Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ସାମୁଦ୍ରିକ ବାତ୍ୟା ‘ତୌତେ’ ମୃତ୍ୟୁର ତଦନ୍ତ ନିର୍ଦ୍ଦେଶ ଦେଲେ ସରକାର, ସତର୍କତା ସତ୍ତ୍ୱେ ସମୁଦ୍ରରେ ଥିଲେ ଜାହାଜ

20/05/2021 at 4:56 PM

ନୂଆଦିଲ୍ଲୀ ୨୦।୫: ଆରବ ସାଗରରେ ସାମୁଦ୍ରିକ ବାତ୍ୟା ‘ତୌତେ’ ନେଇ ଭାରତୀୟ ପାଣିପାଗ ବିଭାଗ (ଆଇଏମଡି) ଅନେକ ପୂର୍ବରୁ ସୂଚନା ଦେଇଥିଲେ। ମହାସାଗରରେ ବାତ୍ୟା ସୃଷ୍ଟି ହେବାଠାରୁ ଆରମ୍ଭ କରି ଏହାର ତୀବ୍ରତା ଓ କେଉଁ ସ୍ଥାନରେ କେତେବେଳେ ପହଞ୍ଚିବ ସେ ନେଇ ମଧ୍ୟ ସଠିକ ଆକଳନ କରାଯିବା ସହ ସତର୍କତା ମଧ୍ୟ ଜାରି ହେଉଥିଲା। କୌଣସି ପ୍ରକାର ଧନଜୀବନ ହାନୀ ରୋକିବା ଲାଗି ସମୁଦ୍ର ଓ ଆଖପାଖ ଅଞ୍ଚଳକୁ ନ ଯିବା ଲାଗି ଲୋକଙ୍କୁ ବାରମ୍ବାର ଚେତାବନୀ ମଧ୍ୟ ଦିଆଯାଉଥିଲା।

ଆଇଏମଡିଙ୍କ ଚେତାବନୀ ଓ ସତର୍କତା ସତ୍ତ୍ୱେ ଓଏନଜିସି ସମେତ କେତେକ ସଂସ୍ଥାଙ୍କ ଜାହାଜ ବାତ୍ୟା ପ୍ରଭାବିତ ଅଞ୍ଚଳରେ ରହିଯାଇଥିଲେ। ଫଳରେ ଜାହାଜମାନଙ୍କରେ କାମ କରୁଥିବା ୨ ଡଜନରୁ ଅଧିକ ଲୋକେ ବାତ୍ୟାରେ ଫଶି ପ୍ରାଣ ହରାଇଛନ୍ତି। ମାମଲାକୁ କେନ୍ଦ୍ର ସରକାର ଏବେ ଗୁରୁତ୍ୱର ସହ ଗ୍ରହଣ କରିଥିବା ବେଳେ ମାମଲାର ତଦନ୍ତ ନିର୍ଦ୍ଦେଶ ଦେଇଛନ୍ତି। ଏଥିଲାଗି ଏକ ତଦନ୍ତ କମିଟି ମଧ୍ୟ ଗଠନ ହୋଇଥିବା ଜଣାପଡିଛି।

କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ୍‌ ମନ୍ତ୍ରାଳୟ ଏଥିଲାଗି ଏକ ଉଚ୍ଚସ୍ତରୀୟ କମିଟି ଗଠନ କରିଥିବା ବେଳେ ଏଭଳି ଘଟଣା ଲାଗି ଦାୟିଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ କରିବାକୁ ନିଷ୍ପତ୍ତି ନେଇଛନ୍ତି। କମିଟିର ଅଧିକାରୀମାନେ ଏକ ନିଶ୍ଚିତ ସମୟ ମଧ୍ୟରେ ସମସ୍ତ ସମ୍ପର୍କିତ ଅଧିକାରୀଙ୍କ ଭୂମିକା ଯାଞ୍ଚ କରି ରିପୋର୍ଟ ପ୍ରଦାନ କରିବେ। ସେହପରି ଭବିଷ୍ୟତରେ ଯଦି ଏପରି ଘଟଣା କେବେ ଘଟେ ତେବେ ଏଥିରେ କିପରି ପଦକ୍ଷେପ ନିଆଯିବା ଦରକାର ସେ ନେଇ କମିଟି ପରାମର୍ଶ ମଧ୍ୟ ଦେବେ।

ସମୁଦ୍ରିକ ଝଡ ତୌତେ ଆସିବା ସମୟରେ ଆରବ ସାଗରରେ ଓଏନଜିସିର ଅନେକ ଜାହାଜ ଏହାର ପ୍ରକୋପ କ୍ଷେତ୍ରରେ ଥିଲେ। ଏହି ସବୁ ଜାହାଜରେ ୬୦୦ରୁ ଅଧିକ ଲୋକେ ଥିବା ବେଳେ ବାତ୍ୟା ପ୍ରଭାବରେ ଆସିବା ଯୋଗୁ ୨୪ରୁ ଅଧିକ ଲୋକେ ମୃତ୍ୟୁମଖରେ ପଡିଛନ୍ତି। ସେମାନଙ୍କ ଶବ ନୌସେନା ଉଦ୍ଧାର କରିଥିବା ବେଳେଏବେବି ଅନେକନିଖୋଜ ଅଛନ୍ତି।

   Related Posts