Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମର୍ମନ୍ତୁଦ ସଡ଼କ ଦୁର୍ଘଟଣା, ଟ୍ରକ ମାଡିଯାଇ ୧୪ ଶ୍ରମିକ ମୃତ
  • ||
  • ଧାନ ଖଳାକୁ ଯାଇଥିଲେ ନିରଞ୍ଜନ, କଚାଡି ମାରିଦେଲା ହାତୀ
  • ||

ସ୍କୁଲ୍ ଫି’ ହ୍ରାସ ପ୍ରସଙ୍ଗ : ୧୦ଦିନ ମଧ୍ୟରେ ଜବାବ ରଖିବାକୁ ସରକାରଙ୍କୁ ନିର୍ଦ୍ଦେଶ, ୭କୁ ଘୁଞ୍ଚିଲା ଶୁଣାଣି

15/12/2020 at 4:00 PM

କଟକ ୧୫।୧୨: ଘରୋଇ ସ୍କୁଲ ଫି ମାମଲାର ଶୁଣାଣି କରି ମଙ୍ଗଳବାର ରାଜ୍ୟ ସରକାଙ୍କଠାରୁ ପୁଣିଥରେ ଜବାବ ଲୋଡ଼ିଛନ୍ତି ହାଇକୋର୍ଟ । ଯେହେତୁ ସ୍କୁଲ ଫି ପ୍ରସଙ୍ଗରେ  ଏକାଧିକ ମାମଲା ଦାଏର ହୋଇଛି ଏବଂ ପ୍ରତ୍ୟେକ ମାମଲାର ବିଷୟ ମଧ୍ୟ ଭିନ୍ନ ରହିଛି । ତେଣୁ ସମସ୍ତ ଆବେଦନ ଉପରେ ରାଜ୍ୟ ସରକାର ପୃଥକ ପୃଥକ ଭାବେ ଜବାବ ଦାଖଲ କରନ୍ତୁ ବୋଲି ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ସେହିପରି କେଉଁ କେଉଁ ରାଜ୍ୟରେ ଫି ଷ୍ଟ୍ରକଚର କଣ ରହିଛି । ଫି ନିୟନ୍ତ୍ରଣ କରିବା ଲାଗି କଣ ସବୁ ବ୍ୟବସ୍ଥା ରହିଛି ତା ଉପରେ ମଧ୍ୟ ତଥ୍ୟ ରଖିବା ଲାଗି ସରକାରୀ ଓକିଲଙ୍କୁ କହିଛନ୍ତି ହାଇକୋର୍ଟ । ଆସନ୍ତା ୧୦ ଦିନ ଭିତରେ ସରକାର ଜବାବ ଦାଖଲ କରିବେ ତାପରେ ସମସ୍ତ ଆବେଦନକାରୀ ପ୍ରତି ଜବାବ ଦାଖଲ କରିବାକୁ ମଙ୍ଗଳବାର ନିର୍ଦ୍ଦେଶ ଦେଇଛନ୍ତି । ଆସନ୍ତା ମାସ ୭ ତାରିଖରେ ମାମଲାର ପରବର୍ତ୍ତୀ ଶୁଣାଣି କରିବାକୁ ମଙ୍ଗଳବାର ହାଇକୋର୍ଟ ଦିନ ଧାର୍ଯ୍ୟ କରିଛନ୍ତି ।

   Related Posts