Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେଷ୍ଟ ପରେ ଓ୍ବାନ୍‌ ଡେ’ ସିରିଜ୍‌ କବ୍‌ଜା କଲା ଦକ୍ଷିଣ ଆଫ୍ରିକା, ଦ୍ବିତୀୟ ଦିନିକିଆରେ ଟିମ୍‌ ଇଣ୍ଡିଆ ୭ ଓ୍ବିକେଟରେ ଧରାଶୟୀ, ଭାରତ ୨୮୭/୬(୫୦ ଓଭର), ଦକ୍ଷିଣ ଆଫ୍ରିକା ୨୮୮/୩ (୪୮.୧ଓଭର)
  • ||
  • ରାଜ୍ୟରେ ଶୁକ୍ରବାର ସୁସ୍ଥହେଲେ ୧୦,୩୯୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୬୧୦ଜଣ ଡିସଚାର୍ଜ
  • ||
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

କଂଗ୍ରେସ କଳି ପୁଣି କୁହୁଳିଲା , ନିରଞ୍ଜନ ହଟାଓ ଅଭିଯାନରେ ଦିଲ୍ଲୀରେ ମୋକ୍କିମ

12/02/2020 at 9:59 PM

ଭୁବନେଶ୍ବର ୧୨/୦୨ – କିଛି ଦିନର ନୀରବତା ପରେ ପୁଣି କଂଗ୍ରେସରେ କଳି ଆରମ୍ବର  ଜୋରଦାର ସଂକେତ । ପିସିସି ନେତୃତ୍ୱ ପରିବର୍ତ୍ତନ ଦାବି ସହ ପୁଣି ଜୋର ଧରିଛି ନିରଞ୍ଜନ ହଟାଅ  ଅଭିଯାନ । କଂଗ୍ରେସ  ବିଧାୟକ ମହମ୍ମଦ ମୋକ୍କିମ୍ ଙ୍କ ଦିଲ୍ଲୀ ଗସ୍ତ ଏବଂ ବରିଷ୍ଠ ନେତାଙ୍କ ସହ ସାକ୍ଷାତ ଆଲୋଚନାରୁ ଏପରି କିଛି  ସଂକେତ ଆସିଛି । ତେବେ ଯୁବ ବିଧାୟକ ମୋକ୍କିମ୍ ଙ୍କୁ ଡାକରା ଆସିବା ପରେ ହିଁ ସେ ଦିଲ୍ଲୀ ଯାଇଥିବା ଜଣା ଯାଇଛି । 

 ବିଧାୟକ ମହମ୍ମଦ ମୋକ୍କିମ କଂଗ୍ରେସର ଅନ୍ତରୀଣ ଅଧ୍ୟକ୍ଷା  ସୋନୀଆ ଗାନ୍ଧିଙ୍କ ବ୍ୟକ୍ତିଗତ ସଚିବ ମାଧବନ୍‌ଙ୍କୁ ସାକ୍ଷାତ କରିଛନ୍ତି । ଏହା ସହ ସେ  କଂଗ୍ରେସର ବରିଷ୍ଠ ନେତା ତଥା ଦଳୀୟ ସଂଗଠନରେ କର୍ତ୍ତୁତ୍ୱ ରଖୁଥିବା  ଅହମ୍ମଦ ପଟେଲ ଏବଂ ଭେନୁଗୋପାଲଙ୍କୁ ସାକ୍ଷାତ କରି କିଛି ଆଲୋଚନା କରିଛନ୍ତି । ବରିଷ୍ଠ ନେତାଙ୍କୁ ଭେଟିବା ପରେ ମୋକ୍କିମ୍  ଦଳର ସର୍ବୋଚ୍ଚ ନେତ୍ରୀ ସୋନିଆ ଗାନ୍ଧିଙ୍କୁ ଭେଟିବାକୁ ସମୟ ମାଗିଥିବା ଜଣାଯାଇଛି । ମୋକ୍କିମ୍‌ଙ୍କ ଏପରି ଅଭିଯାନରୁ କଂଗ୍ରେସର ରାଜ୍ୟ ନେତୃତ୍ୱ ପରିବର୍ତ୍ତନର ଆଭାସ ଦୃଢ ହୋଇଛି । କାରଣ ପ୍ରଦେଶ କଂଗ୍ରେସ ସଭାପତି ଦୌଡରେ ଅଛନ୍ତି ବାରବାଟୀ କଟକ ବିଧାୟକ ମହମ୍ମଦ ମୋକ୍କିମ । 

 ପ୍ରଦେଶ କଂଗ୍ରେସ ସଭାପତି ଥିବା ନିରଞ୍ଜନ ପଟ୍ଟନାୟକଙ୍କୁ ତାଙ୍କ ପଦରୁ ହଟାଇବାକୁ ଦୀର୍ଘ ଦିନ ଧରି ଦଳ ଭିତରୁ ହିଁ ଦାବି ହୋଇ ଆସୁଛି । ଏପରିକି କିଛି ନେତା ଦିଲ୍ଲୀ ଯାଇ ଜୋରଦାର ଲବି କରିଥିଲେ । ସେତେବେଳେ ବି ମୋକ୍କିମ୍ ଥିଲେ ପିସିସି ଫ୍ରଣ୍ଟରନର । ତେବେ ଗତ ବିଧାନସଭା ନିର୍ବାଚନରେ କଂଗ୍ରେସର ବିପର୍ଯ୍ୟୟ ପରେ ନିରଞ୍ଜନ ପିସିସି ସଭାପତି ପଦରୁ ଇସ୍ତଫା ଦେଇଥିଲେ ବି ଦଳ ହାଇକମାଣ୍ଡ ତାହା ଗ୍ରହଣ କରିନଥିଲେ ।ଏପଟେ ଦଳର ରାଜ୍ୟ ଶାଖା  ସ୍ଥାଣୁ ହୋଇଯାଇଥିବା ନେଇ ଦଳ ଭିତରେ ଅଭିଯୋଗ ଉଠୁଥିଲା ।ଏହି ପରିପ୍ରେକ୍ଷୀରେ ମୋକ୍କିମ୍‌ଙ୍କ ଦିଲ୍ଲୀ ଗସ୍ତ ଏବଂ ବରିଷ୍ଠ ନେତାଙ୍କ ସହ ସାକ୍ଷାତ ଆଲୋଚନା ନିରଞ୍ଜନ ହଟାଓ ଚର୍ଚ୍ଚାକୁ ତେଜ୍‌ କରିଛି । 

   Related Posts