Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱରରେ ପହଞ୍ଚିଲା ପ୍ରଥମ ପର୍ଯ୍ୟାୟ କୋଭିସିଲ୍ଡ ଟିକା, ୧୮ ବର୍ଷରୁ ୪୪ ବର୍ଷ ବୟସ୍କଙ୍କୁ ଦିଆଯିବ
  • ||
  • କୁକୁର ଆକ୍ରମଣରେ ହରିଣ ଗୁରୁତର, ଉଦ୍ଧାର କଲେ ଗାଁ ଲୋକେ…
  • ||
  • କଳାହାଣ୍ଡି : ଘର ବାହାରେ ଶୋଇଥିବା ବେଳେ ମାଡିଗଲା ଟ୍ରକ୍, ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ସାନଖେମୁଣ୍ଡି : କୋଭିଡ୍ କଟକଣା ଉଲଂଘନ କରି ଗାଁରେ ଚାଲିଥିଲା ବାହାଘର ଭୋଜିଭାତ, ବନ୍ଦ କଲା ପ୍ରଶାସନ
  • ||
  • ଚୋରି କରୁଥିଲା ବିଦ୍ୟୁତ ଖୁଣ୍ଟ, ଗାଁ ଲୋକଙ୍କ ହାତରେ ଧରାପଡିଲା ଚୋର
  • ||
  • ରାଜ୍ୟରେ କରୋନା ନେଲା ଆଉ ୨୧ଜଣଙ୍କ ଜୀବନ, ୨୧୬୧ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧,୮୦୭ ପଜିଟିଭ୍
  • ||
  • କମିଲା ତାତି : ଆଜି ଏହି ସବୁ ଜିଲ୍ଲାରେ ବଜ୍ରପାତ ସହ କୁଆପଥର ବର୍ଷା ସମ୍ଭାବନା
  • ||
  • ସଂକ୍ରମଣ ରୋକିବାକୁ ରାଜ୍ୟରେ ସାପ୍ତାହିକ ସଟ୍‌ଡାଉନ୍, ଜରୁରୀ ସେବାକୁ ଛାଡ଼ିଦେଲେ ସବୁ ବନ୍ଦ
  • ||

ଦାଦନ ଦୁଃଖ ! ପାରିଶ୍ରମିକ ମାଗିବାରୁ ବନ୍ଧୁକ ଦେଖାଇ ମାଡ ମାରି ଦଲାଲ ଫେରାର

1/07/2018 at 10:43 AM

ଉଚିତ ପାରିଶ୍ରମିକର ଲାଲଚ ଦେଖାଇ ଦାଦନ ଶ୍ରମିକଙ୍କୁ୬ ଲକ୍ଷରୁ ଉର୍ଧ ଟଙ୍କାର ଚୁନା ଲଗାଇ ଦଲାଲ ଫେରାର । ଏପରିକି ପାରିଶ୍ରମିକ ମାଗିବାରୁ ଶ୍ରମିକମାନଙ୍କୁ ମରଣାନ୍ତକ ଆକ୍ରମଣ ମଧ୍ୟ ହୋଇଥିବା ଅଭିଯୋଗ ହୋଇଛି । ଏମିତି ଅଭିଯୋଗ ଆଣିଛନ୍ତି ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ସୁନାପାଲି ଗାଁର ୧୭ ଜଣ ଦାଦନ ଶ୍ରମିକ । ଏବେ କୌଣସି ଉପାୟ ନପାଇ ନ୍ୟାୟ ଦାବୀରେ ପିଡିତ ଦାଦନ ଶ୍ରମିକମାନେ ଜିଲ୍ଲା ଶ୍ରମ ଅଧିକାରୀଙ୍କ ଦ୍ବାରସ୍ଥ ହୋଇଛନ୍ତି ।
ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ସୁନାପାଲି ଗାଁର ୬ ଟି ପରିବାରର ୧୭ ଜଣ ଦାଦନ ଶ୍ରମିକଙ୍କୁ ବଲାଙ୍ଗିର ଜିଲ୍ଲା ଆମ୍ବବାହାଲି ଗ୍ରାମର ସନ୍ତୋଷ ଦୀପ ଓ କଂଟାବାରି ଅପ୍ପୁ ଖାନ ନାମକ ଦୁଇ ଜଣ ଦଲାଲ ଇଟା ଗଢିବା ପାଇଁ ସୁଦୂର ହାଇଦ୍ରାବାଦର ସିକନ୍ଦରାବାଦ ନିକଟ ବନଗିରୀକୁ ନେଇଥିଲେ । ଶ୍ରମିକମାନଙ୍କୁ ମୁଣ୍ଡ ପିଛା ୨୫ ହଜାର ଟଙ୍କା ଦେବାର ପ୍ରତିଶୃତି ଦିଆଗଲା । ଏପରିକି ଦଲାଲମାନେ ପରିବାର ପିଛା ୬ ହଜାର ଟଙ୍କା ଲେଖାଏଁ ଅଗ୍ରୀମ ଦେଇ ଏମାନଙ୍କୁ ନେଇଥିଲେ । ସେଠାରେ ପ୍ରାୟ ୯ ମାସ ଇଟା ଭାଟିରେ କାମ କରିବା ପରେ ଶ୍ରମିକମାନେ ପାରିଶ୍ରମିକ ବାବଦକୁ ହେଉଥିବା ୬ ଲକ୍ଷ ୫୦ ହଜାର ଟଙ୍କା ମାଗିଥିଲେ । ହେଲେ ଟଙ୍କା ବଦଳରେ ସଂପୃକ୍ତ ଦଲାଲମାନେ ଶ୍ରମିକମାନଙ୍କୁ ପିସ୍ତଲ ଦେଖାଇ ଗୋଇଠାମାଡ ମାରିଥିବା ଅଭିଯୋଗ ହୋଇଛି । ଶେଷରେ ଦଲାଲଙ୍କ ଠାରୁ ଲହୁଲୁହାଣ ହୋଇ ପିଡିତ ଶ୍ରମିକ ମାନେ ନ୍ୟାୟ ପାଇଁ ଜିଲ୍ଲା ଶ୍ରମ ଅଧିକାରୀଙ୍କ ପାଖରେ ଫେରାଦ ହୋଇଛନ୍ତି ।
ତବେ ସୁନାପାଲିର ଏହି ଦାଦନ ଶ୍ରମିକଙ୍କ ଅଭିଯୋଗକୁ ନେଇ ଅପ୍ପୁ ଖାନ ଓ ସନ୍ତୋଷ ଦୀପ ନାମକ ଦଲାଲଙ୍କ ବିରୋଧରେ ଶୀଘ୍ର କାର୍ଯୟାନୁଷ୍ଠାନ ଗ୍ରହଣ କରାଯାଇ ଶ୍ରମିକଙ୍କ ଉଚିତ ପାଉଣା ଫେରାଇବାରେ ଶୀଘ୍ର ପଦକ୍ଷେପ ଗ୍ରହଣ କରାଯିବ ବୋଲି ଜିଲ୍ଲା ଶ୍ରମ ଅଧିକାରୀ ପ୍ରକାଶ କରିଛନ୍ତି ।

   Related Posts