Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

୨୦୧୯-୨୦ ଆର୍ଥିକ ବର୍ଷ ପାଇଁ ରାଜ୍ୟ ବଜେଟ ଉପସ୍ଥାପିତ ; ଅଭିବୃଦ୍ଧି ହାର ଲକ୍ଷ୍ୟ ୮.୫ ପ୍ରତିଶତ, ଋଣ ଭାର ୧ ଲକ୍ଷ ୬ ହଜାର କୋଟିକୁ ବୃଦ୍ଧି

28/06/2019 at 6:24 PM

ଭୁବନେଶ୍ୱର ୨୮/୬ : ବିଧାନସଭାରେ ଆଜି ରାଜ୍ୟ ବଜେଟ୍‌ ଉପସ୍ଥାପନ କରିଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ।  ୨୦୧୯-୨୦ ଆର୍ଥିକ ବର୍ଷ ପାଇଁ ମୋଟ ୧ଲକ୍ଷ ୩୯ହଜାର କୋଟି ଟଙ୍କାର ବଜେଟ୍‌ ପ୍ରସ୍ତୁତ କରିଛନ୍ତି ରାଜ୍ୟ ସରକାର । ଯେଉଁଥିରେ ରାଜସ୍ବ ଆୟ ହେଲା ୧ଲକ୍ଷ ୧୫ହଜାର ୨୬୬କୋଟି ଟଙ୍କା । ଋଣ ଓ ଅନ୍ୟ ସୂତ୍ରରୁ ବାକି ୨୩ହଜାର ୭୩୪କୋଟି ଟଙ୍କା ଆଣିବେ ସରକାର । ତେବେ ରାଜ୍ୟର ଅଭିବୃଦ୍ଧି ହାର ୮.୫ ପ୍ରତିଶତ ଲକ୍ଷ୍ୟ ରଖାଯାଇଥିବା କହିଛନ୍ତି ଅର୍ଥମନ୍ତ୍ରୀ । ଚଳିତ ବଜେଟ୍‌ରେ କୃଷିକୁ ସର୍ବାଧିକ ଗୁରୁତ୍ବ ଦିଆଯାଇଛି । କୃଷି ବଜେଟ୍‌ରେ ମୋଟ ୨୦ହଜାର ୭୧୪ କୋଟି ଟଙ୍କାର ବ୍ୟୟ ବରାଦ ହୋଇଛି  ।

ଯେଉଁଥିରୁ କାଳିଆ ଯୋଜନାରେ ୭୫ଲକ୍ଷ ଚାଷୀଙ୍କ ପାଇଁ ୫୬ଶହ କୋଟି ଟଙ୍କାର ବ୍ୟୟ ବରାଦ କରାଯାଇଛି । ଫନି କ୍ଷତିଗ୍ରସ୍ତ ଅଂଚଳର ପୁନରୁଦ୍ଧାର ପାଇଁ ବଜେଟରେ ବ୍ୟୟ ବରାଦ କରାଯାଇଛି । ସେହିଭଳି  ଶିକ୍ଷା ଓ ଦକ୍ଷତା ବିକାଶ ପାଇଁ ୧୯ହଜାର ୪୯୨କୋଟି ଟଙ୍କା ବ୍ୟୟ ବରାଦ କରାଯାଇଛି । ଯେଉଁଥିରେ ସମଗ୍ର ଶିକ୍ଷା ଅଭିଯାନ ପାଇଁ ୨୫ଶହ ୫୦କୋଟି ରହିଛି । ସ୍ବାସ୍ଥ୍ୟ ସେବା କ୍ଷେତ୍ରରେ ୬ହଜାର ୮୨୮କୋଟି ଟଙ୍କା ଖର୍ଚ୍ଚ କରିବେ ସରକାର । ଯେଉଁଥିରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ପାଇଁ ୧୨ଶହ ୩କୋଟି ଟଙ୍କା ବ୍ୟୟ ବରାଦ କରାଯାଇଛି । ତେବେ ଏହା ଅନ୍ତର୍ଗତ ମହିଳାଙ୍କୁ ମିଳୁଥିବା ୭ଲକ୍ଷ ଟଙ୍କାର ବୀମାକୁ ୧୦ଲକ୍ଷକୁ ବୃଦ୍ଧି କରାଯାଇଛି ।

ପାନୀୟ ଜଳ ଯୋଗାଣ ବିଭାଗ ପାଇଁ ୫ହଜାର କୋଟି ଏବଂ ଏଥି ପାଇଁ କରାଯାଇଥିବା ସହରାଞ୍ଚଳରେ  ୭୯୩ ପ୍ରୋଜେକ୍ଟ ପାଇଁ  ୭୦୩କୋଟି ଟଙ୍କାର ବ୍ୟୟ ବରାଦ ହୋଇଛି । ପ୍ରଧାନମନ୍ତ୍ରୀ ଆବାସ ଓ ବିଜୁ ପକ୍କାଘର ଲାଗି ୪ହଜାର ୮୨୦କୋଟି ଟଙ୍କାର  ପ୍ରାବଧାନ ରହିଛି । ଏଥିରେ ଫନି ପ୍ରଭାବିତ ଅଂଚଳ ଲାଗି ୫ଲକ୍ଷ ବିଜୁ ପକ୍କାଘର ଯୋଗାଇଦେବାକୁ ଯୋଜନା କରାଯାଇଛି । ଯାଗା ମିଶନ ପାଇଁ ୧୦୦କୋଟି ଟଙ୍କା ଖର୍ଚ୍ଚ କରିବେ ସରକାର । ଯେଉଁଥିରେ ଗରିବ ବସ୍ତିବାସିନ୍ଦାଙ୍କୁ ଜମି ପଟ୍ଟା ଯୋଗାଇଦେବେ ସରକାର ।      

ମମତା ଯୋଜନା ପାଇଁ ୩୦୫କୋଟି । ମୁଖ୍ୟମନ୍ତ୍ରୀ ମହିଳା ସଶକ୍ତିକରଣ ଯୋଜନା ପାଇଁ ୩୦୧କୋଟି ଟଙ୍କାର ବ୍ୟୟ ବରାଦ । ମହିଳା ଶିଶୁ ବିକାଶ ଓ ମିଶନ ଶକ୍ତି ପାଇଁ  ପାଇଁ ମୋଟ୍‌ ୩୪ଶହ ୫୭କୋଟି ଟଙ୍କାର ବ୍ୟୟ ବରାଦ କରାଯାଇଛି । ସାଧାରଣ ପ୍ରଶାସନ ବିଭାଗ ପାଇଁ ୪୧୧କୋଟି, ଗୃହ ବିଭାଗ ଲାଗି ୫ହଜାର ୨୯୮କୋଟି, ରାଜସ୍ବ ଓ ବିପର୍ଯ୍ୟୟ ପରିଚାଳନା ଲାଗି ୧ହଜାର ୧୩୦କୋଟି, ଆଇନ୍‌ ବିଭାଗ ପାଇଁ ୪୪୦କୋଟି ଟଙ୍କା ବ୍ୟୟ ବରାଦ ହୋଇଛି । ଅର୍ଥ ବିଭାଗ ଲାଗି ୨୭ହଜାର ୯୪୨କୋଟି, ପୁର୍ତ୍ତ ବିଭାଗ ପାଇଁ ୪ହଜାର ୪୯କୋଟି,  ସ୍କୁଲ ଓ ଗଣଶିକ୍ଷା ବିଭାଗ ପାଇଁ ୧୬ହଜାର ୪୦୦କୋଟି ଟଙ୍କା ଖର୍ଚ୍ଚ ଯୋଜନା କରାଯାଇଛି । ସେହିଭଳି ଉଚ୍ଚଶିକ୍ଷା ବିଭାଗ ପାଇଁ ୨୩ଶହ ୭୫କୋଟି ବ୍ୟୟ ବରାଦ୍‌ ହୋଇଛି । ଗ୍ରାମ୍ୟ ଉନ୍ନୟନ ପାଇଁ ୫ହଜାର ୫୩୦ କୋଟି ଟଙ୍କା ଖର୍ଚ୍ଚ କରାଯିବ । ଜଳ ସମ୍ପଦ ବିଭାଗ ପାଇଁ ୯ହଜାର ୭୧୩କୋଟି ବ୍ୟୟ ବରାଦ୍‌ କରାଯାଇଛି ।  

   Related Posts