Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଆଜି ଆସିବ ରାଜ୍ୟ ବଜେଟ୍, ରାଜ୍ୟର ଆୟ ବ୍ୟୟର ହିସାବ ରଖିବେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ

22/02/2021 at 7:43 AM

ଭୁବନେଶ୍ୱର ୨୨।୦୨:  ଆଜି ଆସିବ ରାଜ୍ୟ ବଜେଟ୍ । ୨୦୨୧- ୨୨ ଆର୍ଥିକ ବର୍ଷ ପାଇଁ ବିଧାନସଭାରେ ବଜେଟ ଆଗତ କରିବେ ଅର୍ଥମନ୍ତ୍ରୀ ନିରଞ୍ଜନ ପୁଜାରୀ । ଅପରାହ୍ନରେ ବିଧାନସଭାରେ ପେପରଲେସ ବଜେଟ ଉପସ୍ଥାପନ ହେବ । ଏଥର ବଜେଟ କଳେବର ୧ଲକ୍ଷ ୭୦ ହଜାର କୋଟି ଟପିବ ବୋଲି ସୂଚନା ମିଳିଛି । କରୋନା ସଂଙ୍କଟରେ ପଡିଥିବା ରାଜ୍ୟ ଅର୍ଥନୀତିରେ ସୁଧାର ଆଣିବା ଲାଗି ସରକାର ବଜେଟରେ ସ୍ବାସ୍ଥ୍ୟ, କୃଷି, ଗ୍ରାମାଞ୍ଚଳ ପର୍ଯ୍ୟଟନ ଓ ଭିତ୍ତିଭୂମି ବିକାଶ ଉପରେ ଅଧିକ ଫୋକସ ରହିବ ବୋଲି କୁହାଯାଉଛି ।

ଆଜି ରାଜ୍ୟର ଆୟ ବ୍ୟୟର ହିସାବ ରଖିବେ ନିରଞ୍ଜନ। ବିଧାନସଭାରେ ବଜେଟ୍ ଆଗତ କରିବେ ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୁଜାରୀ । ୨୦୨୧-୨୨ ଆର୍ଥିକ ବର୍ଷ ଲାଗି ବିଧାନସଭାରେ ୧ଲକ୍ଷ ୭୦ ହଜାର କୋଟି ଟଙ୍କାର ବଜେଟ ଉପସ୍ଥାପନ କରିବେ। ଗତ ଆର୍ଥିକ ବର୍ଷରେ ସରକାର ୧ଲକ୍ଷ ୫୦ ହଜାର କୋଟିର ବଜେଟ ଆଣିଥିବା ବେଳେ ଏଥର ବଜେଟ ୨୦ ହଜାର କୋଟି ଟଙ୍କା ଅଧିକା । ମାନେ ୧୧.୧ ପ୍ରତିଶତ ବେଶୀ । ରାଜ୍ୟରେ କୋଭିଡ ସଙ୍କଟ ସତ୍ତ୍ବେ ଚଳିତ ବର୍ଷ ବଜେଟ ପରିମାଣ ବଢିଛି । ବଜେଟରେ ସ୍ବାସ୍ଥ୍ୟ , କୃଷି ବିକାଶ ସମତେ ଲୋକଙ୍କ ହାତକୁ କାମ ଦେବା ଲାଗି ସରକାର ଭିତ୍ତିଭୂମି ବିକାଶ ଉପରେ ଗୁରୁତ୍ବ ଦେବେ । ତେବେ ଗାଁ ଅର୍ଥନୀତିକୁ ମଜଭୁତ କରିବା ଲାଗି ରାଜ୍ୟ ସରକାର ଏଥର ବଜେଟରେ ଗ୍ରାମାଞ୍ଚଳ ବଜେଟ ଉପରେ ଅଧିକ ଫୋକସ ଦେଉଥିବା କୁହାଯାଉଛି । ସାଧାରଣ ଲୋକଙ୍କ ପାଇଁ ରାଜ୍ୟ ସରକାର ବଜେଟ ଆଣିବେ ବୋଲି ବିଜେଡି କହିଛି ।

ସେପଟେ ବିରୋଧୀ କହିଛନ୍ତି ରାଜ୍ୟ ସରକାର କେବଳ ଭୋଟକୁ ଆଖିର ରଖି ବଜେଟ କଲେ ହେବନି । କିପରି ସାମଗ୍ରିକ ବିକାଶ ହେବ ସେଥିପାଇଁ ସବୁକ୍ଷେତ୍ରକୁ ଧ୍ୟାନ ଦେବା ଦରକାର । ଅର୍ଥ ହାତରେ ନଥାଇ ସରକାର କେବଳ ଯୋଜନା ପରେ ଯୋଜନା ଘୋଷଣା କରୁଛନ୍ତି । ଏହାର ବାସ୍ତବ ସୁଫଳ ଲୋକଙ୍କ ପାଖରେ ପହଁଚୁନି । ସେପଟେ ଅର୍ଥନୀତି ବିଶେଷଜ୍ଞଙ୍କ କହିବା କଥା ସରକାରଙ୍କ ବଜେଟରେ ନିଯୁକ୍ତି ଉପରେ ଫୋକସ ରହିବା ଉଚିତ । ଲୋକଙ୍କ ହାତକୁ କାମ ଦେବାକୁ କୃଷି ଶିଳ୍ପ, କ୍ଷୁତ୍ର ଓ ମଧ୍ୟମ ଶିଳ୍ପ, ଉପରେ ଅଧିକ ଫୋକସ କରିବା ଦରକାର ।

କୋଭିଡ ମାଡରେ ରାଜ୍ୟ ଅର୍ଥନୀତିର ଅଭିବୃଦ୍ଧି ହାର ୪.୯୨ ପ୍ରତିଶତ କମ ରହିବ ବୋଲି ବିଧାନସଭାର ଉପସ୍ଥାପିତ ହୋଇଥିବା ଅର୍ଥନୈତିକ ସର୍ଭେ ରିପୋର୍ଟ ସୂଚାଇଛି । ତେବେ ଆଶ୍ବସ୍ତିକର କଥା ହେଉଚି ଜାତୀୟ ସ୍ତରରେ ଅଭିବୃଦ୍ଦି ହାର ୭.୭ ପ୍ରତିଶତ କମୁଥିବା ବେଳେ ଓଡିଶାରେ ଏହା ଜାତୀୟ ହାର ଠୁ ଭଲ ରହିଛି । ଏବେ ଅପେକ୍ଷା ରାଜ୍ୟ ଅର୍ଥନୀତିକୁ ମଜଭୁତ କରିବାକୁ ରାଜ୍ୟ ଅର୍ଥମନ୍ତ୍ରୀ କିପରି ହିସାବ ନିକାଶ କରୁଛନ୍ତି ।

   Related Posts