Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଶ୍ବକେଶନ ହରିଚନ୍ଦନ ମହାପାତ୍ର ହେଲେ ପିପିଲି କଂଗ୍ରେସ ପ୍ରାର୍ଥୀ
  • ||
  • ମହାରାଷ୍ଟ୍ର ସ୍ଥିତି ସଙ୍ଗୀନ: ୨୪ ଘଣ୍ଟାରେ ୭୭୩ ମୃତ, ୬୬୮୩୬ ନୂଆ ସଂକ୍ରମିତ ଚିହ୍ନଟ
  • ||
  • ବିଶ୍ବକେତନ ହରିଚନ୍ଦନ ମହାପାତ୍ର ହେଲେ ପିପିଲି କଂଗ୍ରେସ ପ୍ରାର୍ଥୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୪୫୨ ଆକ୍ରାନ୍ତ, କିନ୍ତୁ ସଂକ୍ରମଣ ବୃଦ୍ଧିରେ ଲାଗୁନି ରୋକ୍‌
  • ||
  • କମ୍ବିଂ ବେଳେ ଏସ୍‌ଓଜି ଯବାନ-ମାଓବାଦୀ ମୁହାଁମୁହିଁ, ଗୁଳି ବିନିମୟରେ ମାଓବାଦୀ ମୃତ !
  • ||
  • ସାଲେପୁର : ଡାକ ଘରେ ଚାଲିଥିଲା ଭୋଜି ଭାତର ଆୟୋଜନ, ୩ ହଜାର ଟଙ୍କା ତଣ୍ଡ ଗଣିଲେ କର୍ମଚାରୀ
  • ||
  • ନୀଳଗିରି : ପୋଖରୀରେ ଗାଧୋଇବା ବେଳେ ଖସିଗଲା ଗୋଡ, ଚାଲିଗଲା ନାବାଳିକାଙ୍କ ଜୀବନ
  • ||
  • ସାନଖେମୁଣ୍ଡି : ବେଆଇନ ମଦ ବିକ୍ରିକୁ ନେଇ ଜନ ଅସନ୍ତୋଷ, ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ
  • ||
  • କର୍ଲାମୁଣ୍ଡା : ୨ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡିଲେ ରାଜସ୍ବ ନିରୀକ୍ଷକ
  • ||
  • ଆନନ୍ଦପୁର : ଯୁକ୍ତ ୨ ପରୀକ୍ଷା ବାତିଲ ଦାବିରେ ୨ଟି ମହାବିଦ୍ୟାଳୟ ଛାତ୍ରଙ୍କ ରାସ୍ତାରୋକ
  • ||

ଧରା ଦେଉନି ସୁନ୍ଦରୀ ; ୭୨ଘଣ୍ଟାର କସରତ ପରେ ବି ଓଡିଶା ଟ୍ରାଙ୍କୁଲାଇଜ୍ ବିଶେଷଜ୍ଞ ଟିମ୍ ଫେଲ୍, ଆଜି ପୁଣି ଆରମ୍ଭ ହୋଇଛି ଅପରେସନ୍

26/10/2018 at 9:42 AM

ଅନୁଗୋଳ ୨୬|୧୦: ବାଘୁଣୀ ‘ସୁନ୍ଦରୀ’କୁ ଧରିବାକୁ ଆଜି ବି ଜାରି ରହିଛି ଅପରେସନ୍ ।  ୩ଦିନ ପରେ ବି ବିଫଳ ହେ।ଇଛି ‘ସୁନ୍ଦରୀ’ ଧରା ଅଭିଯାନ । ଜଙ୍ଗଲରେ ଦୀର୍ଘ ୭୨ଘଣ୍ଟାର କସରତ ପରେ ବି ଓଡ଼ିଶାର ନାମୀ ଟ୍ରାଙ୍କୁଲାଇଜ୍ ବିଶେଷଜ୍ଞଙ୍କୁ ସଫଳତା ମିଳିପାରିନାହିଁ । ବରଂ ସବୁ ପ୍ରକାର ଫନ୍ଦିକୁ ପାର୍ କରିଛି ବାଘୁଣୀ । ଓଡ଼ିଶା ଟିମ୍‌ର ବିଫଳତା ପରେ ଅଭିଜ୍ଞ ଓ ଦକ୍ଷ ଟ୍ରାଙ୍କୁଲାଇଜ୍ ଟିମ୍ ପଠାଇବାକୁ ମଧ୍ୟପ୍ରଦେଶକୁ ଅନୁରୋଧ କରିଛନ୍ତି ରାଜ୍ୟ ସରକାର । ‘କାହ୍ନା’ ଓ ‘ପେଞ୍ଚ’ ବ୍ୟାଘ୍ର ପ୍ରକଳ୍ପରୁ ଟ୍ରାଙ୍କୁଲାଇଜ୍ ବିଶେଷଜ୍ଞଙ୍କୁ ପଠାଇବାକୁ ମଧ୍ୟପ୍ରଦେଶ ସରକାର ବି ରାଜି ହୋଇଛନ୍ତି । ‘ସୁନ୍ଦରୀ’କୁ କାବୁ କରିବା ପାଇଁ ନୂଆ କୌଶଳ ଆପଣେଇଛି ବନ ବିଭାଗ । ସୁନ୍ଦରୀକୁ ଅଚେତ ନୁହେଁ, ବରଂ ସଚେତନ ଅବସ୍ଥାରେ ଯେମିତି ଧରାଯାଇ ପାରିବ ସେଥିପାଇଁ ସୁନାବେଡ଼ା ବ୍ୟାଘ୍ର ପ୍ରକଳ୍ପରୁ ଏକ ସ୍ବୟଂଚାଳିତ ଯନ୍ତା ସାତକେ।ଶିଆକୁ ଅଣାଯାଉଛି । ଯଦି ବାଘୁଣୀ ଯନ୍ତା ସଂସ୍ପର୍ଶରେ ଆସେ, ତେବେ ବିନା ଟ୍ରାଙ୍କୁଲାଇଜରେ ବାଘୁଣୀ ବନ୍ଦୀ ହୋଇପାରିବ ।

ସାତକୋଶିଆରେ ସୁନ୍ଦରୀ ଓ ବିଶେଷଜ୍ଞ ଟିମ୍  ମଧ୍ୟରେ ଏଭଳି ଛକାପଞ୍ଝା ଚାଲୁରହିଥିବା ବେଳେ ବନ ବିଭାଗର ରଣନୀତିକୁ ନେଇ ଏବେ ସନ୍ଦେହ ଉପୁଜିଛି । ତାଲିମପ୍ରାପ୍ତ ହାତୀଙ୍କ ବିନା ବାଘୁଣୀକୁ ଟ୍ରାଙ୍କୁଲାଇଜ୍  କରିବା ଭଳି ଏତେ ବଡ଼ ପଦକ୍ଷେପ କିଭଳି ନିଆଯାଉଛି ବେ।ଲି ପ୍ରାଣୀ ବିଶେଷଜ୍ଞମାନେ ପ୍ରଶ୍ନ ଉଠାଇଛନ୍ତି । ଅତିକମ୍ ରେ ଦୁଇଟି ହାତୀ ରହିବା ନିତ୍ୟାନ୍ତ ଆବଶ୍ୟକ । ବିଶେଷଜ୍ଞଙ୍କ ମତରେ ବାଘୁଣୀକୁ ଟ୍ରାକ୍  କରାଯିବା ପରେ ହାତୀ ସହୟତାରେ ତା’ ପାଖରେ ପହଞ୍ଚିଥାନ୍ତି ବିଶେଷଜ୍ଞ । ହାତୀ ଉପରେ ବସି ଟ୍ରାଙ୍କୁଲାଇଜ୍ କରିବା ସହଜ ହୋଇଥାଏ ।  ଏବେ ଯେଉଁ ପଦ୍ଧତିରେ ‘ସୁନ୍ଦରୀ’କୁ ଧରିବାକୁ ଉଦ୍ୟମ ହେଉଛି ତାହା ଫଳପ୍ରଦ ହେବାକୁ ବହୁତ ସମୟ ଲାଗିପାରେ । ଏପରିକି ଯଦି ବାଘୁଣୀ ଘଞ୍ଚ ଜଙ୍ଗଲକୁ ଚାଲିଯିବ ତେବେ ବିଶେଷଜ୍ଞ ଟିମ୍ କୁ ନିରାଶ ହେବାକୁ ପଡ଼ିବ ବୋଲି ବିଶେଷଜ୍ଞମାନେ ମତ ଦେଇଛନ୍ତି।

   Related Posts