Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ବରଗଡ଼: ‘ନୋ କ୍ଲାସ୍ ନୋ ଫି’ ଦାବିରେ ଜିଲ୍ଲାପାଳଙ୍କୁ ଘେରିଲେ କଲେଜ ଛାତ୍ରଛାତ୍ରୀ
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ମାଲକାନଗିରି :ପଡିଆ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ମେଡିକାଲ ଅଫିସରଙ୍କୁ ଗିରଫ କଲା ଭିଜିଲାନ୍ସ
  • ||
  • ମାଲକାନଗିରି : ଜମିବାଡି ବିବାଦରୁ ହତ୍ୟାକାଣ୍ଡ ! ହତ୍ୟା କରି ଫିଙ୍ଗିଦେଲେ ଘର ଆଗରେ
  • ||
  • ଝାରସୁଗୁଡା : ଟେଣ୍ଟ ହାଉସ୍ ଗୋଦାମରେ ଅଗ୍ନିକାଣ୍ଡ, ୫୦ଲକ୍ଷରୁ ଅଧିକ ଟଙ୍କାର ସମ୍ପତ୍ତି ପୋଡି ଭସ୍ମୀଭୂତ
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||
  • କଟକ : ଘରୋଇ ସ୍କୁଲ ଫି’ କମାଇବା ମାମଲା : ଫି’ କେତେ କମିବ ସତ୍ୟପାଠ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||

ରଣଜୀ ଟ୍ରଫିରେ ଓଡିଶାର ଦମଦାର ପ୍ରଦର୍ଶନ

15/02/2020 at 9:24 PM

କଟକ ୧୫।୦୨ — ରଣଜୀ ଟ୍ରଫିରେ ଓଡିଶାର ଦମଦାର ପ୍ରଦର୍ଶନ। ଦୁଇଟି ସିଜନ ପରେ ଦ୍ବିତୀୟ ଦଳ ଭାବେ ଏଥର ରଣଜୀ କ୍ବାର୍ଟର ଫାଇନାଲ ପାଇଁ ସ୍ଥାନ ପକ୍କା କରିଛି ଓଡିଶା ରଣଜୀ ଟିମ୍ । ବାରବାଟୀରେ ଖେଳାଯାଇଥିବା ଝାଡଖଣ୍ଡ ବିପକ୍ଷ ମ୍ୟାଚକୁ ଡ୍ର ରହିବାରୁ ଓଡିଶାକୁ ମିଳିଛି କ୍ବାର୍ଟର ଫାଇନାଲ ଟିକେଟ।


ରଣଜୀ ମୁକାବିଲାରେ ଓଡିଶା ଦଳ ଦେଖାଇଛି ଦମ୍ ।ବାରବାଟୀରେ ଝାଡଖଣ୍ଡ ବିପକ୍ଷ ମ୍ୟାଚକୁ ଡ୍ର ରଖି ଓଡିଶା ହାତେଇଛି କ୍ବାର୍ଟର ଫାଇନାଲ ଟିକେଟ। ଦୁଇଟି ସିଜନ ପରେ ଓଡିଶା ରଣଜୀ ଦଳ ପାଇଛି ଏହି ସଫଳତା।ଏଲିଟ୍ ଗ୍ରୁପ ସିରେ ଓଡିଶା ୯ଟି ମ୍ୟାଚରୁ ୩୮ ପଏଣ୍ଟ ପାଇ ଜମ୍ମୁ କାଶ୍ମୀର ପରେ ଦ୍ବିତୀ ୟ ଦଳଭାବେ ରଣଜୀ କ୍ବାର୍ଟର ପାଇଁ ସ୍ଥାନ ପକ୍କା କରିଛି। ବାରବାଟୀରେ ଅଧିନାୟକ ଶୁଭ୍ରାଂଶୁ ସେନାପତି ଗୋଟିଏ ଶତକ ଜମାଇଥିବାବେଳେ ଇନଫର୍ମ ବ୍ୟାଟସମ୍ୟାନ ଦେବାଶିଷ ସାମନ୍ତରାୟ ଗୋଟିଏ ଶତକ ଓ ଗୋଟିଏ ଅର୍ଦ୍ଧଶତକ ହାସଲ କରି ଓଡିଶାକୁ ଦେଇଛନ୍ତି ଏହି ସଫଳତା।


ଇନଫର୍ମ ବ୍ୟାଟସମ୍ୟନ ଦେବାଶିଷ ସାମନ୍ତରାୟ ୧୫୬ରନର ଶତକୀୟ ପାଳି ଯୋଗୁ ଓଡିଶା ପ୍ରଥମ ଇନିଂସରେ ୪୩୬ ରନ କରିଥିଲା। ଜବାବରେ ଓଡିଶାର ଘାତକ ବୋଲିଂକୁ ସାମ୍ନା କରି ନ ପାରି ଝାଡଖଣ୍ଡ ୩୫୬ ରନରେ ଅଲ ଆଉଟ ହୋଇଥିଲା। ପ୍ରଥମ ଇନିଂସରେ ଓଡିଶାକୁ ୮୦ରନର ଲିଡ୍ ମିଳିଥିଲା। ଦ୍ବିତୀୟ ଇନିଂସରେ ଶୁଭ୍ରାଂଶୁ –ଦେବାଶିଷ ଦମଦାର ବ୍ୟାଟିଂ କରି ୧୮୭ରନରେ ପାଳି ଘୋଷଣା କରିଥିଲା ।ଅମ୍ପାୟାର ମ୍ୟାଚ ଡ୍ର ଘୋଷଣା କରିଥିଲେ।

ପ୍ରଥମ ଇନିଂସରେ ଆଗୁଆ ଭିତ୍ତିରେ ଓଡିଶାକୁ ୩ ପଏଣ୍ଟ ମିଳିଥିଲା । ଦଳ ଉଭୟ ବୋଲିଂ ଓ ବ୍ୟାଟିରେ ସନ୍ତୁଳିତ ହୋଇ ଖେଳୁ ଥିବା ବେଳେ ବୋଲିଂ ପ୍ରତି ଅଧିକ ଫୋକସ ଦେବା ପାଇଁ କହିଛନ୍ତି ପୂର୍ବତନ ରଣଜୀ ଖେଳାଳୀ ପବନ ଅଗ୍ରଓ୍ବାଲ ।ରଣଜୀ ଲିଗ୍ ପର୍ଯ୍ୟାୟ ଶେଷ ପରେ ଏବେ ୮ଟି ଟିମ୍ କ୍ବାର୍ଟର ଫାଇନାଲକୁ ଉନ୍ନୀତ ହୋଇଛନ୍ତି। ଏହାପରେ ଆରମ୍ଭ ହେବ ନକ୍ ଆଉଟ୍ ।

   Related Posts