Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚଳନ୍ତା ହାଇଓ୍ବା ଗାଡିରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଚାଳକ
  • ||
  • Australian Open 2022 ଟାଇଟଲ୍ ଜିତିଲେ ଏଶ୍ଲେ ବାର୍ଟି, ଦେଶ ପାଇଁ ରଚିଲେ ଇତିହାସ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୫ ହଜାରରୁ ଅଧିକ କରୋନା ପଜିଟିଭ୍, ୮୭୧ ମୃତ
  • ||
  • ବଜେଟ ପୂର୍ବରୁ ହେବନି ହାଲୁଆ ଉତ୍ସବ, ଏଥର ମୋବାଇଲ ଆପ୍ଲିକେସନରେ ମିଳିବ ସବୁ ତଥ୍ୟ
  • ||
  • ନୟାଗଡ : ଧାନବସ୍ତା ଚୋରି ପଡିଲା ମହଙ୍ଗା, ୨ ଯୁବକଙ୍କୁ ଗାଁ ଦାଣ୍ଡରେ ବାନ୍ଧିଦେଲେ ଲୋକେ
  • ||
  • ଭଦ୍ରକ : ଭିନ୍ନକ୍ଷମ ସାର୍ଟିଫିକେଟ୍‌ର ପୁନଃ ଯାଞ୍ଚ ପାଇଁ ଦାବି କଲା ଓଡିଶା ଭିନ୍ନକ୍ଷମ ମଞ୍ଚ
  • ||
  • ଘଟଗାଁ : ନାଳରୁ ମିଳିଲା ଅଜଣା ବ୍ୟକ୍ତିଙ୍କ ମୃତଦେହ, ହତ୍ୟା କରି ପାଣିରେ ଫିଙ୍ଗି ଦେଇଥିବା ସନ୍ଦେହ
  • ||
  • ରାଜ୍ୟରେ ଆଉ ୧୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୭୫କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୪୮୪୨ କୋଭିଡ୍ ପଜିଟିଭ୍, ୧୨୪୧୦୬୮ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଭୁବନେଶ୍ବର ଓ ବ୍ରହ୍ମପୁର ମେୟର ପଦବୀ ମହିଳାଙ୍କ ପାଇଁ ସଂରକ୍ଷିତ, କଟକ ପଦବୀ ଅଣସଂରକ୍ଷିତ
  • ||

ରାଜ୍ୟରେ ୨ ଲକ୍ଷ ୬୬ ହଜାର ଅଯୋଗ୍ୟ ହିତାଧିକାରୀଙ୍କୁ ସରକାର ବାଣ୍ଟିଛନ୍ତି କାଳିଆ ଟଙ୍କା, ପାଣିରେ ପଡିଲା ୧୩୩କୋଟି ଟଙ୍କା !

22/08/2019 at 8:12 PM

ଭୁବନେଶ୍ବର୨୨|୮: କାଳିଆ ତାଲିକାରେ ଲକ୍ଷ ଲକ୍ଷ  ଅଯୋଗ୍ୟ ହିତାଧିକାରୀ। ୫୧ ଲକ୍ଷ ହତାଧିକାରୀଙ୍କ ମଧ୍ୟରୁ ମାତ୍ର ୩୮ଲକ୍ଷ ହିତାଧିକାରଙ୍କ କାଗଜ ପତ୍ର ଜାଞ୍ଜ ହୋଇଛି। ସେଥିରୁ ୨ଲକ୍ଷ୬୬ହଜାର ଅଯୋଗ୍ୟ ଚିହ୍ନଟ ହୋଇଛନ୍ତି । ଆହୁରି ୨ରୁ୩ଲକ୍ଷ ଅଯୋଗ୍ୟ ହିତାଧିକାରୀ ବାହାରିବେ ।

ଏତେ ସଂଖ୍ୟକ ଅଯୋଗ୍ୟ ହତିଧିକାରୀ କେମିତି ସାମିଲା ହେଲେ ଏବଂ ସେମାନଙ୍କୁ ବିନା ଯାଞ୍ଚରେ ଦିଆଯାଇଥିବା କୋଟି କୋଟି ଟଙ୍କା ପାଇଁ କିଏ ଦାୟୀ ହେବ ସେନେଇ ଉଠିଛି ପ୍ରଶ୍ନ।

ରାଜ୍ୟରେ ୨ ଲକ୍ଷ ୬୬ ହଜାର ଅଯୋଗ୍ୟ ହିତାଧିକାରୀଙ୍କୁ ସରକାର ବାଣ୍ଟିଛନ୍ତି କାଳିଆ ଟଙ୍କା। ଜଣକା ୫ ହଜାର ଟଙ୍କା ହିସାବ କଲେ ହେବ ୧୩୩କୋଟି ଟଙ୍କା । ଏହି ୧୩୩କୋଟି ଟଙ୍କା ବଣ୍ଟା ଯାଇଛି ଅଯୋଗ୍ୟ ହିତାଧିକାରୀଙ୍କୁ ଯେଉଁମାନେ ଟଙ୍କା ପାଇବାକୁ ଯୋଗ୍ୟ ନୁହନ୍ତି କିମ୍ବା ଯେଉଁମାନେ ପ୍ରକୃତ ସରକାରୀ ସାହାଯ୍ୟ ପାଇବା ପାଇଁ ହକଦାର ନୁହନ୍ତି।

ଏହି ୧୩୩ କୋଟି ପାଣିରେ ପଡ଼ିଲା ବୋଲି କୁହାଯାଇପାରିବ। ରାଜ୍ୟରେ ଏବେସୁଦ୍ଧା ୨ ଲକ୍ଷ ୬୬ ହଜାର ଅଯୋଗ୍ୟ ହିତାଧିକାରୀଙ୍କୁ କାଳିଆ ଟଙ୍କା ଦିଆଯାଇଛି ବୋଲି ସରକାର ସ୍ବୀକାର କରିଛନ୍ତି । ଅଗଷ୍ଟ ୨୨ ତାରିଖ ସୁଦ୍ଧା ୩୬ ଲକ୍ଷ ୮୮ ହଜାର ହିତାଧିକାରୀଙ୍କୁ ଯାଞ୍ଜ କରାଯାଇଛି।

ଅଗଷ୍ଟ ୩୧ ତାରିଖରେ ଏହି ଯାଞ୍ଚ ପ୍ରକ୍ରିୟା ଶେଷ ହେବ।  ସେତେବଳକୁ ଅଯୋଗ୍ୟ ହତାଧିକାରିଙ୍କ ସଂଖ୍ୟା ୫ଲକ୍ଷ ହେବ ବୋଲି ଆଶାଙ୍କା କରୁଛି ବିଭାଗ। ଯାଞ୍ଜ ପ୍ରକିୟା ଶେଷ ହେବା ପରେ ଅଯୋଗ୍ୟ ହିତାଧିକାରୀ କାଳିଆ ଟଙ୍କା ପାଇଛନ୍ତି ସେମାନଙ୍କ ଠାରୁ ଫେରାଇବା ନିଷ୍ପତ୍ତି ନିଆଯିବ ବୋଲି କହିଛନ୍ତି କୃଷି ମନ୍ତ୍ରୀ

ପ୍ରଶ୍ନ ଉଠୁଛି କାହା କାହା ବିରୋଧରେ ସରକାର କାର୍ଯ୍ୟନୁଷ୍ଟାନ ନେବେ । ଯେଉଁ ମାନେ ସହାୟତା ରାଶି ପାଇଛନ୍ତି ଏତେଦିନ ପରେ କଣ ସରକାର ସେମାନଙ୍କ ଠାରୁ ଏହି ଟଙ୍କା ଆଦାୟ କରିପାରିବେ କି ?  ଯଦି ନଫେରାଇପାରିବେ ସେମାନଙ୍କ ବିରୋଧରେ ସରକାର କଣ ଆକ୍ସନ ନେଇପାରିବେ ।  

କାଳିଆ ଯୋଜନା ନିର୍ବାଚନ ପାର୍‌ କଲା। ନିର୍ବାଚନ ସରିଲେ ଆହୁରି ଲୋକଙ୍କୁ ଯୋଜନାରେ ସାମିଲ କରାଯିବ ବୋଲି କୁହାଗଲା। କିନ୍ତୁ ଏବେ ନିର୍ବାଚନ ପରେ କାଳିଆ ଯୋଜନା ଏବେ ତଣ୍ଟିର କଣ୍ଟା ହେବାକୁ ବସିଲାଣି।  କେମିତି ଯୋଜନାରୁ ଲୋକଙ୍କୁ ବାଦ୍‌ ଦିଆଯିବ ସେନେଇ ଚାଲିଛି ଗଣତି।

   Related Posts