Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ଆଜିଠୁ ଚଳିତ ବର୍ଷର ଯୁକ୍ତ ଦୁଇ ପରୀକ୍ଷା ଆରମ୍ଭ ; ମାଟ୍ରିକ୍ ଭଳି ବିଭ୍ରାଟ ଏଡାଇବାକୁ ସତର୍କତାମୂଳକ ପଦକ୍ଷେପ

7/03/2019 at 8:10 AM

ଭୁବନେଶ୍ବର ୭|୩ : ଆଜିଠୁ  ଚଳିତ ବର୍ଷର  ଯୁକ୍ତ ଦୁଇ ପରୀକ୍ଷା ଆରମ୍ଭ ହେବ । ଚଳିତ ବର୍ଷ ହଜାରେ ୯୩ଟି କେନ୍ଦ୍ରରେ ପରୀକ୍ଷା ଦେବେ ୩ ଲକ୍ଷ ୬୯ ହଜାର ୫୩୭ ଛାତ୍ରଛାତ୍ରୀ । କଳାରେ ୨ ଲକ୍ଷ ୩୫ ହଜାର ୧୮୩, ବିଜ୍ଞାନରେ ୯୯ ହଜାର ୧୮, ବାଣିଜ୍ୟରେ ୨୭ ହଜାର ୨୭୮ ଏବଂ ଭୋକେସନାଲରେ ୮ ହଜାର ୫୮ ଜଣ ପରୀକ୍ଷାର୍ଥୀ  ରହିଛନ୍ତି  । କଡା ସୁରକ୍ଷା ମଧ୍ୟରେ  ୧ହଜାର୨୦୨ଟି ହବ୍‌ରେ ରଖାଯାଇଥିଲା ପ୍ରଶ୍ନପତ୍ର ।

ପ୍ରଥମେ ୧୦୯୧ଟି ପରୀକ୍ଷାକେନ୍ଦ୍ର କରାଯାଇଥିବା ବେଳେ ପରେ ଏହାକୁ ୧୦୯୩କୁ ବୃଦ୍ଧି କରାଯାଇଥିଲା । ଅଧିକାଂଶ କେନ୍ଦ୍ରରେ ଲାଗିଛି ସିସିଟିଭି । ଏଥର ପରୀକ୍ଷାର୍ଥୀଙ୍କ ପାଇଁ କିଛି ନୂଆ କଟକଣା କରାଯାଇଛି । ପରୀକ୍ଷା ହଲ୍‌କୁ ଘଣ୍ଟା କି ମୋବାଇଲ୍ ନେଇପାରିବେନି ପରୀକ୍ଷାର୍ଥୀ । ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଏହି କଡା ପଦକ୍ଷେପ ଗ୍ରହଣ କରିଛି ।  ମାଟ୍ରକ୍ ପରୀକ୍ଷା ଭଳି ବିଭ୍ରାଟ ଯେଭଳି ଯୁକ୍ତ ୨ ରେ ରିପିଟ୍ ନହେବ ସେଥିପାଇଁ ସବୁ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି ।

ଅଧଘଣ୍ଟା ଆଗରୁ ପରୀକ୍ଷାକେନ୍ଦ୍ରରେ  ପରୀକ୍ଷାର୍ଥୀ ପ୍ରବେଶ କରିବାକୁ କୁହାଯାଇଛି । ଦୁଇଟି ପଯ୍ୟାୟରେ ଯାଞ୍ଚ୍ କରାଯିବ । ବ୍ଲାକ୍ ବଲ୍ ପଏଣ୍ଟ ପେନରେ ଲେଖିବାକୁ ନିର୍ଦ୍ଦେଶ ଦିଆଯାଇଛି । ପ୍ରଶ୍ନପତ୍ର ବଣ୍ଟାଯିବା ପରେ ବଳକା ପ୍ରଶ୍ନକୁ ସଙ୍ଗେ ସଙ୍ଗେ ସିଲ୍ କରାଯିବ । ଭାଇରାଲ୍ ରୋକିବା ପାଇଁ ପ୍ରଶ୍ନପତ୍ର ଉପରେ ପରୀକ୍ଷାର୍ଥୀ ରୋଲ୍ ନମ୍ବର ଲେଖିବାକୁ ବାଧ୍ୟତାମୂଳକ କରାଯାଇଛି । ତେବେ ରୋଲ୍ ନମ୍ବର ବ୍ୟତୀତ ଯେଉଁମାନେ ପ୍ରଶ୍ନପତ୍ରରେ କିଛି ଲେଖିବେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ।

ମାଟ୍ରିକ ପରୀକ୍ଷାକୁ ନେଇ ବିବାଦରେ ଥିବା ମାଲକାନଗିରି ଜିଲ୍ଲାରେ ଏଥର ଯୁକ୍ତ ୨ ପରୀକ୍ଷାକୁ ଶୃଙ୍ଖଳିତ କରିବା ଲାଗି ବ୍ୟାପକ ପଦକ୍ଷେପ ଗ୍ରହଣ କରାଯାଇଛି । ଜିଲ୍ଲାର ୧୮ଟି କଲେଜର ୪୧୨୧ ଛାତ୍ରଛାତ୍ରୀ ୧୩ଟି ପରୀକ୍ଷା କେନ୍ଦ୍ରରେ ପରୀକ୍ଷା ଦେବେ । ପରୀକ୍ଷା କେନ୍ଦ୍ରରେ ଜଣେ ଅବଜରଭର ଏବଂ ହବ୍‌ରେ ଜଣେ ମାଜିଷ୍ଟ୍ରେଟ ରହିବେ ।  ପ୍ରଥମ ଥର ପାଇଁ ୨୦୧୭ ସୁଦ୍ଧା ରେଜିଷ୍ଟ୍ରେସନ କରିଥିବା ପରୀକ୍ଷାର୍ଥୀଙ୍କୁ ଏଥର ହଳଦିଆ ପ୍ରଶ୍ନ ଦିଆଯିବ । ୨୦୧୮ ସୁଦ୍ଧା ରେଜିଷ୍ଟେସନ କରିଥିବା ପରୀକ୍ଷାର୍ଥୀଙ୍କୁ ମିଳିବ ଧଳା ପ୍ରଶ୍ନପତ୍ର । ୨୮ ତାରିଖରେ ଥିବା ବାୟୋଲୋଜି ପରୀକ୍ଷା ୨ଟି ସେସନରେ କରିବାକୁ କାଉନ୍‌ସିଲ ନିଷ୍ପତ୍ତି ନେଇଛି ।

   Related Posts