Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||
  • ନଭେମ୍ବରରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ ବ୍ୟାଘ୍ର ପ୍ରକଳ୍ପ
  • ||

ପ୍ଲାଷ୍ଟିକ୍ ଏବଂ ପଲିଥିନ ବ୍ୟବହାର କଟକଣା: ଆରମ୍ଭ ହେଲା ଚଢଉ, ଏବେ ଦଣ୍ଡ ଆଉ ତଣ୍ଡ ଗଣିବାର ବେଳ

1/11/2018 at 7:13 PM

ଭୁବନେଶ୍ବର ୧|୧୧: ସରିଛି ଡେଡଲାଇନ୍ । ଆରମ୍ଭ ହୋଇଛି ଆକ୍ସନ୍ । ଏବେ ଦଣ୍ଡ ଆଉ ତଣ୍ଡ ଗଣିବାର ବେଳ । ପ୍ଲାଷ୍ଟିକ୍ ଏବଂ ପଲିଥିନ ବ୍ୟବହାର ରାଜ୍ୟରେ ବ୍ୟାନ୍ ହୋଇଥିବା ବେଳେ ଗତକାଲି ଶେଷ ହୋଇଛି କୋହଳ ସୀମା । ଆଉ ଏବେ ଆରମ୍ଭ ହୋଇଛି ଚଢ଼ାଉ ।

ପଲିଥିନ୍ ଷ୍ଟକିଷ୍ଟ, ଦୋକାନ, ବ୍ୟାବସାୟିକ ପ୍ରତିଷ୍ଠାନ, ବିଭିନ୍ନ ମା​‌ର୍କେଟ କମ୍ପ୍ଲେକ୍ସରେ ଚଢ଼ାଉ କରିଛି ବିଏମସି । ବିପୁଳ ପରିମାଣର ପଲିଥିନ ଜବତ ହୋଇଛି । ନିୟମ ଖିଲାପ କଲେ ରାସ୍ତାକଡ଼ ଦୋକାନୀ ୫ ଶହରୁ ୨ ହଜାର ଟଙ୍କା ପର୍ଯ୍ୟନ୍ତ ଜରିମାନା ଦେବେ । ଛୋଟ ରେଷ୍ଟୁରାଣ୍ଟ ପାଇଁ ହଜାରରୁ ୫ ହଜାର ଟଙ୍କା ଯାଏଁ ଏବଂ ବଡ଼ ହୋଟେଲ୍ ପାଇଁ ୨ ହଜାରରୁ ୫୦ ହଜାର ଯାଏଁ ଜରିମାନା ଧାର୍ଯ୍ୟ ହୋଇଛି । ଦରକାର ପଡ଼ିଲେ, ଟ୍ରେଡ୍ ଲାଇସେନ୍ସ ମଧ୍ୟ ବାତିଲ ହୋଇପାରେ । ଲିଙ୍ଗରାଜ ମନ୍ଦିରରେ ପ୍ଲାଷ୍ଟିକ ବ୍ୟବହାରକୁ ସମ୍ପୂର୍ଣ୍ଣ ବ୍ୟାନ କରାଯାଇଛି। ପ୍ଲାଷ୍ଟିକ ଗ୍ଲାସରେ କ୍ଷୀର ହେଉ କି ପଲିଥିନ୍ ବ୍ୟାଗରେ ଫୁଲ, ଭୋଗ ମନ୍ଦିର ଭିତରକୁ କେହି ନେଇପାରିବେ ନାହିଁ । ସିଂହଦ୍ବାର ସମ୍ମୁଖରେ  ମନ୍ଦିର ପ୍ରଶାସନ ପକ୍ଷରୁ ଯାଞ୍ଚକୁ କଡାକଡି କରାଯାଇଛି ।

କଟକରେ ବି ସିଏମସିର ଆକ୍ସନ୍ ଦେଖିବାକୁ ମିଳିଛି । ୪ଟି ସ୍କ୍ବାଡରେ ୨୪ ଜଣ ସହରର ବିଭିନ୍ନ ସ୍ଥାନରେ ଚଢାଉ କରିଛନ୍ତି । ଗାନ୍ଧୀ ଜୟନ୍ତୀଠାରୁ ଆଜି ସୁଦ୍ଧା ସିଏମ୍‌ସି ସ୍କ୍ବାଡ୍‌ ପ୍ରାୟ ୨୫୦ କେଜି ପଲିଥିନ୍ ଜବତ କରିସାରିଲାଣି । ୩ ଥର ଧରାପଡ଼ି ଜରିମାନା ଦେବା ପରେ ସଂପୃକ୍ତ ବ୍ୟାବସାୟିକ ପ୍ରତିଷ୍ଠାନ ବିରୋଧରେ ହେବ ଫୌଜଦାରୀ ମାମଲା । ତେବେ ଏ କ୍ଷେତ୍ରରେ ଲୋକଙ୍କ ସଚେତନତା ନିହାତି ଜରୁରୀ ।

   Related Posts