Thursday, November 21, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଜେଡିରେ ମିଶିଲେ ରାଜ୍ୟ ବିଜେପି ସଭାପତି ବସନ୍ତ ପଣ୍ଡାଙ୍କ ପୁତୁରା ହରିଶ୍ଚନ୍ଦ୍ର ପଣ୍ଡା, ବିଜେପି କହିଲା ପଡିବନି ପ୍ରଭାବ

ଭୁବନେଶ୍ବର ୧୬|୩ : ବିଜେପି ଛାଡି ବିଜେଡିରେ ମିଶିଛନ୍ତି ହରିଶ୍ଚନ୍ଦ୍ର ପଣ୍ଡା । ରାଜ୍ୟ ବିଜେପି ସଭାପତି ବସନ୍ତ ପଣ୍ଡାଙ୍କ ପୁତୁରା ହରିଶ୍ଚନ୍ଦ୍ର ପଣ୍ଡା ଓରଫ ଟିଟୁ ଆଜି ବିଜେଡି ଦଳରେ ଯୋଗଦେଇଛନ୍ତି । ସେ ନବୀନ ନିବାସରେ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଉପସ୍ଥିତିରେ ବିଜେଡିରେ ସାମିଲ ହୋଇଛନ୍ତି ।  ଶତାଧିକ କର୍ମୀ ଓ ସମର୍ଥକଙ୍କୁ ଧରି ନବୀନ ନିବାସରେ ବିଧିବଦ୍ଧ ଭାବରେ ଶଙ୍ଖ ଧରିଛନ୍ତି ହରିଶ୍ଚନ୍ଦ୍ର ।

ବିଜେଡିରେ ହରିଶ୍ଟନ୍ଦ୍ରଙ୍କ ଯୋଗଦାନ ପରେ ତାଙ୍କୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେହିଭଳି ହରିଶ୍ଚନ୍ଦ୍ର କହିଛନ୍ତି, ମୁଖ୍ୟମନ୍ତ୍ରୀଙ୍କ ବିକାମୂଳକ କାର୍ଯ୍ୟରେ ଅନୁପ୍ରାଣୀତ ହୋଇ ସେ ବିଜେଡିରେ ସାମିଲ ହୋଇଛନ୍ତି । ନୂଆପଡାରେ ଏକଛତ୍ରବାଦୀ ଶାସନ ଚାଲିଥିବା ମଧ୍ୟ ସେ କହିଛନ୍ତି ।

ଅନ୍ୟପଟେ ହରିଶ୍ଚନ୍ଦ୍ର ବିଜେଡିରେ ମିଶିବା ପରେ ପ୍ରତିକ୍ରିୟା ରଖିଛନ୍ତି ବରିଷ୍ଠ ନେତା ପ୍ରତାପ ଷଡଙ୍ଗୀ । । ହରିଶ୍ଟନ୍ଦ୍ରଙ୍କର ନିଜର ଦଳରେ କୌଣସି ବି ପରିଚୟ ନଥିଲା । ସେ ଦଳ ଛାଡିଲେ କିଛି ପ୍ରଭାବ ପଡିବନାହିଁ ବୋଲି । ଅନ୍ୟପଟେ ସମସ୍ତେ ବିଜେପିରେ ମିଳିବାକୁ ଆସୁଛନ୍ତି । ଏହାଦ୍ବାରା ବିଜେଡି ଗଡ ଭାଙ୍ଗୁଛି ବିଜେପି ଦଳ ବଢୁଛି । ଯେତେ ନେତା ମିଶିବେ ସେତେ ବଢିବ ବିଜେପିର କଳେବର । ବିନା ସର୍ତ୍ତରେ ସେମାନେ ଆସି ବିଜେପିରେ ମିଶୁଛନ୍ତି । ସମସ୍ତଙ୍କୁ ଟିକେଟ୍ ଦିଆଯିବ କହିବା ତ ଠିକ୍ ନୁହେଁ । ଏନେଇ ଶୀର୍ଷ ନେତୃତ୍ବ ଯାହା ନିଷ୍ପତ୍ତି ନେବେ । ବିଜେପିର ହିତ ଦୃଷ୍ଟିରୁ ଯାହା ନିଷ୍ପତ୍ତି ନିଆଯାଉଛି ସବୁ ନେତା ତାକୁ ମାନିବେ ।

232 Views

   ସମ୍ବନ୍ଧିତ ଖବର