Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ସୁଶାସନ ତାଲିକାର ୧୪ ନମ୍ବର ସ୍ଥାନରେ ଓଡ଼ିଶା: ରାଜ୍ୟ ସରକାରଙ୍କ ଦାବି ଉପରେ ପ୍ରଶ୍ନବାଚୀ

27/12/2019 at 5:30 PM

ଭୁବନେଶ୍ବର ୨୭/୧୨: ଗୁଡ ଗଭର୍ଣ୍ଣାନସ ଇଣ୍ଡେକ୍ସ, ବା ସୁଶାସନ ତାଲିକାରେ ଓଡିଶାର ସ୍ଥାନ ୧୪ ନମ୍ବର । ସାରା ଦେଶର ୧୮ଟି ବଡ ରାଜ୍ୟରେ ଶାସନ କିଭଳି ଚାଲିଛି ତାଉପରେ ମିନିଷ୍ଟ୍ରି ଅଫ୍ ପର୍ସୋନେଲ ଓ ପବ୍ଲିକ୍ ଗ୍ରିଭାନସେସ୍ ପକ୍ଷରୁ ପ୍ରକାଶିତ ତାଲିକାରେ ଓଡିଶା ୧୪ ତମ ସ୍ଥାନ ବା ତଳ ଆଡୁ ୪ ନମ୍ବରରେ ରହିଛି । କେନ୍ଦ୍ର ସରକାରଙ୍କ ପକ୍ଷରୁ ସଦ୍ୟ ପ୍ରକାଶିତ ଏହି ରିପୋର୍ଟ ଦେଖି ବିରୋଧି ରାଜ୍ୟ ସରକାରଙ୍କ ସୁଶାସନ ଦାବି ଉପରେ ପ୍ରଶ୍ନବାଚୀ ଲଗାଇଛନ୍ତି । ଓଡିଶା ଯଦି ତଳ ଆଡୁ ୪ ନମ୍ବର ତାହେଲେ ଲଗାତର ୫ ଥର ଶାସନକୁ ଆସି ବିଜେଡି ସରକାର କଣ କରୁଛନ୍ତି ବୋଲି ପ୍ରଶ୍ନ କରିଛନ୍ତି ବିରୋଧି । ମୋ ସରକାର, 5T ଠୁ ଆରମ୍ଭ କରି କାହିଁ କେତେ ଯୋଜନା ରହିଛି ହେଲେ ଏସବୁ କାମରେ ଫଳି ପ୍ରତିଫଳିତ ହେଉନାହିଁ ବୋଲି ବିରୋଧୀ ଆକ୍ଷେପ କରିଛନ୍ତି । ସରକାରୀ ଯୋଜନା ଲୋକଙ୍କ ପାଖରେ ପହଁଞ୍ଚୁନଥିବାରୁ ଓଡିଶା ଆଜି ସବୁ କ୍ଷେତ୍ରରେ ପଛେଇ ଯାଇଛି ବୋଲି ବିରୋଧି କହିଛନ୍ତି।

କେନ୍ଦ୍ର ସରକାରଙ୍କ ମିନିଷ୍ଟ୍ରି ଅଫ୍ ପର୍ସୋନେଲ ଓ ପବ୍ଲିକ୍ ଗ୍ରିଭାନସେସ୍ ୧୦ଟି କ୍ଷେତ୍ର ଉପରେ ସାରା ଦେଶର ସୁଶାସନର ଢାଞ୍ଚା ମାପିଥିଲେ । କୃଷି, ସ୍ବାସ୍ଥ୍ୟ, ଶିଳ୍ପ ଓ ବାଣିଜ୍ୟ, ଭିତ୍ତିଭୂମି, ଅର୍ଥନୀତି ସୁପରିଚାଳନା, ମାନବ ସମ୍ବଳ ଆଦି ୧୦ ଟି ବିଭାଗରେ ରାଜ୍ୟଗୁଡ଼ିକର ପରଫରମାନ୍ସ ମାପିଥିଲେ ।

କୃଷିରେ ମଧ୍ୟପ୍ରଦେଶ ୧ ନମ୍ବର ସ୍ଥାନରେ ଥିବାବେଳେ, ଶିଳ୍ପ ଓ ବାଣିଜ୍ୟରେ ଅଛି ଝାଡଖଣ୍ଡ ଆଗରେ । ସ୍ବାସ୍ଥ୍ୟରେ କେରଳ ଆଗରେ ଥିବାବେଳେ ଭିତ୍ତିଭୂମିରେ ତାମିଲନାଡୁ ୧ ନମ୍ବର । ଅର୍ଥନୀତି ପରିଚାଳନାରେ କର୍ଣ୍ଣାଟକ ୧ ନମ୍ବରରେ ଥିବା ବେଳେ ମାନବ ସମ୍ବଳରେ ଗୋଆ ସବୁଠୁ ଆଗରେ । ହେଲେ ଓଡିଶା କୈଣସି ଗୋଟିଏ ବି କ୍ଷେତ୍ରରେ ଆଗରେ ନାହିଁ । ବିଜେଡିର ଯୁକ୍ତି ୨୦୦୦ ମସିହାରେ ରାଜ୍ୟର କର୍ମଚାରୀ ଦରମା ପାଉନଥିଲେ, ଏବେ ସ୍ଥିତି ପୁରା ଓଲଟା । ବର୍ଷକୁ ୩୬୦ ଦିନ ଟ୍ରେଜେରୀ ବନ୍ଦ ରହୁଥିଲା । ଋଣଭାର ବଢିଥିଲା । ଏବେ ସୁଶାସନ ଯୋଗୁଁ ଲୋକଙ୍କ ଜୀବନ ଧାରଣ ମାନ ବଦଳିଛି ।

କେନ୍ଦ୍ରର ଏହି ଇଣ୍ଡେକ୍ସ ରାଜ୍ୟ ସରକାର ପ୍ରଶାସନିକ ବ୍ୟବସ୍ଥାରେ କି କି  ପରିବର୍ତନ ଆଣୁଛନ୍ତି ତା ଉପରେ ନଜର।  

   Related Posts