Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଣାଇ ରେଞ୍ଜରେ ଗୋଠଛଡା ଦନ୍ତା ଆତଙ୍କ, ସନ୍ଧ୍ୟା ହେଲେ ଗାଁରେ ପଡୁଛି ତାଟିକବାଟ
  • ||
  • ଟେକ୍ସାସରେ ୪ ଜଣଙ୍କୁ ପଣବନ୍ଦୀ : ପାକିସ୍ତାନୀ ବୈଜ୍ଞାନିକଙ୍କୁ ମୁକ୍ତ କରିବାକୁ ଦାବି, ଘଟଣାସ୍ଥଳରେ ଏଫବିଆଇ ଓ ସ୍ୱାଟ୍ ଟିମ୍
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୧କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଡେଇଁଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୧୭୭ କୋଭିଡ୍ ପଜିଟିଭ୍, ୧୧୩୩୯୧୨ରେ ପହଞ୍ଚିଲା ସଂଖ୍ୟା
  • ||
  • ନିଶାରେ ୩ ବାଇକକୁ ଧକ୍କା ଦେଲେ କାର୍ ଡ୍ରାଇଭର, ଓଲଟା ପୋଲିସକୁ କଲେ ଗାଳିଗୁଲଜ
  • ||
  • ଫାଟିଗଲା ମୋବାଇଲ ବ୍ୟାଟେରୀ, ନାବାଳକ ଗୁରୁତର : ପଥରରେ ଛେଚୁଥିବା ବେଳେ ଅଘଟଣ
  • ||
  • ରାଜ୍ୟର ୪ ବରିଷ୍ଠ ଆଇଏଏସଙ୍କୁ ପ୍ରମୋସନ, ଅତିରିକ୍ତ ମୁଖ୍ୟ ଶାସନ ସଚିବ ପାହ୍ୟାକୁ ପଦୋନ୍ନତି
  • ||
  • କୋଟିଆରେ ହେବ ପଞ୍ଚାୟତ ନିର୍ବାଚନ, ୧୩ଟି ବୁଥରେ ମତଦାନ
  • ||

ପୁରୁଣା ଦିଲ୍ଲୀର ଚାନ୍ଦିନୀ ମହଲ ଅଞ୍ଚଳ ସିଲ୍: ୧୩ ମସଜିଦ୍‌ରୁ ଚିହ୍ନଟ ହେଲେ ୫୨ ଜଣ କରୋନା ସଂକ୍ରମିତ

11/04/2020 at 6:20 PM

ନୂଆଦିଲ୍ଲୀ ୧୧/୦୪: ଦିଲ୍ଲୀ ସମେତ ଦେଶର ଅନେକ ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି| କେନ୍ଦ୍ରୀୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଜାରି କରିଥିବା ତାଜା ସୂଚନା ଅନୁଯାୟୀ, ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୭୪୪୭ ହେଲାଣି| ଗତ ୨୪ ଘଣ୍ଟା ମଧ୍ୟରେ ୪୦ ଜଣଙ୍କର ମୃତ୍ୟୁ ହୋଇଛି | ଦେଶରେ ଏବେ ସୁଦ୍ଧା ୨୩୯ ଜଣଙ୍କର ମୃତ୍ୟୁ ହେଲାଣି | ଏବେ ସୁଦ୍ଧା ୬୪୩ ଜଣ ସୁସ୍ଥ ମଧ୍ୟ ହୋଇଛନ୍ତି |

ପୁରୁଣା ଦିଲ୍ଲୀର ଚାନ୍ଦିନୀ ମହଲରେ ଗତ ୭୨ ଘଣ୍ଟାରେ ୩ ଜଣଙ୍କର କରୋନା ଯୋଗୁଁ ମୃତ୍ୟୁ ହୋଇଛି | ୧୩ ମସଜିଦରୁ ୧୦୨ ଜଣଙ୍କ ମଧ୍ୟରୁ ୫୨ ଜଣଙ୍କ କରୋନା ପଜିଟିଭ ଚିହ୍ନଟ ହୋଇଛନ୍ତି | ଏହାପରେ ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି ହୋଇଛି | ସେଣ୍ଟ୍ରାଲ ଦିଲ୍ଲୀର ଜିଲ୍ଲା ଅଧିକାରୀ ଚାନ୍ଦିନୀ ମହଲ ଅଞ୍ଚଳ ସିଲ କରିଛନ୍ତି | ସ୍ଥାନୀୟ ଅଞ୍ଚଳରେ ପ୍ରଶାସନ ସୁରକ୍ଷା ବ୍ୟବସ୍ଥା କଡାକଡି କରିଛନ୍ତି | ରାସ୍ତାରେ ପୋଲିସ ନିୟୋଜିତ କରାଯାଇଛି ଏବଂ ସୁରକ୍ଷାକର୍ମୀ ଲଗାତାର ସେହି ଅଞ୍ଚଳକୁ ଗସ୍ତ କରୁଛନ୍ତି |

ରାଜଧାନୀ ଦିଲ୍ଲୀରେ ସିଲ ହେଉଥିବା ହଟସ୍ପଟ ସଂଖ୍ୟା ବଢି ୩୦ ହେଲାଣି | ଶୁକ୍ରବାର ଦିନ ଦିଲ୍ଲୀର ୬ଟି ନୂଆ ଜାଗା ହଟସ୍ପଟ ଚିହ୍ନଟ କରାଯାଇଥିଲା ଏବଂ ତାକୁ ସିଲ କରାଯାଇଥିଲା | ଯେଉଁ ୬ଟି ଜାଗାକୁ ସିଲ କରାଯାଇଛି ସେଗୁଡିକ ହେଲା, ନବୀ କରିମ, ଜିଟିବି ଏନକ୍ଳେଭର ଇ-ମାର୍କେଟ, ଜାକିର ନଗର ଗଳି ନମ୍ବର ୧୮ ଓ ୨୨ ଏବଂ ଜାକିର ନଗର ଅବୁ ବକର ମସଜିଦ|ଦିଲ୍ଲୀର ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ ଶୁକ୍ରବାର ଦିନ କହିଛନ୍ତି ଯେ, ତାଙ୍କୁ କେନ୍ଦ୍ର ତରଫରୁ ୧୩ ହଜାର ୫୦୦ ପିପିଆଇ କୀଟ ଉପଲବ୍ଧ କରାଇ ଦିଆଯାଇଛି| ଏହି ସବୁ କୀଟ ଟ୍ରକରେ ଲୋଡ଼ କରି ଦିଲ୍ଲୀ ସରକାରଙ୍କ ଗୋଦାମକୁ ପଠାଯାଉଛି|

ଏବେ ମଧ୍ୟ ଦିଲ୍ଲୀର ଓଖଲା ପରିବା ବଜାରରେ ଲୋକଙ୍କ ଭିଡ ଦେଖିବାକୁ ମିଳିଛି | ଶୁକ୍ରବାର ସନ୍ଧ୍ୟାରେ ଲୋକ ପରିବା ଓ ଫଳ କିଣିବା ପାଇଁ ଭିଡ କରିଥିଲେ | ଏଠାରେ ସାମାଜିକ ଦୂରତାର ମଜାକ ଉଡାଇ ଦିଆଯାଇଥିଲା | ଦିଲ୍ଲୀରେ ବର୍ତ୍ତମାନ ସୁଦ୍ଧା ୯୦୦ ଜଣ ଆକ୍ରାନ୍ତ ହୋଇଥିବା ଜଣାପଡିଛି |

   Related Posts