Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ଆଜି UAEରୁ ଫେରିବେ ୨୧୫ ଜଣ ପ୍ରବାସୀ ଓଡିଆ, ବିମାନର ମୁଖ୍ୟ ପାଇଲଟ୍ ଓଡିଆ ଝିଅ ମଧୁସ୍ମିତା

14/06/2020 at 7:47 AM

ବେଙ୍ଗାଲୁରୁ ୧୪।୬: ଲକ୍‌ଡାଉନ୍‌ କୋହଳ ପରେ ସାରା ବିଶ୍ବରୁ ପ୍ରବାସୀ ଓଡ଼ିଆ ଓଡ଼ିଶାକୁ ପ୍ରତ୍ୟାବର୍ତ୍ତନ କରୁଛନ୍ତି । ୟୁଏଇର ସାର୍‌ଜାହ୍‌ରୁ ୨୧୫ ଜଣ ପ୍ରବାସୀ ଓଡ଼ିଆଙ୍କୁ ନେଇ ଏକ ସ୍ବତନ୍ତ୍ର ବିମାନ ରବିବାର ଅପରାହ୍ନ ୨ଟାରେ ଭୁବନେଶ୍ବରର ବିଜୁ ପଟ୍ଟନାୟକ ବିମାନବନ୍ଦରରେ ପହଞ୍ଚିବ ।

ସାର୍‌ଜାହ୍‌ରୁ ‘ଏୟାର ଆର୍‌ବିୟା’ ବିମାନରେ ଆସିବେ ପ୍ରବାସୀ ଓଡ଼ିଆ । ଓଡ଼ିଆ ଲୋକଙ୍କ ପାଇଁ ଏହି ବିମାନକୁ ଭଡ଼ାରେ ଆଣିବାରେ ସାହାଯ୍ୟ କରିଛି ଦୁବାଇରେ ଥିବା ଓଡ଼ିଆ ସଂଘ “ୟୁଏଇ ଓଡ଼ିଆ ସୋସାଇଟି’ । ପ୍ରଥମ ଥର ପାଇଁ ଏୟାର ଆର୍‌ବିୟାର ବିମାନ ଭୁବନେଶ୍ୱର ବିମାନବନ୍ଦରରେ ଅବତରଣ କରିବ । ୨୧୫ ଜଣ ପ୍ରବାସୀ ଓଡ଼ିଆ ପହିଲି ରଜ ଦିନ ଓଡ଼ିଶାରେ ପହଞ୍ଚୁଥିବାରୁ ଆନନ୍ଦିତ ଅଛନ୍ତି । ୟୁଏଇ ଓଡ଼ିଆ ସୋସାଇଟିର ଅଧକ୍ଷ ଡ. ଚନ୍ଦ୍ରଶେଖର ଖୁଣ୍ଟିଆ କହିଛନ୍ତି, ଆମ ସଂଗଠନ ଭାରତ ସରକାରଙ୍କ ସହାୟତାରେ ଦୁବାଇ ଓ ଆଖପାଖ ଅଞ୍ଚଳରେ ଫସିଥିବା ଓଡ଼ିଆଙ୍କୁ ଓଡ଼ିଶା ଫେରାଇ ଆଣିବାକୁ କାମ କରୁଛି । ୟୁଏଇ ଓଡ଼ିଆ ସୋସାଇଟି ପକ୍ଷରୁ ଦୁବାଇରୁ ପ୍ରବାସୀ ଓଡ଼ିଆଙ୍କୁ ନେଇ ଓଡ଼ିଶା ଫେରୁଥିବା ଏହା ହେଉଛି ତୃତୀୟ ବିମାନ ।

ପ୍ରଥମ ଦୁଇଟି ବିମାନ ଭାରତ ସରକାରଙ୍କ ଦ୍ୱାରା ଅଣାଯାଇଥିବାବେଳେ ଆଜିର ବିମାନଟି ଭଡ଼ାରେ ଅଣାଯାଇଛି। ଏହି ବିମାନରେ ଆସୁଥିବା ଯାତ୍ରୀଙ୍କ ମଧ୍ୟରୁ ୧୫ ଜଣ ପ୍ରବାସୀ ଓଡ଼ିଆଙ୍କ ବିମାନ ଭଡ଼ା ୟୁଏଇ ଓଡ଼ିଆ ସୋସାଇଟି ବହନ କରିଛି ।

ଗୁରୁତ୍ୱପୂର୍ଣ୍ଣ ବିଷୟ, ଆଜି ଓଡ଼ିଶା ଫେରିବାକୁ ଥିବା ବିମାନର ମୁଖ୍ୟ ପାଇଲଟ୍ ଓଡ଼ିଆ ଝିଅ ମଧୁସ୍ମିତା ପଟ୍ଟନାୟକ । କ୍ୟାପ୍‌ଟେନ୍‌ ମଧୁସ୍ମିତା ପଟ୍ଟନାୟକଙ୍କ ଜନ୍ମ ବ୍ରହ୍ମପୁର ସହରରେ । ତାଙ୍କର ସ୍କୁଲ ପଢ଼ା ରାୟଗଡ଼ାରେ ହୋଇଥିବାବେଳେ ରମାଦେବୀ କଲେଜରେ ସେ ଗ୍ରାଜୁଏସନ କରିଥିଲେ । ପାଞ୍ଚ ବର୍ଷ ହେବ ସେ ‘ଏୟାର ଆର୍‌ବିୟା’ରେ ପାଇଲଟ ଥିବାବେଳେ ପୂର୍ବରୁ ସେ ଭାରତରେ ଡେକାନ ଏୟାର ଲାଇନ୍‌ସ, କିଙ୍ଗଫିସର ତଥା ଗୋ-ଏୟାରରେ ପାଇଲଟ ଥିଲେ ।

କ୍ୟାପ୍‌ଟେନ ମଧୁସ୍ମିତା କହିଛନ୍ତି, ସେ ପହିଲି ରଜ ଭଳି ଦିନରେ ଓଡ଼ିଆ ଭାଇଭଉଣୀଙ୍କୁ ନେଇ ଓଡ଼ିଶା ପହଞ୍ଚୁଥିବାରୁ ବହୁତ ଖୁସି । ଏଥିପାଇଁ ପ୍ରଭୁ ଜଗନ୍ନାଥଙ୍କ ପାଖରେ ଚିର ଋଣୀ ରହିବି । ୟୁଏଇ ଓଡ଼ିଆ ସୋସାଇଟି ଅଧକ୍ଷ ଡ. ଚନ୍ଦ୍ରଶେଖର ଖୁଣ୍ଟିଆ କହିଛନ୍ତି, ୨୦ ବର୍ଷ ହେବ ଦୁବାଇରେ ଓଡ଼ିଆଙ୍କ ସେବାରେ ନିଜକୁ ନିୟୋଜିତ କରିଛି । ପହିଲି ରଜରେ ଓଡ଼ିଶା ମାଟିରେ ଅବତରଣ କରୁଥିବା ୨୧୫ ଓଡ଼ିଆଙ୍କ ପାଇଁ ମୁଁ ବହୁତ ଖୁସି । ଏ ନେଇ ସମସ୍ତଙ୍କ ପରିଶ୍ରମ ସାର୍ଥକ ହୋଇଛି ବୋଲି ଡ. ଖୁଣ୍ଟିଆ କହିଛନ୍ତି ।

   Related Posts