Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆଜି ସନ୍ଧ୍ୟାରେ ବସିବ ରାଜ୍ୟ କ୍ୟାବିନେଟ୍ ବୈଠକ

27/07/2019 at 11:08 AM

ଭୁବନେଶ୍ବର ୨୭|୭:  ଆଜି ସନ୍ଧ୍ୟା ୭ ଟା ୧୫ ମିନିଟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିବ ରାଜ୍ୟ କ୍ୟାବିନେଟ୍ ବୈଠକ । ବୈଠକରେ ପ୍ରାୟ ୧୧ଟି ପ୍ରସ୍ତାବ ଆସିବା ସମ୍ଭାବନା ରହିଛି । ମାସର ଚତୁର୍ଥ ଶନିବାର ଛୁଟି ଦିବସ ଥିବା ସତ୍ତ୍ବେ, ବିଧାନସଭା ଚାଲୁଥିବାରୁ କେତୋଟି ବିଲ୍ ଆଣିବାକୁ ସରକାର ଲକ୍ଷ୍ୟ ରଖିଛନ୍ତି । ଉଚ୍ଚଶିକ୍ଷା ବିଭାଗର ଦୁଇଟି ପ୍ରସ୍ତାବ ଉପରେ ମୋହର ବାଜିବାର ସମ୍ଭାବନା ରହିଛି ।

ଏସିଆନ୍ ସ୍କୁଲ ଅଫ୍ ବିଜିନେସ ମ୍ୟାନେଜମେଣ୍ଟକୁ ଡିମ୍ ଡ ବିଶ୍ବ ବିଦ୍ୟାଳୟରେ ପରିଣତ କରିବାକୁ ସରକାର ସ୍ବତନ୍ତ୍ର ବିଲ୍ ଆଣିପାରନ୍ତି । ସେହିପରି ଓପନ୍ ସ୍କୁଲ ଲର୍ଣ୍ଣିଂ ବ୍ୟବସ୍ଥା ନେଇ ମଧ୍ୟ ପ୍ରସ୍ତାବ ଆସିବ । ଲାଞ୍ଜିଗଡ଼ରେ ରେଳ ପ୍ରକଳ୍ପ ପାଇଁ ଜମି ଯୋଗାଣ ସହିତ ଅନ୍ୟ ରେଳ ପ୍ରକଳ୍ପ ପାଇଁ ଜମି ଯୋଗାଣ ନେଇ ରାଜସ୍ବ ବିଭାଗର ଦୁଇଟି ପ୍ରସ୍ତାବ ରହିଛି ।

ପଞ୍ଚାୟତିରାଜ ବିଭାଗର ପ୍ରସ୍ତାବ ଅନୁଯାୟୀ ପୁରୀ ଓ ନବରଙ୍ଗପୁରରେ ତିନିଟି ପାନୀୟ ଜଳ ପ୍ରକଳ୍ପ ପାଇଁ କ୍ୟାବିନେଟ୍ ମଞ୍ଜୁରି ନିଆଯିବ। ସେହିପରି ଆଇନ ବିଭାଗର ଗୋଟିଏ ପ୍ରସ୍ତାବ ଉପରେ କ୍ୟାବିନେଟ୍ ମୋହର ଲାଗିବ ବୋଲି ସୂଚନା ମିଳିଛି ।

   Related Posts