Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚମକିଲେ ଆୟର-ତ୍ରିପାଠୀ, ଏମଆଇକୁ ୭ ଓ୍ବିକେଟ୍‌ରେ ମାତ୍‌ ଦେଲା କେକେଆର
  • ||
  • ଭୁବନେଶ୍ବର : ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର, ନିଯୁକ୍ତିକୁ ଅନୁମୋଦନ କଲେ ରାଜ୍ୟପାଳ
  • ||
  • ମୋରଡା : ବନ୍ୟା ପ୍ରଭାବିତ ଗାଁ ବୁଲିଲେ ବିଧାୟକ ପ୍ରଣବ ପ୍ରକାଶ ଦାସ, ମୃତକଙ୍କ ପରିବାରକୁ ପ୍ରଦାନ କଲେ ଆର୍ଥିକ ସହାୟତା
  • ||
  • ଝାରସୁଗୁଡା : ନକଲି ମାଓବାଦୀ ଗିରଫ, କମ୍ପାନୀର ସାଇଟ୍ ଇନଚାର୍ଜଙ୍କୁ ମାଗୁଥିଲା ଟଙ୍କା
  • ||
  • ଖଲ୍ଲିକୋଟ : ବିଦ୍ୟୁତ ଆଘାତ ଲାଗି ଚାଲିଗଲା ବୃଦ୍ଧଙ୍କ ଜୀବନ
  • ||
  • ଭୁବନେଶ୍ବର : ମୋଟୁ ଥାନା IICଙ୍କୁ ଗିରଫ କଲା ଭିଜିଲାନ୍ସ, କାର୍‌ରୁ ଜବତ ହୋଇଥିଲା ୨ ଲକ୍ଷ ୮୦ ହଜାର ଟଙ୍କା
  • ||
  • ପୁରୀ : ସରକାରୀ ଗାଡିରୁ ଧଳା ଜହର ଜବତ, ୪୦ଗ୍ରାମ୍ ବ୍ରାଉନସୁଗାର ସହ ୩ ଅଭିଯୁକ୍ତ ଗିରଫ
  • ||
  • କଳାହାଣ୍ଡି : କର୍ଲାପାଟ ବକ୍ସାଇଟ୍ ଖଣିର ନିଲାମ ଉପରେ ହାଇକୋର୍ଟଙ୍କ ରହିତାଦେଶ
  • ||
  • ସମ୍ବଲପୁର : ବେଆଇନ ଭାବେ ବନ୍ଧୁକ ତିଆରି ଓ ବିକ୍ରି : ଦମ୍ପତ୍ତିଙ୍କ ସମେତ ୫ ଗିରଫ, ୪ଟି ଦେଶୀ ବନ୍ଧୁକ ଜବତ
  • ||
  • ବୌଦ୍ଧ : ରାସ୍ତାରେ ପଡିଛି ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||

ରଣବୀର ଓ ସାରା ଅଲ୍ଲୀଙ୍କ ସହ ସିମ୍ବା ଫିଲ୍ମରେ ଅଭିନୟ କରିଛନ୍ତି ଓଡିଆ ଝିଅ , ଜାଣନ୍ତୁ ତାଙ୍କ ବିଷୟରେ

30/12/2018 at 9:05 PM

ଭୁବନେଶ୍ବର୩୦|୧୨: ଗତ ସପ୍ତାହରେ ମୁକ୍ତିଲାଭ କରିଥିବା ସିମ୍ବା ଏବେ ଭଲ ବ୍ୟବସାୟ କରୁଛି । ରୋହୀତ ସେଟ୍ଟୀ ନିର୍ଦ୍ଦେଶିତ ଏହି ଫିଲ୍ମରେ ରଣବୀର ସିଂ ଓ ସାରା ଅଲ୍ଲୀ ଖାନଙ୍କ ସହ ଅଭିନୟ କରିଛନ୍ତି କଟକର ଝିଅ ସୁପ୍ରିୟା ରୟ । ଫିଲ୍ମରେ ସାରା ଅଲ୍ଲୀଙ୍କ ବାନ୍ଧବୀ ଭୂମିକାରେ ସୁପ୍ରିୟା ବେଶ ଭଲ ଅଭିନୟ କରିଥିବା ଦେଖିବାକୁ ମିଳିଛି । ସୁପ୍ରିୟା ସିମ୍ବାରେ ଅଭିନୟ କରୁଥିବା କଥା ଆଗରୁ କେହି ଜାଣି ନଥିଲେ । ଫିଲ୍ମ ରିଲିଜ ହେବା ପରେ ସମସ୍ତେ ଏବେ ଖୋଜୁଛନ୍ତି କିଏ ଏହି ସୁପ୍ରିୟା ଯିଏ କଟକରୁ ସିଧାସଳଖ ବଲିଉଡରେ ଏଣ୍ଟ୍ରି ମାରିଛନ୍ତି।

ସୁପ୍ରିୟା କଟକ ରେଭେନ୍ସା ବିଶ୍ବବିଦ୍ୟାଳୟରୁ ଶିକ୍ଷା ସମାପ୍ତ କରିବାପରେ ବାଂଗାଳୁରୁରେ ଏକ ଘରୋଇ କମ୍ପାନୀରେ ଚାକିରୀ କରୁଥିଲେ । ଇନସିଓରାନ୍ସ ଓ ବ୍ୟାଙ୍କିଂ ସେକ୍ଟରରେ କାମ କରୁଥିବା ନିଲଂଜନ ରଏଙ୍କ ସହ ତାଙ୍କର ବାହା ହେବାପରେ କିଛି ଦିନ ସେ ମୁମ୍ବାଇରେ ରହୁଥିଲେ । ତାଙ୍କର ୪ବର୍ଷର ପୁଅ ଅଛି ।

ସିମ୍ବାରେ ଝିଅର ଅଭିନୟ ପାଇଁ ତାଙ୍କ ବାପା ଡିପି ଚୌଧୁରୀ ତାଙ୍କୁ ଫେସ୍‌ବୁକ ରେ ଅଭିନନ୍ଦନ ଜଣାଇଛନ୍ତି । ବାପା ଲେଖିଛନ୍ତି ଯେ, ସେ ତାଙ୍କ ଝିଅ ଓ ଜ୍ବାଇଁଙ୍କ ପାଇଁ ଗର୍ବିତ । ବିଭିନ୍ନ ଗଣ ମାଧ୍ୟମ ସହ କଥାବାର୍ତ୍ତା ହେଲା ବେଳେ ସୁପ୍ରିୟା କହିଛନ୍ତି ଯେ, ସିମ୍ବା ପାଇଁ ୩୫ ଦିନ ଧରି ସୁଟିଂ କଲାବେଳେ ପୁଅକୁ ଛାଡି ଯିବାକୁ ପଡିଥିଲା । ଏହା କଷ୍ଟ ଦାୟକ ହେଲେ ମଧ୍ୟ ସୁଟିଂସେଟ୍‌ ରେ ଭଲ ଅନୁଭୂତି ହୋଇଥିଲା । ନିର୍ଦ୍ଦେଶକ ରୋହୀତ ସେଟ୍ଟିଂକ ସହଯୋଗ ଓ ନିର୍ଦ୍ଦେଶନା ତାଙ୍କୁ ବେଶ ପ୍ରଭାବିତ କରିଥିଲା ବୋଲି ସୁପ୍ରିୟା କୁହନ୍ତି ।

ସୁପ୍ରିୟା ୨୦୦୬ ମସିହାରେ ମିସ କଟକ ହୋଇଥିଲେ । ଏଥି ସହ ସେ କିଚିଦିନ ମଡେଲିଂ ମଧ୍ୟ କରିଥିଲେ । ଏକ ଇଣ୍ଡୋ କାନାଡିଆନ ମୁଭିରେ ମଧ୍ୟ ସେ ନଜର ଆସିଥିଲେ । ପିଲାବେଳୁ ଅଭିନୟ ପ୍ରତି ତାଙ୍କର ପ୍ରବଳ ଆକର୍ଷଣ ରହିଥିଲା ।

ସୂଚନାଯୋଗ୍ୟ ଯେ, ଗତ ଶୁକ୍ରବାର ଦିନ ମୁକ୍ତି ଲାଭ କରିଥିବା ଦୁଇ ଦିନ ମଧ୍ୟରେ ୪୪କୋଟି ଟଂକାର ବ୍ୟବସାୟ କରିସାରିଲାଣି । ଫିଲ୍ମରେ ରଣବୀର ସିଂ ଓ ସାରା ଅଲ୍ଲୀ ଖାନଙ୍କ ବ୍ୟତୀତ ଅଜୟ ଦେବଗନ ଓ ଅକ୍ଷୟ କୁମାରଙ୍କର ଗେଷ୍ଟ ଆପିଏରାନ୍ସ ରହିଛି । ଫିଲ୍ମରେ ଆଶୁତୋଷ ରାଣା, ସୋନୁ ସୁଦ୍, ହାସ୍ୟ ଅଭିନେତା ସିଦ୍ଧାର୍ଥ , ବିଜୟ ପାଟକର ପ୍ରମୁଖ ଅଭିନୟ କରିଛନ୍ତି । ୮୦କୋଟି ବଜେଟରେ ନିର୍ମିତ ଏହି ଫିଲ୍ମରେ ଓଡିଆ ଝିଅ ସୁପ୍ରୟା ଅଭିନୟ କରିବା ନିଶ୍ଚୟ ଓଡିଶା ପାଇଁ ଗର୍ବର ବିଷୟ ।

ସିମ୍ବା ଫିଲ୍ମର ଲିଙ୍କ ସିଂଘମ ଫିଲ୍ମ ସହିତ ରହିଛି । ସିଙ୍ଗମ ଫିଲ୍ମର ପୋଲିସ ଅଧିକାରୀ ନିଜର ଦକ୍ଷତା, ନିଷ୍ଠା ଓ ସ୍ବଚ୍ଚତା ପାଇଁ ନାଁ କରିଥିଲେ । ସେ ଯେଉଁ ଗାଁର ସେହି ଗାଁରେ ହିଁ ଜନ୍ମ ହୋଇଥିବା ହୋଇଥିବା ଆଉ ଏକ ପିଲା ପୋଲିସ ଅଧିକାରୀ ହେବା ପାଇଁ ପିଲାବେଳୁ ମନସ୍ଥ କରିଥିଲା । କିନ୍ତୁ ବଡ ହୋଇ ସେ ଯେତେବେଳେ ପୋଲିସ ଅଧିକାରୀ ହୋଇଛି ସେତେବେଳେ ସେ ସିଂଘମର ସବୁ ବିପରୀତ କାମ କରୁଛି । କିନ୍ତୁ ଅବସ୍ଥାଚକ୍ରରେ ସେ ପୁଣି ଠିକ ରାସ୍ତାକୁ ଆସିଯାଉଛି । ଫିଲ୍ମରେ ରଣବୀରଙ୍କ ନାଁ ଏସିପି ସଂଗ୍ରମ ଭଲେ ରାଓ ରହିଛି ।  କିନ୍ତୁ ଡାକ ନାଁ ସିମ୍ବା ରହିଛି ।

   Related Posts