Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଭଲ ଖବର : କୋଭିଡ୍ ପଜିଟିଭିଟି ହାରରେ ଦେଶର ୬ ଶୀର୍ଷ ପ୍ରଦର୍ଶନକାରୀ ରାଜ୍ୟ ଭିତରେ ଓଡିଶା, ଜାତୀୟ ହାର ଅପେକ୍ଷା ସ୍ଥିତି ବହୁତ ଭଲ

20/08/2020 at 6:46 PM

ଭୁବନେଶ୍ୱର, ୨୦|୦୮:   ଓଡିଶା କରୋନା ମୁକାବିଲା ଭଲ କରୁଛି । ରାଜ୍ୟରେ ଟେଷ୍ଟିଂ ହାର ଦେଶରେ ପ୍ରଥମ ରହିଛି । ସେହିପରି କରୋନା ପଜିଟିଭିଟି ହାର କ୍ଷେତ୍ରରେ ଓଡିଶା ଦେଶର ପ୍ରଥମ ୬ଟି ରାଜ୍ୟ ମଧ୍ୟରେ ରହିଛି । ପଜିଟିଭିଟୀ ହାର ହେଉଛି ମୋଟ୍ ଟେଷ୍ଟିଂରେ ଚିହ୍ନଟ ହୋଇଥିବା ସଂକ୍ରମିତଙ୍କ ସଂଖ୍ୟା ।  

ପଜିଟିଭିଟି ରେଟ୍ କମ୍ ଥିଲେ ଏହାକୁ ଭଲ ବୋଲି ବିବେଚନା କରାଯାଏ । ଅର୍ଥାତ ରାଜ୍ୟରେ ଅଧିକରୁ ଅଧିକ କରୋନା ଟେଷ୍ଟିଂ କରାଯାଉଛି । ଦୈନିକ ପ୍ରାୟ ୫୦ ହଜାରରୁ ଅଧିକ ଟେଷ୍ଟିଂ କରାଯାଉଛି । ଏହି ଅନୁସାରେ ସଂକ୍ରମିତଙ୍କ ସଂଖ୍ୟା କମ୍ ରହିଛି । ଅର୍ଥାତ ଯେଉଁ ପରିମାଣରେ ଟେଷ୍ଟିଂ ହେଉଛି ସେହି ଅନୁସାରେ ଚିହ୍ନଟ ସଂକ୍ରମିତଙ୍କ ସଂଖ୍ୟା କମ୍ ।

ଓଡିଶାରେ ପଜିଟିଭିଟି ହାର ୬ ପ୍ରତିଶତ ରହିଛି । ଯାହା ଜାତୀୟ ହାରଠୁ ଢେର୍ ଆଗରେ ରହିଛି । ଜାତୀୟ ହାର ହେଉଛି ୮.୬୯ ପ୍ରତିଶତ ।

ଓଡିଶା ବଡବଡ ରାଜ୍ୟ ଯେପରିକି ତାମିଲନାଡୁ,  ବିହାର ଆସାମଠୁ ଭଲ ସ୍ଥିତିରେ ରହିଛି । ସେହିପରି କେରଳ, ଆସାମଠୁ ମଧ୍ୟ କରୋନା ମୁକାବିଲାରେ ଭଲ ପ୍ରଦର୍ଶନ କରିଛି ।

   Related Posts