Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଅଢେଇ ମାସ ପରେ ହାଇକୋର୍ଟ କାର୍ଯ୍ୟ ସ୍ବାଭାବିକ : ନିଆଳିର ଅନୀରୁଦ୍ଧଙ୍କ ଭଳି ବହୁ ମହକିଲ ଏବେ ନ୍ୟାୟ ଆଶାରେ

15/11/2018 at 6:43 PM

କଟକ ୧୫|୧୧: ଦୀର୍ଘ ଅଢେଇ ମାସ ପରେ ହାଇକୋର୍ଟ କାର୍ଯ୍ୟ ସ୍ବାଭାବିକ ହୋଇଛି । ପୂର୍ବ ଭଳି କୋର୍ଟ ପରିସରରେ ଦେଖିବାକୁ ମିଳଛି ଓକିଲ ଓ ମହକିଲଙ୍କ ଗହଳି ଚହଳି । ଦୀର୍ଘ ଦିନ ଧରି ନ୍ୟାୟ ପାଇବାରୁ ବଞ୍ଚିତ ଥିବା ସାଧାରଣ ଲୋକଟି ଏବେ ନ୍ୟାୟ ପାଇଁ ଆଶା ବାନ୍ଧି ବସିଛି । କୋର୍ଟ ସ୍ବାଭାବିକ ହେବା ପରେ ବନ୍ଦ ପଡିଥିବା ସମସ୍ତ କାମକୁ ତ୍ବରିତ ଢଙ୍ଗରେ କିଭଳି କରାଯିବ ସେନେଇ ଆଇନଜୀବୀମାନେ ବି ତତ୍ପର ।

ନିଆଳି ଅଞ୍ଚଳର ଅନୀରୁଦ୍ଧ ମଲ୍ଲିକ । ନିଜ ପଞ୍ଚାୟତର ଏକ ମାମଲାକୁ ନେଇ ଦୀର୍ଘ ଅଢେଇ ମାସ ହେଲା କୋର୍ଟକୁ ଦୌଡୁଥିଲେ । କିନ୍ତୁ କୌଣସି କାମ ହୋଇପାରୁନଥିଲା । ହେଲେ କୋର୍ଟ ଆଇନଜୀବୀଙ୍କ ଆନ୍ଦୋଳନ ପ୍ରତ୍ୟାହୃତ ହେବା ପରେ କୋର୍ଟରେ ନିଜ ମାମଲା ଦାୟର କରିଛନ୍ତି । କେବଳ ଅନିରୁଦ୍ଧ ନୁହନ୍ତି କୋର୍ଟ ଖୋଲିବା ପରେ ସାଧାରଣ ଲୋକ ବେଶ ଖୁସି ହେବା ସହ ଆଶ୍ବସ୍ତି ଅନୁଭବ କରିଛନ୍ତି । କେବଳ ଏହି ଗୋଟିଏ ଘଟଣା ନୁହେଁ, ଏହିଭଳି ବହୁ ଅସୁବିଧାର ସମ୍ମୁଖୀନ ହେଉଥିବା ଲୋକମାନେ ଏବେ ସଠିକ୍ ନ୍ୟାୟ ପାଇବେ ବୋଲି ଆଶା ବାନ୍ଧିଛନ୍ତି ।

୭୮ ଦିନ ପରେ ଖୋଲିଛି ହାଇକୋର୍ଟ । ଲାଗିଛି ଓକିଲ ମହିକିଲଙ୍କ ଗହଳି ଚହଳି । ସକାଳ ୧୦ଟାରେ କୋର୍ଟରେ ପହଞ୍ଚିଥିଲେ ଆଇନଜୀବୀ । ଦୀର୍ଘ ଅଢେଇ ମାସ ଧରି ପଡି ରହିଥିବା ମାମଲାକୁ ତ୍ବରିତ ଢଙ୍ଗରେ କିଭଳି ସୁପରିଚାଳନା କରାଯିବ ସେନେଇ ଆଇନଜୀବୀମାନେ ଚେଷ୍ଟା କରୁଥିବା କହିଛନ୍ତି ହାଇକୋର୍ଟ ବାର୍ ସମ୍ପାଦକ । ତେବେ ଏହି ଆନ୍ଦୋଳନ ଫଳରେ ଜନସାଧାରଣ ବହୁ ଅସୁବିଧାର ସମ୍ମୁଖୀନ ହୋଇଥିବା କଥାକୁ ବି ସ୍ବୀକାର କରିଛନ୍ତି ଆଇନଜୀବୀ ।

ଗୁରୁବାର କୋର୍ଟ ଖୋଲିଥିଲେ ହେଁ ମଧ୍ୟାହ୍ନରେ ଫୁଲ୍ କୋର୍ଟ ବସି ଦିବଂଗତ ଆଇନଜୀବୀ ଓ ଜଷ୍ଟିସଙ୍କ ପ୍ରତି ଶ୍ରଦ୍ଧାଞ୍ଜଳି ଦେଇ କୋର୍ଟକୁ ବନ୍ଦ କରିଦେଇଛନ୍ତି । ଶୁକ୍ରବାରଠୁ କୋର୍ଟ ପୂର୍ବଭଳି କାର୍ଯ୍ୟ କରିବ ।

   Related Posts