Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲମତାପୁଟ : ନିଜକୁ ଗୁଳି କରି ବିଏସ୍‌ଏଫ୍‌ ଯବାନଙ୍କ ଆତ୍ମହତ୍ୟା !
  • ||
  • ଖଲ୍ଲିକୋଟ : ଧାନ କିଣା ଯାଉନଥିବା ପ୍ରତିବାଦରେ ରାସ୍ତାରୋକ କଲେ ଚାଷୀ, ପାନୀୟ ଜଳ ଯୋଗାଣ ବାଧାପ୍ରାପ୍ତ
  • ||
  • ପୁର : ଶ୍ରୀମନ୍ଦିରରେ ପଡିଲା ରକ୍ତ ଛିଟା, ମହାପ୍ରଭୁଙ୍କର ହେଲା ମହାସ୍ନାନ
  • ||
  • ଆଜିଠୁ ପୁରୀରେ ‘ମୋ ଧାମ ମୋ ଗର୍ବ’ କାର୍ଯ୍ୟକ୍ରମ, ପ୍ରତି ଶନିବାର ଚାଲିବ ବଡଦାଣ୍ଡ ସେବା
  • ||
  • ଧର୍ମଗଡ଼ : ବିବାହିତ ମହିଳାଙ୍କୁ ମାରି ପୋଡିଦେଲେ ! ଜଙ୍ଗଲରୁ ମିଳିଲା ଅର୍ଦ୍ଧଦଗ୍ଧ ମୃତଦେହ
  • ||
  • ଜଳେଶ୍ୱର : ପୂଜା ଭୋଜି ଓ ଭୋଗ ଖାଇ ୧୫୦ ଅସୁସ୍ଥ, ବିଭିନ୍ନ ମେଡିକାଲରେ ଚିକିତ୍ସା ଜାରି
  • ||
  • ଶେରଗଡ : ଭୟାବହ ଅଗ୍ନିକାଣ୍ଡ, ୯୦ ଛେଳି ଜୀଅନ୍ତା ଜଳିଗଲେ
  • ||

ମୋମୋ ନଖେଳିବା ପାଇଁ ସଚେତନତା ଆରମ୍ଭ କରିବ କମିଶନରେଟ ପୋଲିସ

3/09/2018 at 5:37 PM

ଭୁବନେଶ୍ବର୩|୯: ଏବେ ସାରା ଦେଶରେ ମୋମୋ ଖେଳକୁ ନେଇ ଆତଙ୍କ । ଆମ ରାଜ୍ୟରେ ଏହି ମୋମୋ ଖେଳରେ ଜଣେ ଛାତ୍ର ନିଜର ଜୀବନ ହାରିବା ପରେ ପୋଲିସ ପକ୍ଷରୁ ଛାତ୍ରଛାତ୍ରୀ ମାନଙ୍କୁ ସଚେତନ କରିବାକୁ ପ୍ରୟାସ ଆରମ୍ଭ ହୋଇଛି। ମୋମୋ ଗେମ୍ ସାରା ଦେଶରେ ଚହଳ ସୃଷ୍ଟି କରିଛି । ହ୍ୱାଟ୍ସଆପ ଫେସ୍ବୁକରେ ଆସୁଥିବା ଏହି ଖେଳ ଖେଳିବା ପରେ ଛାତ୍ର ଛାତ୍ରୀମାନେ ଏହାର ଆଡ୍ମିନ୍ କଥାରେ ପରିଚାଳିତ ହେବାକୁ ବାଧ୍ୟ ହୁଅନ୍ତି । ଆଉ ଶେଷ ପରିଣତି ସ୍ବରୁପ ଖେଳରେ ମଜି ରହିଥିବା ଯୁବକ ଯୁବତୀ ମାନଙ୍କର ଜୀବନ ପ୍ରତି ବିପଦ ମାଡିଆସିଥାଏ ।
ଗତ ୨୨ ତାରିଖରେ ଭୁବନେଶ୍ବରର ଏକ ଘରୋଇ କଲେଜର ଛାତ୍ର ଚେତନ ଏହି ଖେଳର ବଶବର୍ତ୍ତି ହୋଇ ଚେନ୍ନାଇର ଏକ ୬ମହଲା ଛାତ ଉପରୁ ଡେଇଁ ଆତ୍ମହତ୍ୟା କରିଥିବା ତାଙ୍କ ପରିବାର ଲୋକେ ଅଭିଯୋଗ କରିଥିଲେ । ସେପଟେ ଏହି ଖେଳରୁ ନିରିହ ଛାତ୍ର ଛାତ୍ରୀମାନଙ୍କୁ ନିବ଼ତ କରାଇବାକୁ ଭୁବନେଶ୍ବର ପୋଲିସ ଆସନ୍ତା ଶୁକ୍ରବାର ଏକ ସତେତନତା କାର୍ଯ୍ୟକ୍ରମ କରିବ । ଯେଉଁଥିରେ ଭୁବନେଶ୍ବରର କିଛି ସ୍କୁଲର ଛାତ୍ର ଛାତ୍ରୀ ମାନଙ୍କୁ ନିମନ୍ତ୍ରଣ କରାଯାଇଛି ବୋଲି ପୋଲିସ କମିଶନର ସତ୍ୟଜିତ ମହାନ୍ତି କହିଛନ୍ତି ।
କେବଳ ମୋମୋ ନୁହେଁ ପୋଲିସ ପ୍ରତି ଛାତ୍ରଛାତ୍ରୀମାନଙ୍କ ମନରେ ରହିଥିବା ଭୟ ଓ ଦୂରତାକୁ ମଧ୍ୟ ଦୁର କରିବାକୁ ଚେଷ୍ଟା କରାଯିବ । ଜଣେ ଛାତ୍ର ହେଉ ଅବା ଛାତ୍ରୀ , ପୋଲିସ ଏଫ୍ଆଇଆର୍ କଣ , ଚାର୍ଜସିଟ କଣ , ପୋଲିସର ଛାତ୍ରଛାତ୍ରୀ ମାନଙ୍କ ପ୍ରତି କଣ କର୍ତ୍ତବ୍ୟ ରହିଛି ତାହା ମଧ୍ୟ ଏହି ଆଲୋଚନାରେ ଭାଗ ନେଉଥିବା ପିଲାମାନଙ୍କୁ ଅବଗତ କରାଇବେ ପୋଲିସ କମିଶନର ।
କେବଳ ଗୋଟିଏ କି ଦୁଇଟି ସ୍କୁଲ ନୁହେଁ ଆଗକୁ ପ୍ରତି ମାସରେ ବିଭିନ୍ନ ସ୍କୁଲର ଛାତ୍ରଛାତ୍ରୀମାନଙ୍କୁ ଡାକି ପୋଲିସ ଓ ଛାତ୍ରଛାତ୍ରୀମାନଙ୍କ ମଧ୍ୟରେ ଥିବା ଦୂରତାକୁ କମାଇବାକୁ କମିଶନରେଟ ପୋଲିସର ଚେଷ୍ଟା ଜାରି ରହିବ ।

   Related Posts