କଟକ ୧୮।୧୦: କଲେଜିୟମ୍ ବ୍ୟବସ୍ଥା ଅନୁସାରେ ହାଇକୋର୍ଟରେ ବିଚାରପତି ନିଯୁକ୍ତି ପ୍ରସଙ୍ଗକୁ ନେଇ ଆଜି ରାଜ୍ୟର ସମସ୍ତ ବାର୍ କାର୍ଯ୍ୟ ବନ୍ଦ ଆନ୍ଦୋଳନ କରିବେ । ହାଇକୋର୍ଟ ବାର୍ ଆସୋସିଏସନ୍ ସମେତ ରାଜ୍ୟର ସବୁ ବାର୍ କଲେଜିୟମ୍ ପଦ୍ଧତିରେ ବିଚାରପତି ନିଯୁକ୍ତିକୁ ବିରୋଧ କରି ଏହି କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇବେ ।
ଏହାସହ ରାଜ୍ୟର ସମସ୍ତ ବାର୍ ଆସୋସିଏସନ୍ ର କର୍ମକର୍ତ୍ତାଙ୍କ ସହ ହାଇକୋର୍ଟ ବାର୍ ଆସୋସିଏସନ୍ ର ମିଳିତ ବୈଠକ ରହିଛି । ବିଚାରପତି ନିଯୁକ୍ତି ପ୍ରକ୍ରିୟା ମାମଲାରେ ପକ୍ଷଭୁକ୍ତ ୬୪ଟି ବାର୍ ଆସୋସିଏସନ୍ ର କର୍ମକର୍ତ୍ତା ଏହି ବୈଠକେର ସାମିଲ୍ ହେବେ । ଏହି ବୈଠକରେ କଲେଜିୟମ୍ ବ୍ୟବସ୍ଥାରେ ହାଇକୋର୍ଟ ବିଚାରପତି ନିଯୁକ୍ତିକୁ ବିରୋଧ କରି ଚାଲିଥିବା ଆନ୍ଦୋଳନର ଆଗାମୀ ରୂପରେଖ ପ୍ରସ୍ତୁତ କରାଯିବ ।