Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

ଆଜି ଲୋକସେବା ଭବନରେ ବସିବ ବିଧାନସଭା ଅଧିବେଶନ : ବିଭିନ୍ନ ବିଭାଗର ଖର୍ଚ୍ଚ ଦାବି ସହ ପାରିତ ହେବ ବଜେଟ୍, ଘଣ୍ଟାଏ ଭିତରେ ସାରିବାକୁ ସମୟ ନିର୍ଘଣ୍ଟ

30/03/2020 at 7:43 AM

ଭୁବନେଶ୍ୱର ୩୦।୦୩: ଆଜି ବିଧାନସଭାର ବଜେଟ୍ ଅଧିବେଶନ ବସିବ । ଲୋକସେବା ଭବନ କନଫରେନ୍ସ ହଲରେ ସକାଳ ୧୦ ଟା ୩୦ରେ ଅଧିବେଶନ ବସିବ । ବୈଠକରେ ପ୍ରଶ୍ନ ଉତ୍ତର ହେବ ନାହିଁ । ସିଧାସଳଖ ବିଭିନ୍ନ ବିଭାଗର ଖର୍ଚ୍ଚ ଦାବିକୁ ଗିଲୋଟିନରେ ପାରିତ କରାଯିବ । ଏହାପରେ ବ୍ୟୟମଞ୍ଜୁରୀ ବିଲ ଆଗତ ହୋଇ ବଜେଟ ପାରିତ କରାଯିବ । ଘଣ୍ଟାଏ ଭିତରେ ଏହା ସାରିବାକୁ ସମୟ ନିର୍ଘଣ୍ଟ ହୋଇଛି ।

କରୋନା ପରିସ୍ଥିତିକୁ ଦୃଷ୍ଟିରେ ରଖି ସବୁ ବିଭାଗର ଖର୍ଚ୍ଚ ଦାବି ଗିଲୋଟିନ ଜରିଆରେ ପାରିତ କରାଯିବ । ଏମିତିକି ବିଧାନସଭାକୁ ମୁଲତବି କରିବା ପାଇଁ ପ୍ରସ୍ତାବ ପାରିତ କରାଯିବାକୁ ପ୍ରସ୍ତାବ ରହିଛି । କରୋନା ସଂକ୍ରମଣ ଲାଗି ବିଧାନସଭା ବୈଠକରେ ସାମାଜିକ ଦୂରତା ଉପରେ ଗୁରୁତ୍ବ ଦିଆଯିବ । ବିଧାୟକମାନେ ୨ମିଟର୍ ଲେଖାଏଁ ବ୍ୟବଧାନରେ ବସିବା ପାଇଁ ବ୍ୟବସ୍ଥା କରାଯାଇଛି । କରୋନାକୁ ଦୃଷ୍ଟିରେ ରଖି ସବୁ ବିଧାୟକ ଦଳ ନେତାଙ୍କୁ ୩୦ ପ୍ରତିଶତ ସଦସ୍ୟ ଉପସ୍ଥିତ ରହିବେ । ଗଣମାଧ୍ୟମ ପ୍ରତିନିଧିମାନଙ୍କୁ ମଧ୍ୟ ବୈଠକ ସ୍ଥଳୀକୁ ଛଡ଼ାଯିବ ନାହିଁ। ପ୍ରଥମ ଥର ପାଇଁ ଲୋକସେବା ଭବନ ସମ୍ମିଳନୀ କକ୍ଷରେ ଏହି ବୈଠକ ବସିବ । ବିଧାନସଭାର ଜଣେ କର୍ମଚାରୀ ତୃତୀୟ କରୋନା ରୋଗୀଙ୍କ ସଂସ୍ପର୍ଶରେ ଆସିଥିବାରୁ ସମସ୍ତ କର୍ମଚାରୀଙ୍କୁ କ୍ବାରେଣ୍ଟାଇନରେ ରହିବାକୁ କୁହାଯାଇଛି । ଏହାସହ ବିଧାନସଭା କୋଠାକୁ ମଧ୍ୟ ବିଶୋଧନ କରାଯାଇଛି ।

ଫେବ୍ରୁଆରି ୧୪ରୁ ଷୋଡ଼ଶ ବିଧାନସଭାର ତୃତୀୟ ତଥା ବଜେଟ୍  ଅଧିବେଶନ ଆରମ୍ଭ ହୋଇଥିଲା । ପ୍ରଥମ ପର୍ଯ୍ୟାୟ ଫେବ୍ରୁଆରି ୨୬ ତାରିଖ ଯାଏ ଚାଲିଥିଲା । ଦ୍ବିତୀୟ ପର୍ଯ୍ୟାୟ ଅଧିବେଶନ ମାର୍ଚ୍ଚ ୧୧ ତାରିଖରୁ ଆରମ୍ଭ ହୋଇଥିଲା।ତେବେ କରୋନା ପାଇଁ ସତର୍କତାମୂଳକ ପଦକ୍ଷେପ ଭାବେ ଗତ ୧୩ ତାରିଖରେ ବଜେଟ୍  ଅଧିବେଶନକୁ ୨୯ ତାରିଖ ଯାଏ ବନ୍ଦ ରଖାଯାଇଥିଲା । ଏପ୍ରିଲ୍ ୯ ତାରିଖ ପର୍ଯ୍ୟନ୍ତ ଅଧିବେଶନ ଚାଲିବା ପାଇଁ ପୂର୍ବରୁ ସ୍ଥିର ହୋଇଥିଲେ ମଧ୍ୟ ଆଜି ଏହାକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ଘୋଷଣା କରାଯିବ ।

   Related Posts