Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରକାରଙ୍କ ବଡ ନିଷ୍ପତ୍ତି, ନବମରୁ ଦ୍ଵାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ଫି ୪୦ ପ୍ରତିଶତ କମିଲା, ଅଭିଭାବକଙ୍କୁ ମିଳିଲା ବଡ ଆଶ୍ଵସ୍ତି
  • ||
  • ଅଲମ୍ପିକ ପ୍ରସ୍ତୁତି ପାଇଁ ଗଠିତ ସଂସଦୀୟ କମିଟିର ପ୍ରଥମ ବୈଠକ ଅନୁଷ୍ଠିତ, କମିଟିର ସଦସ୍ୟ ରହିଛନ୍ତି ସାଂସଦ ଅନୁଭବ ମହାନ୍ତି ଓ ସସ୍ମିତ ପାତ୍ର
  • ||
  • ମଦ ଦୋକାନ ନ ଖୋଲିବା ପାଇଁ ଜିଲ୍ଲାପାଳଙ୍କୁ ଦାବିପତ୍ର
  • ||
  • ବାଲେଶ୍ବର ଉପ ନିର୍ବାଚନରେ ମୁଖ୍ୟମନ୍ତ୍ରୀଙ୍କ ଡିଜିଟାଲ ପ୍ରଚାର: କହିଲେ, ‘ମୁଁ ସବୁବେଳେ ଆପଣଙ୍କ ସାଥିରେ ଅଛି’
  • ||
  • ମଙ୍ଗ ସମ୍ଭାଳିଲେ ନୀତିଶ ରାଣା, ଚେନ୍ନାଇକୁ ୧୭୩ ରନର ବିଜୟ ଲକ୍ଷ୍ୟ ଦେଲା କୋଲକାତା ନାଇଟ୍ ରାଇଡର୍ସ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||

ନବୀନ-ନରସିଂହ ଭାଇ ଭାଇ ! କୃଷ୍ଣ ସଗରିଆଙ୍କ ଚିଠିକୁ ନେଇ ବିଧାନସଭାରେ ଝଡ : ବାରମ୍ବାର ଗୃହ ମୁଲତବୀ, ବର୍ଷିଲେ ନରସିଂହ ମିଶ୍ର

20/11/2018 at 5:25 PM

ଭୁବନେଶ୍ବର ୨୦|୧୧: କୃଷ୍ଣ ସଗରିଆଙ୍କ ଚିଠିକୁ ନେଇ ବିଧାନସଭାରେ ଝଡ । ଚିଠିରୁ ଫିକ୍ସିଙ୍ଗ ଖିଅ ବାହାର କରି କଂଗ୍ରେସ ଓ ବିଜେଡିକୁ କଣଠେସା କରିଥିଲା ବିଜେପି । ନରସିଂହ ମିଶ୍ର ଓ ନବୀନ ପଟନାୟକଙ୍କ ଭିତରେ ସୁସଂପର୍କ କଣ ତାର ଖୁଲାସା ଦାବି କରିବା ସହ ଏହା ଗଣତନ୍ତ୍ର ପାଇଁ ଶୁଭଙ୍କର ନୁହେଁ ବୋଲି ଅଭିଯୋଗ କରିଥିଲା ବିଜେପି । ଯାହାକୁ ନେଇ ଗୃହ ବାରମ୍ବାର ମୁଲତବୀ ହୋଇଥିଲା । ବିଜେପି ଅଭିଯୋଗକୁ କାଉଣ୍ଟର କରିବା ସହ କଂଗ୍ରେସ-ବିଜେଡି ବର୍ଷିଛନ୍ତି ବିଜେପି ଉପରେ ।

କୃଷ୍ଣଙ୍କ କଥାରେ ବିଜେପି ପକାଇଲା ହୁରି। ବିଜେଡି-କଂଗ୍ରେସ ଭାଇ ଭାଇ । ବିରୋଧି ଓ ଶାସକ ସଲାସୁତରା । ଆଜି ବିଧାନସଭା ପ୍ରଶ୍ନକାଳ ଆରମ୍ଭରୁ ଏଭଳି ନାରାବାଜି କରି ଗର୍ଜିଥିଲେ ବିଜେପି ବିଧାୟକ । ଯେଉଁଥିପାଇଁ ବିଧାନସଭାକୁ ବାରମ୍ବାର ମୁଲତବୀ କରିବାକୁ ପଡିଛି । କଂଗ୍ରେସ ବିଧାୟକ ପଦରୁ ଇସ୍ତଫା ଦେଇଥିବା କୃଷ୍ଣ ସଗରିଆ ବିରୋଧିଦଳ ନେତାଙ୍କୁ ଦେଇଥିବା ଚିଠିରେ ଲେଖିଥିଲେ ଯେ, ନରସିଂହ ମିଶ୍ର ଓ ନବୀନ ପଟନାୟକଙ୍କ ଭିତରେ କୁଆଡ଼େ ଭିତିରିଆ ଭଲ ସଂପର୍କ ଅଛି । ଯାହାକି ବିଜେପି ପାଇଁ ଏବେ ବଡ ଅସ୍ତ୍ର ପାଲଟିଛି । ପୂର୍ବରୁ ବିଜେପି ବି ଏହି କଥା କହିଆସୁଥିଲା । ତେଣୁ ଆଜି ଏହି ପ୍ରସଙ୍ଗରେ ବିଜେପି ହାଲ୍ଲା ମଚେଇଥିଲା । ଗଣତନ୍ତ୍ର ସୁରକ୍ଷା ଦାବିରେ ବିଧାନସଭାରେ ଥିବା ଗାନ୍ଧିମୂର୍ତ୍ତି ତଳେ ବି ଧାରଣାରେ ବସିଥିଲେ ବିଜେପି ବିଧାୟକ ।

ଦିନ ୩ଟାରେ ପୁଣି ଗୃହ ଆରମ୍ଭ ହେବା ପରେ ବିଜେପିର ଏଭଳି ଅଭିଯୋଗ ଉପରେ ବର୍ଷିଥିଲେ ନରସିଂହ ମିଶ୍ର । କହିଥିଲେ ପ୍ରଧାନମନ୍ତ୍ରୀ ମୁଖ୍ୟମନ୍ତ୍ରୀଙ୍କୁ ଫୋନ୍ କରି ରାଜ୍ୟସଭା ଉପାଧ୍ୟକ୍ଷ ନିର୍ବାଚନରେ ସମର୍ଥନ ମାଗିଥିଲେ । ତାହାଲେ ଏହା କଣ ବିଜେପି-ବିଜେଡି ଫିକ୍ସିଙ୍ଗ କି । ବିଜେଡିକୁ ବାଦ୍ ଦେଇ ମହାନଦୀ ପ୍ରସଙ୍ଗରେ ସବୁ ଦଳ ଏକ ହୋଇଥିଲେ ତା ଅର୍ଥ କଣ ବିଜେପି-କଂଗ୍ରେସ ଫିକ୍ସିଙ୍ଗ କି । ବିଜେଡି ବି ବିଜେପି ଉପରେ ବର୍ଷିଥିଲା ।

ଯେହେତୁ ୨୦୧୪ ନିର୍ବାଚନ ବେଳେ ସେତେବେଳର ବିରୋଧିଦଳ ନେତା ପଦରେ ଥିବା ଭୁପିନ୍ଦର ସିଂ କଂଗ୍ରେସ ଛାଡି ବିଜେଡିରେ ମିଶିଥିଲେ, ସଗରିଆଙ୍କ ଅଭିଯୋଗ ପରେ ନରସିଂହ ମିଶ୍ର ବି ସେହି ରାସ୍ତା ଆପଣେଇବେ ବୋଲି ବିଜେପି ସିଧା ଅଭିଯୋଗ ଆଣିଥିଲା । ଯାହାକୁ ନେଇ ଗୃହରେ ଅସ୍ବାଭାବିକ ପରିସ୍ଥିତି ସୃଷ୍ଟି ହୋଇଥିଲା । ସର୍ବଦଳୀୟ ବୈଠକରେ ବି ସମାଧାନର ରାସ୍ତା ବାହାରି ନଥିଲା । ଅପରାହଣରେ କାର୍ଯ୍ୟପରାମର୍ଶଦାତା ବୈଠକ ଡାକିଥିଲେ ବାଚସ୍ପତି ।

   Related Posts