ଜୟପୁର ୫।୯: ଘଞ୍ଚ ଜଙ୍ଗଲ ରାସ୍ତା । ପାଦେ ପାଦରେ ବିପଦ। ଚାଲିବାକୁ ବି ରାସ୍ତା ନାହିଁ। ଆଉ ଏହି ଜଙ୍ଗଲ ମଧ୍ୟ ଦେଇ ଦେଢ କିଲୋମିଟର ଚାଲି ଚାଲି ଗୋଟିଏ ଶବକୁ ନଦୀରୁ ଉଦ୍ଧାର କରିବା ପରେ ତାକୁ ବୋହି ଗାଁକୁ ଆଣିଥିଲେ କୋରାପୁଟର ଓଡ୍ରାଫ ଟିମ୍। ଆଉ ଏହି ଚିତ୍ର ଏବେ ସାମ୍ନାକୁ ଆସିବା ପରେ କୋରାପୁଟ ଏହି ଓଡ୍ରାଫ ଦଳକୁ ମିଳୁଛି ଢେର ପ୍ରଶଂସା।
{"id":153451}ଗତ ୨ ତାରିଖରେ ବୋରିଗୁମ୍ମା ବ୍ଲକର ଡମ୍ବତୁରୁଂଜି ଗାଁ ନିକଟ ଚାବେରୀ ନଦୀ ପାର ହେବା ସମୟରେ ଚିନ୍ତାମଣି ମୁଦୁଲି ନାମକ ଜଣେ ବୃଦ୍ଧା ଭାସିଯାଇଥିଲେ। ଆଉ ଖବର ପାଇ ଅଗ୍ନିଶମ ଓ ଓଡ୍ରାଫ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାମ ଆରମ୍ଭ କରିଥିଲେ। ତେବେ ୨ ଦିନ ଖୋଜାଖୋଜି କରିବା ପରେ ଗତକାଲି ତାଙ୍କୁ ଘଟଣାସ୍ଥଳରୁ ୩ କିଲୋମିଟର ଦୂର ହରିଡାଗୁଡା ନିକଟରେ ମୃତ ଅବସ୍ଥାରେ ଠାବ କରାଯାଇଥିଲା। ହେଲେ ସେଠାକୁ ଗାଡି ଯିବା ପାଇଁ ରାସ୍ତା ନଥିବାରୁ ଓଡ୍ରାଫ ଟିମ୍ ଦେଢ କିଲୋମିଟର କାନ୍ଧରେ ବୋହି ଶବକୁ ଆଣିଥିଲେ।