କୋଟିଆ, ୨୩/୧୦: ଆନ୍ଧ୍ର କର୍ମଚାରୀଙ୍କୁ ବାଟ ଓଗାଳିଲା ଓଡିଶା ପୋଲିସ । କୋଟିଆର ଉପରସେମ୍ବିରେ ଆନ୍ଧ୍ର ସ୍ବାସ୍ଥ୍ୟ ଶିବିର କରିବାକୁ ଯିବାବେଳେ କର୍ମଚାରୀଙ୍କୁ ଅଧାବାଟରେ ଅଟକାଇଛି ଓଡିଶା ପୋଲିସ। ଗତକାଲି ଠାରୁ କୋଟିଆରେ ଡେରା ପକାଇଛନ୍ତି ଓଡିଶା ପୋଲିସ ଓ ପ୍ରଶାସନିକ ଅଧିକାରୀ।
କୋଟିଆର ଉପରସେମ୍ବି ଓ ତଳସେମ୍ବି ଗ୍ରାମରେ ଆନ୍ଧ୍ର ଅଧିକାରୀଙ୍କୁ ପଶିବାକୁ ଦେବୁନାହିଁ ବୋଲି ଓଡିଶା ପୋଲିସ ପକ୍ଷରୁ କୁହାଯାଇଛି । କିଛିଦିନ ହେବ ଆନ୍ଧ୍ର ଅଧିକାରୀ ଓ ଆନ୍ଧ୍ର ପକ୍ଷରୁ ନିୟୋଜିତ ଦଲାଲ୍ ମାନେ ଲଗାତର ଭାବେ କୋଟିଆରେ ଅନୁପ୍ରବେଶ କରି ଆନ୍ଧ୍ର ସରକାରଙ୍କ କାର୍ଯ୍ୟକ୍ରମ ଜାରି ରଖିଥିଲେ। ଗତକାଲି ଜିଲ୍ଲାପାଳଙ୍କ ନିର୍ଦ୍ଦେଶରେ କଡ଼ା ଆଭିମୁଖ୍ୟ ଗ୍ରହଣ କରିଛି କୋରାପୁଟ ପୋଲିସ।
