Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ରେଳ ବଜେଟରୁ ଓଡିଶାକୁ ଏଥର କଣ ମିଳିଲା ଜାଣନ୍ତୁ

1/02/2019 at 9:01 PM

ଭୁବନେଶ୍ବର୧|୨: ରେଳ ବଜେଟରୁ ଓଡିଶାକୁ ଏଥର ମିଳିଛି ୭୦୧୦ କୋଟି ଟଙ୍କା । ଗତ ବର୍ଷ ଠାରୁ ଏହା  ୧୩ ପ୍ରତିଶତ ବୋଲି ପୂର୍ବତଟ ରେଳପଥ ପକ୍ଷରୁ କୁହାଯାଇଛି । ବିଭିନ୍ନ ପ୍ରକଳ୍ପ, ବିଦ୍ୟୁତିକରଣ, ଯାତ୍ରୀଙ୍କ ପାଇଁ ବିଭିନ୍ନ ସୁବିଧା, ୱାର୍କସପ, ରେଳ ଧାରଣା ନିର୍ମାଣ ଏବଂ ରେଳ କର୍ମଚାରୀଙ୍କ ବିଭିନ୍ନ ସୁବିଧା ବାବଦରେ ଏହି ପାଣ୍ଟି ଖର୍ଚ୍ଚ ହେବ । ଏହି ପାଣ୍ଟି ମଧ୍ୟରୁ ୨୬୩୦ କୋଟି ଟଙ୍କା ନୂଆ ରେଳ ଲାଇନ ବିଛାଇବା ପାଇଁ ଉଦ୍ଦିଷ୍ଟ । ଗତ ବର୍ଷ ଠାରୁ ଏହା ୬୭ ପ୍ରତିଶତ ଅଧିକ । ଯାତ୍ରୀଙ୍କ ସୁବିଧା ପାଇଁ ଗତ ବର୍ଷ ମାତ୍ର ୮୨ କୋଟି ଟଙ୍କା ମିଳିଥିବାବେଳେ ଚଳିତ ବର୍ଷ ଏହା ୧୮୧ କୋଟିକୁ ବୃଦ୍ଧି ପାଇଛି । ରାଜ୍ୟର ବିଭିନ୍ନ ରେଳ ପ୍ରକଳ୍ପ ମଧ୍ୟରୁ ଅନୁଗୁଳ-ସୁକିନ୍ଦା ରୋଡ ୯୮.୭ କି.ମି ପାଇଁ ୨୫୦ କୋଟି ଟଙ୍କା ମିଳିଥିବାବେଳେ  ହରିଦାସପୁର-ପାରାଦୀପ ୮୨ କି.ମି ରେଳ ଲାଇନ ପାଇଁ ୪୦୦କୋଟି, ଖୋର୍ଦ୍ଧାରୋଡ-ବଲାଙ୍ଗିର ୨୮୯ କି.ମି ପାଇଁ ୩୫୦କୋଟି, ତାଳଚେର-ବିମଳାଗଡ ୧୫୪ କି.ମି ପାଇଁ ୧୫୦ କୋଟି, ଜୟପୁର-ମାଲକାମଗିରି ୧୨୭ କି.ମି ପାଇଁ ୭୦କୋଟି, ଜୟପୁର-ନବରଂଗପୁର ୩୮କି.ମି ପାଇଁ ୧୦ କୋଟି ଟଙ୍କା ମଞ୍ଜୁର ହୋଇଛି ।

ସେହିଭଳି ସମ୍ବଲପୁର-ତାଳଚେର ମଧ୍ୟରେ ରାସ୍ତା ଦୋହରିକରଣ ପାଇଁ ୨୪୯ କୋଟି, ସମ୍ବଲପୁର – ଟିଟିଲାଗଡ ରାସ୍ତାର ଦୋହରିକରଣ ପାଇଁ୧୭୦ କୋଟି, ବାଂଶପାଣି-ଜଖପୁରା ରାସ୍ତାର ଦୋହରିକରଣ ପାଇଁ ୮୫ କୋଟି, ଭଦ୍ରକ-ନିର୍ଗୁଣ୍ଡି ତୃତୀୟ ଲାଇନ ପାଇଁ ୮୬ କୋଟି, ବିଜାନଗରମ-ସମ୍ବଲପୁର ତୃତୀୟ ଲାଇନ ପାଇଁ ୩୫୦ କୋଟି , ଜରପଡା-ବୁଢାପଙ୍କ ତୃତୀୟ ଓ ଚତୁର୍ଥ ଲାଇନ ପାଇଁ ୧୨୦କୋଟି, କୋରାପୁଟ-ସିଂଗାପୁର ରୋଡ ଦୋହରିକରଣ ପାଇଁ ୨୦୫ କୋଟି, ବୁଢାପଙ୍କ-ସାଲେଗାଓଁର ତୃତୀୟ ଓ ଚତୁର୍ଥ ଲାଇନ ପାଇଁ ୨୧୦ କୋଟି, ମନୋହରପୁର-ବନ୍ଧମୁଣ୍ଡା ତୃତୀୟ ଲାଇନ ପାଇଁ ୪୦ କୋଟି, ଝାରସୁଗୁଡା-ରାଉରକେଲା ତୃତୀୟ ଲାଇନ ପାଇଁ ୧୫୦ କୋଟି , ବନ୍ଧମୁଣ୍ଡା-ରାଉରକେଲା ତୃତୀୟ ଲାଇନ ପାଇଁ  ୨୦ କୋଟି ଟଙ୍କା ବଜେଟରେ ପ୍ରଦାନ କରାଯାଇଛି ।

   Related Posts