Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କରୋନା ନିୟନ୍ତ୍ରଣରେ ଆହୁରି ଆଗଉଛି ଓଡିଶା, ୩ ଦିନରେ ସୁସ୍ଥ ହେଲେଣି ୭୦୦୦ରୁ ବେଶୀ ସଂକ୍ରମିତ

25/08/2020 at 9:28 PM

ଭୁବନେଶ୍ୱର, ୨୫|୦୮:  କରୋନା ମୁକାବିଲାରେ ଓଡିଶା ଆଗରେ ରହିଛି । ରାଜ୍ୟରେ ଟେଷ୍ଟିଂ ବୃଦ୍ଧି ପାଇଛି । ଏପରିକି କରୋନା ସଂକ୍ରମଣ ହାର ନିୟନ୍ତ୍ରଣ କ୍ଷେତ୍ରରେ ଓଡିଶା ଦେଶର ପ୍ରମୁଖ ରାଜ୍ୟ ପାଲଟିଛି। ସଂକ୍ରମଣ ହାର ନିୟନ୍ତ୍ରଣ ହେଉଛି ମୋଟ୍ ଟେଷ୍ଟିଂରେ ଚିହ୍ନଟ ହୋଇଥିବା ସଂକ୍ରମିତଙ୍କ ସଂଖ୍ୟା । ସଂକ୍ରମଣ ହାର ନିୟନ୍ତ୍ରଣ କମ୍ ଥିଲେ ଏହାକୁ ଭଲ ବୋଲି ବିବେଚନା କରାଯାଏ ।

ତେବେ କରୋନା ମୁକାବିଲାରେ ରାଜ୍ୟ ପାଇଁ ଆଉ ଏକ ଖୁସି ଖବର ଆସିଛି । ଗତ ୩ ଦିନରେ ରାଜ୍ୟରେ ୭ ହଜାରରୁ ଅଧିକ ଆକ୍ରାନ୍ତ ଆରୋଗ୍ୟ ଲାଭ କଲେଣି  । ଆରୋଗ୍ୟ ହାର ମଧ୍ୟ ଦ୍ରୁତ ଗତିରେ ବଢିବାରେ ଲାଗିଛି ।

ଏକଦା କରୋନା ହଟସ୍ପଟ୍ ଥିବା ଗଞ୍ଜାମରେ କରୋନା ସ୍ଥିତି ସୁଧୁରୁଛି । ଏଠାରେ ଆରୋଗ୍ୟ ହାର ହେଉଛି ୮୭.୭ ପ୍ରତିଶତ । ଏପରିକି ନୂଆ ପଜିଟିଭ୍ ସଂଖ୍ୟା ମଧ୍ୟ ହ୍ରାସ ପାଇଛି ।

କିଛିଦିନ ହେଲା ଦୈନିକ ପ୍ରାୟ ୫୦ ହଜାରରୁ ଅଧିକ ଟେଷ୍ଟିଂ କରାଯାଉଛି । ଗତ ୧ ସପ୍ତାହ ହେବ କରୋନା ପରୀକ୍ଷା ବଢିଛି । ଏହି ଅନୁସାରେ ସଂକ୍ରମିତଙ୍କ ସଂଖ୍ୟା କମ୍ ରହିଛି । ଅର୍ଥାତ ଯେଉଁ ପରିମାଣରେ ଟେଷ୍ଟିଂ ହେଉଛି ସେହି ଅନୁସାରେ ସଂକ୍ରମିତ କମ୍ ଚିହ୍ନଟ ହେଉଛନ୍ତି। ଯେଉଁଥିରୁ କରୋନା ମୁକାବିଲାରେ ରାଜ୍ୟ ସରକାରଙ୍କ ପଦକ୍ଷେପ ପ୍ରଭାବୀ ସାବ୍ୟସ୍ତ ହେଉଥିବା ସ୍ପଷ୍ଟ ଭାବେ ଜଣାପଡୁଛି ।

   Related Posts