଓଲା ବୁକିଂ କରିଥିଲେ | ତାଙ୍କ ଗନ୍ତବ୍ୟ ସ୍ଥଳରେ ପହଂଚିବା ପରେ ସେମାନେ ଡ୍ରାଇଭରଙ୍କୁ ଆଉ କିଛି ବାଟ ଆଗକୁ ଯିବା ପାଇଁ କହିଥିଲେ | ଯେଉଁପଟେ ସେମାନଙ୍କ ଘର ଥିଲା | ଡ୍ରାଇଭର ଯୁବକମାନଙ୍କ କହିବାନୁଯାୟୀ ଆଗକୁ ବଢିଲେ | କିଛି ବାଟ ଗଲାପରେ ଏକ ଶୂନଶାନ ଜାଗାରେ ଗାଡି ରଖିବା ପାଇଁ କହିଥିଲେ | ଡ୍ରାଇଭର ସେଠାରେ ଗାଡି ରଖିଥିଲେ | ଏହା ପରେ ୪ଜଣ ଯୁବକ ଡ୍ରାଇଭରଙ୍କୁ ମାଡ ମାରିବା ସହ ତାଙ୍କ କାର ଚାବି ଛଡେଇ ନେଇଥିଲେ | ଏହାପରେ ସେମାନେ ଡ୍ରାଇଭରଙ୍କୁ କାରର ପଛପଟ ସିଟରେ ବାନ୍ଧି ଦେଇଥିଲେ | ଏହାପରେ ୪ଜଣ ଯୁବକମାନଙ୍କ ମଧ୍ୟରୁ ଜଣେ କାର ଡ୍ରାଇଭ କରି ରାମନଗର ପାଖରେ ଥିବା ଶ୍ମଶାନ ଆଡକୁ ଗଲେ | ସେଠାରେ ସେମାନେ ଡ୍ରାଇଭରଙ୍କୁ ନିର୍ଯ୍ୟାତନା ଦେଇ ତାଙ୍କୁ ଟଙ୍କା ଦାବି କରିଥିଲେ | ଡ୍ରାଇଭର ସେମାନଙ୍କୁ ୯ହଜାର ଟଙ୍କା ଏବଂ ପେଟିଏମ ମାଧ୍ୟମରେ ୨୦ ହଜାର ଦେଇଥିଲେ |

ତଥାପି ୪ଜଣ ଦୁର୍ବୁର୍ତ୍ତଙ୍କ ନିର୍ଯ୍ୟାତନା ସେଇଠି ଶେଷ ହୋଇନଥିଲା | ସେଠାରୁ ସେମାନେ ଡ୍ରାଇଭରଙ୍କୁ ଅନ୍ୟ ଏକ ପରିତ୍ୟକ୍ତ ଜାଗାକୁ ନେଇଯାଇଥିଲେ | ସେଠାରେ ସେମାନେ ଡ୍ରାଇଭରଙ୍କୁ ନିଜ ସ୍ତ୍ରୀକୁ ଭିଡିଓ କଲ କରିବା ପାଇଁ ବାଧ୍ୟ କରିଥିଲେ | ଭିଡିଓ କଲରେ ସେମାନେ ଡ୍ରାଇଭରଙ୍କ ସ୍ତ୍ରୀକୁ ନଗ୍ନ ହେବା ପାଇଁ ବାଧ୍ୟ କରିଥିଲେ | କିନ୍ତୁ ଡ୍ରାଇଭରଙ୍କ ସ୍ତ୍ରୀ ମନା କରିଦେବାରୁ ୪ଜଣ ତାଙ୍କୁ ଆହୁରି ନିର୍ଯ୍ୟାତନା ଦେଇଥିଲେ | ସ୍ୱାମୀଙ୍କୁ ମାଡ ମାରୁଥିବା ଦେଉଥିବା ଦେଖି ସ୍ତ୍ରୀ ସାହିପାରିନଥିଲେ ଏବଂ ୪ଜଣଙ୍କ କଥାରେ ରାଜି ହୋଇଯାଇଥିଲେ | ୪ଜଣ ଦୁର୍ବୁର୍ତ୍ତ ଡ୍ରାଇଭରଙ୍କ ସ୍ତ୍ରୀର ନଗ୍ନ ଭିଡିଓର ସ୍କ୍ରିନ ସଟ ନେଇଯାଇଥିଲେ |

ଏହାପରେ ସେମାନେ ଡ୍ରାଇଭରଙ୍କୁ ଏକ ଲଜକୁ ନେଇଯାଇଥିଲେ | କିନ୍ତୁ ଡ୍ରାଇଭର ସେଠାରୁ କୌଶଳକ୍ରମେ ଖସି ଯାଇଥିଲେ | ଡ୍ରାଇଭର ସେଠାରୁ ଅଡ଼ୁଗୋଡ଼ି ଥାନାରେ ଏକ ମାମଲା ରୁଜ୍ଜୁ କରିଥିଲେ | ପୋଲିସ ଏକ ବ୍ଲାକମେଲ ମାମଲା ଦାଏର କରିବା ସହ ମହିଳାଙ୍କୁ ଅସଦାଚରଣ ମାମଲା ରୁଜ୍ଜୁ କରି ତଦନ୍ତ ଚଳାଇଛି |

   Related Posts