ମୁମ୍ବାଇ ୦୪/୧୦: ନାରକୋଟିକ୍ସ କଂଟ୍ରୋଲ ବ୍ୟୁରୋ (ଏନସିବି)ର ଉପ-ନିର୍ଦେଶକ କେପିଏସ ମଲହୋତ୍ରା କରୋନାରେ ସଂକ୍ରମିତ। ସେ ସୁଶାନ୍ତ ମୃତ୍ୟ ମାମଲାରେ ଜଡ଼ିତ ଡ୍ରଗ୍ସ ଲିଙ୍କକୁ ନେଇ ବଲିଉଡ ଅଭିନେତ୍ରୀ ଦୀପିକା ପାଦୁକୋନଙ୍କୁ ଜେରା କରିଥିଲେ। କେବଳ ଦୀପିକା ନୁହନ୍ତି ସାରା ଅଲ୍ଲୀ ଖାନ ଓ ଶ୍ରଦ୍ଧା କପୁରଙ୍କୁ ମଧ୍ୟ ପଚରାଉଚରା କରିସାରିଛନ୍ତି। ଏବେ ତାଙ୍କ ସଂକ୍ରମଣ ସମସ୍ତଙ୍କ ଚିନ୍ତା ବଢ଼ାଇଛି।
ସୁଶାନ୍ତ ମୃତ୍ୟୁ ମାମଲାରେ ଡ୍ରଗ୍ସ ଲିଙ୍କ ସାମ୍ନାକୁ ଆସିବା ପରେ ଦିଲ୍ଲୀ ଏନସିବିର ୫ ଜଣିଆ ଟିମ ମୁମ୍ବାଇ ଯାଇଥିଲେ। ଏ ଟିମର ନେତୃତ୍ବରେ ଥିଲେ କେପିଏସ ମଲହୋତ୍ରା। ଏହି ଟିମ ସୁଶାନ୍ତ ମାମଲା ଓ ବଲିଉଡ ଡ୍ରଗ୍ସ ମାଫିଆ ମାମଲାର ତଦନ୍ତ କରୁଛି।
ମଲହୋତ୍ରା ଟିମ୍ ମୁଖିଆ ହୋଇଥିବାରୁ ସେ ଅନେକ ଲୋକଙ୍କୁ ଏ ବାବଦରେ ପଚାର ଉଚରା କରିସାରିଲେଣି। ସେ ରିୟା ଚକ୍ରବର୍ତୀଙ୍କ ସମେତ ଅନେକ ଡ୍ରଗ ପେଡଲରଙ୍କୁ ମଧ୍ୟ ଜେରା କରି ଜେଲ ପଠାଇଛନ୍ତି। ତେବେ ଏବେ ତାଙ୍କ ସହ ସାମିଲ ଥିବା ତଥା ତାଙ୍କ ସଂସ୍ପର୍ଶରେ ଆସିଥିବା ଲୋକମାନେ କରୋନା ଟେଷ୍ଟ କରାଉଛନ୍ତି।
