Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ୟାଟସମ୍ୟାନଙ୍କ ପରେ ବିଫଳ ହେଲେ ଆରସିବି ବୋଲର, ‘କର ବା ମର’ ମ୍ୟାଚରେ ୫ ଓ୍ୱିକେଟରେ ଜିତିଲା ହାଇଦ୍ରାବାଦ
  • ||
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||

ତିନି ରାଜ୍ୟରେ ବିଜେପି ଗାଦିଚ୍ୟୁତ ହେବାରୁ ଶିକ୍ଷାନେଲେ ନବୀନ; ଚାଷୀଙ୍କ ପାଇଁ ଘୋଷଣା କରିପାରନ୍ତି ମନଲୋଭା ପ୍ୟାକେଜ୍

13/12/2018 at 10:22 AM

ଭୁବନେଶ୍ବର ୧୩|୧୨: ଚାଷୀଙ୍କ ପାଇଁ ପ୍ୟାକେଜ ଘୋଷଣା ମୁଡ୍ ରେ ଅଛନ୍ତି ରାଜ୍ୟ ସରକାର । ସେ କୃଷି ଋଣ ଛାଡ ହେଉ କି କୃଷକଙ୍କୁ ପେନସନ ଦେବା, କିଛି ଗୋଟେ ଘୋଷଣା କରି ନିର୍ବାଚନ ପୂର୍ବରୁ କୃଷକଙ୍କ ମନ ଭଳେଇବା ଯୋଜନାରେ ଅଛନ୍ତି ସରକାର । ୩ ବିଜେପି ଶାସିତ ରାଜ୍ୟର ଫଳ ଏଥିପାଇଁ ରାଜ୍ୟ ସରକାରଙ୍କୁ ବାଧ୍ୟ କରିଛି । ନିର୍ବାଚନ ଫଳାଫଳ ପରେ ନବୀନ ଯେଉଁ ପ୍ରତିକ୍ରିୟା ଦେଇଛନ୍ତି ସେଥିରୁ ଏହି ସୂଚନା ମିଳୁଥିବା କୁହାଯାଉଛି ।

୩ ବିଜେପି ଶାସିତ ରାଜ୍ୟ ଛତିଶଗଡ, ମଧ୍ୟ ପ୍ରଦେଶ ଓ ରାଜସ୍ଥାନରେ ବିଜେପି କ୍ଷମତାଚ୍ୟୁତ ହେବାପରେ ନବୀନଙ୍କ ପ୍ରତିକ୍ରିୟା ହେଉଛି କୃଷକଙ୍କ ସମସ୍ୟା ସମାଧାନ ନହେବାରୁ ବିଜେପିର ଏଭଳି ଦଶା ହେଲା  । ନବୀନଙ୍କ ଏହି ସଂକେତରୁ ଜଣା ପଡୁଛି ଯେ ଏଠି ବିଜେଡି ସରକାର ଚାଷୀଙ୍କୁ ଖୁସ୍ କରିବାକୁ କିଛି ପ୍ୟାକେଜ ଘୋଷଣା କରିବାକୁ ଯାଉଛନ୍ତି । କାରଣ ସମାନ ସମସ୍ୟା ବି ଓଡିଶାର ଚାଷୀ ସମ୍ମୁଖୀନ ହେଉଛନ୍ତି । ଚାଷୀ ଆନ୍ଦୋଳନ ଓଡିଶାରେ ବି ହେଉଛି । ପ୍ରାଇସ୍, ପ୍ରେଷ୍ଟିଜ୍ ଓ ପେନସନ୍ ଦାବିରେ ଚାରିଆଡେ ଚାଷୀ ଆନ୍ଦୋଳନ ଚାଲିଛି। ଚାଷୀ ଆତ୍ମହତ୍ୟା ଠାରୁ ଆରମ୍ଭ କରି ଧାନର ସର୍ବନିମ୍ନ ସହାୟକ ମୂଲ୍ୟକୁ ନେଇ ବି ବିତର୍କ ଚାଲିଛି। ଏଭଳି ସ୍ଥିତିରେ କୃଷକଙ୍କ ପାଇଁ ଋଣ ଛାଡ କରି ହେଉ କିମ୍ବା ଚାଷୀଙ୍କୁ ପେନସନ ଦେଇ ହେଉ କିଛି ଗୋଟେ ଘୋଷଣା କରିପାରନ୍ତି ରାଜ୍ୟ ସରକାର। ଏଥିପାଇଁ ଯେଉଁ ମନ୍ତ୍ରୀସ୍ତରୀୟ କମିଟି ଗଠନ ହୋଇଛି ସେମାନେ ଚାଷୀଙ୍କ ସହ ଆଲୋଚନା ଜାରି ରଖିଛନ୍ତି । ସେପଟେ ପିସିସି ସଭାପତି ନିରଞ୍ଜନ ପଟ୍ଟନାୟକ ମଧ୍ୟ ଘୋଷଣା କଲେଣି କଂଗ୍ରେସ କ୍ଷମତାକୁ ଆସିଲେ କୃଷିଋଣ ଛାଡ଼ହେବ।

ନିର୍ବାଚନ ଆଉ ମାତ୍ର ୩-୪ ମାସ ହାତରେ ଅଛି। ଏହା ଭିତରେ ଅନେକ କାର୍ଯ୍ୟକ୍ରମ ଘୋଷଣା କରିସାରିଲେଣି ନବୀନ ସରକାର । ୫ ଲକ୍ଷ ନୂଆ ହିତାଧିକାରୀଙ୍କୁ ମଧୁବାବୁ ପେନସନ ଯୋଜନାରେ ସାମିଲ ପାଇଁ ଘୋଷଣା ହୋଇଛି । ତେଣୁ ଖୁବ୍ ଶୀଘ୍ର ଚାଷୀଙ୍କ ପାଇଁ ନୂଆ ଘୋଷଣା ହେବ ବୋଲି ଚର୍ଚ୍ଚା ଚାଲିଛି ।

   Related Posts