ଭୁବନେଶ୍ବର ୧୧|୬: ସଂଶୋଧିତ ହେବ କୃଷି ନୀତି । ୨୦୧୩ କୃଷି ନୀତିକୁ ସଂଶୋଧନ କରି ନୂଆ ନୀତି ଆଣିବେ ରାଜ୍ୟ ସରକାର । ଏନେଇ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ସଚିବାଳୟରେ ଗୁରୁତ୍ବପୂର୍ଣ୍ଣ ବୈଠକ ବସିଥିଲା । ଉଚ୍ଚସ୍ତରୀୟ ବୈଠକରେ ଏନେଇ ନିଷ୍ପତ୍ତି ହୋଇଛି । ଏଥି ସହ କୃଷକଙ୍କ ଆୟ କିଭଳି ବଢିବ ସେ ନେଇ ୨ ସପ୍ତାହ ମଧ୍ୟରେ ସବୁ ବିଭାଗ ରିପୋର୍ଟ ଦେବାକୁ ନିର୍ଦ୍ଦେଶ ଦେଇଛନ୍ତି କୃଷି ସଚିବ ସୌରଭ ଗର୍ଗ । ଚାଷୀଙ୍କ ବିକାଶକୁ ଆଖି ଆଗରେ ରଖି ତିଆରି ହେବ କୃଷିନୀତି । କୃଷକଙ୍କ ଆୟ ବଢ଼ାଇବା ଦିଗରେ ସଚେତନ ହୋଇ କୃଷିନୀତି ସଂଶୋଧନ କରାଯିବ ବୋଲି କହିଛନ୍ତି କୃଷି ସଚିବ । ନୂଆ କୃଷିନୀତି ଆଣିବା ପୂର୍ବରୁ କୃଷି ସମ୍ମନ୍ଧିତ ସମସ୍ତ ବିଭାଗକୁ ନିଜ ନିଜର ମତ ପ୍ରକାଶ କରିବାପାଇଁ କୁହାଯାଉଛି ।