ମୋହନା ୨୭|୩ : ଗଜପତି ଜିଲ୍ଲା ମୋହନା ବ୍ଲକ୍ ଝିଲିକି ଗାଁର ଜଣେ ଓଡ଼ିଆ ଯବାନ ପଶ୍ଚିମବଙ୍ଗ ସୀମାରେ ଆତ୍ମହତ୍ୟା କରିଥିବା ସୂଚନା ମିଳିଛି । ମୃତ ଯବାନ ଜଣକ ହେଲେ ସାଗର ଗୌଡ । ସେ ସୀମାରେ ବିଏସଏଫ ଯବାନ ଭାବେ କାର୍ଯ୍ୟ କରୁଥିଲେ । ଗତକାଲି ରାତିରେ ସେ ପଶ୍ଚିମବଙ୍ଗ ସୀମା ପତିରାମ ଅଂଚଳରେ ଡ୍ୟୁଟି କରୁଥିବା ବେଳେ ପ୍ରାୟ ୧୧ଟା ୫୫ ସମୟରେ ନିଜ ସର୍ଭିସ୍ ବନ୍ଧୁକରୁ ନିଜେ ଗୁଳିକରି ଆତ୍ମହତ୍ୟା କରିଥିବା ଡେପୁଟି କମାଣ୍ଡର ସୂଚନା ଦେଇଛନ୍ତି ।

ଗତକାଲି ରାତିରେ ପରିବାର ଲୋକଙ୍କୁ ତାଙ୍କର ମୃତ୍ୟୁ ସମ୍ପର୍କରେ ଖବର ଦିଆଯାଇଥିଲା । ତେବେ କେଉଁ କାରଣରୁ ସେ ଆତ୍ମହତ୍ୟା କରିଛନ୍ତି ତାହା ତଦନ୍ତ ପରେ ଜଣାପଡିବ ବୋଲି ଜିଲ୍ଲାପାଳ କହିଛନ୍ତି । ଯବାନଙ୍କ ମୃତଦେହ ବ୍ୟବଚ୍ଛେଦ ପରେ ଗାଁକୁ ଆସିବ ବୋଲି ସୂଚନା ମିଳିଛି ।