Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ରାଜ୍ୟରେ Covid ମୁକାବିଲା ଲାଗି ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ସରକାର ଖର୍ଚ୍ଚ କରିଛନ୍ତି ୪୭୨ କୋଟି ଟଙ୍କା

4/10/2020 at 9:27 PM

ଭୁବନେଶ୍ୱର ୪।୧୦: ଓଡିଶା ସରକାର ରାଜ୍ୟରେ କରୋନା ମୁକାବିଲା ଲାଗି ମୁଖ୍ୟମନ୍ତ୍ରୀ ରିଲିଫ ପାଣ୍ଠି (ସିଏମଆରଏଫ)ରୁ ୪୭୨ କୋଟି ଟଙ୍କା ଖର୍ଚ୍ଚ କରିଛନ୍ତି। ରାଜ୍ୟରେ କରୋନା ଜନିତ ପରିସ୍ଥିତିର ମୁକାବିଲା ନିମନ୍ତେ ଗତ ମାର୍ଚ୍ଚ ମାସରୁ ଏପର୍ଯ୍ୟନ୍ତ ରାଜ୍ୟ ସରକାର ଯଥାସମ୍ଭବ ଉଦ୍ୟମ ଜାରି ରଖିଛନ୍ତି। ଏଥିଲାଗି ସରକାର ସିଏମଆରଏଫରୁ କରିଥିବା ବ୍ୟୟନେଇ ରାଜ୍ୟ ଯୋଜନା ମନ୍ତ୍ରୀ ପଦ୍ମନାଭ ବେହେରା ଏକ ଲିଖିତ ପ୍ରଶ୍ନର ଜବାବରେ ବିଧାନସଭାକୁ ଏହି ସୂଚନା ଦେଇଛନ୍ତି।

ବେହେରା କହିଛନ୍ତି ଯେ ମାର୍ଚ୍ଚରୁ ଏପର୍ଯ୍ୟନ୍ତ ରାଜ୍ୟରେ କରୋନା ମୁକାବିଲା ଲାଗି ଅନୁନ୍ୟ୨ ହଜାର କୋଟି ଟଙ୍କା ଖର୍ଚ୍ଚ ହେଲାଣି। କୋଭିଡ ପରିଚାଳନା ଲାଗି ଏହି ଖର୍ଚ୍ଚରେ ସିଏମଆରଏଫ୍ ପାଣ୍ଠିରୁ ମଧ୍ୟ ବ୍ୟୟ ହୋଇଛି। ତେବେ ବେହେରା ତାଙ୍କ ଉତ୍ତରରେ ଏହି ସମୟରେ ସିଏମଆରଏଫକୁ କେଉଁ ସୂତ୍ରରୁ କେତେ ପାଣ୍ଠି ମିଳିଛି ସେ ନେଇ କୌଣସି ଜବାବ ରଖିନାହାନ୍ତି।

ରାଜ୍ୟରେ କରୋନା ଭାଇରସ ମହାମାରୀ ଲାଗି ଲୋକେ ସିଏମଆରଏଫକୁ ବଢିଚଢିକି ଦାନ କରିଥିଲେ। ତେବେ ଲୋକଙ୍କ ଦାନରୁ ସିଏମଆରଏଫକୁ କେତେ ଟଙ୍କା ମିଳିଥିଲା ସେ ନେଇ ମନ୍ତ୍ରୀ ତାଙ୍କ ଲିଖିତ ଉତ୍ତରରେ କୌଣସି ସୂଚନା ଦେଇ ନାହାନ୍ତି। ରାଜ୍ୟରେ ସିଏମଆରଏଫ କରୋନା କେୟାର ବାଦେ କରୋନା ସେଣ୍ଟର, ପୋଲିସ ଜବାନଙ୍କ ୱେଲଫେୟାର, ଶ୍ରମିକଙ୍କ ଟ୍ରେନ୍‌ ଟିକେଟ୍ ବାବଦ ଖର୍ଚ୍ଚ, ପ୍ରବାସୀ ଶ୍ରମିକଙ୍କୁ କ୍ୱାରେଣ୍ଟାଇନ୍ ଇନସେଣ୍ଟିଭ୍ ଏବଂ ପ୍ରବାସୀ ଓଡିଆ ଶ୍ରମିକଙ୍କ ପରିବହନ ବାବଦ ଖର୍ଚ୍ଚ ମଧ୍ୟ କରିଥିଲା।

   Related Posts