Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

‘ନାସା’ରେ ବୈଜ୍ଞାନିକ ଭାବେ ସ୍ଥାନ ପାଇଲେ ଓଡିଆ ଝିଅ

13/11/2019 at 1:11 PM

ଭୁବନେଶ୍ବର ୧୩।୧୧: ଆମେରିକାର ମହାକାଶ ଗବେଷଣା ସଂସ୍ଥା ନାସାରେ ବୈଜ୍ଞାନିକ ହେଲେ ଓଡିଆ ଝିଅ ଓଁ ନାରାୟଣୀ । କେନ୍ଦ୍ରାପଡ଼ା ଜିଲ୍ଲାର ଝିଅ ଓଁ ନାରାୟଣୀ ନିଜ ଜିଲ୍ଲା ପାଇଁ ଏବେ ଗୌରବ ଆଣି ପାରିଛନ୍ତି ।

କେନ୍ଦ୍ରାପଡ଼ା ଜିଲ୍ଲା ରାଜକନିକା ବ୍ଲକ୍‌ ହାଟସାହିର ତଥା ଏବେ ଆମେରିକାରେ ରହୁଥିବା ବିରଞ୍ଚି ନାରାୟଣ ଓ ଗୀତାଞ୍ଜଳି ନାୟକଙ୍କ କନ୍ୟା ଓଁ ନାରାୟଣୀ । ଓଁ ନାରାୟଣୀଙ୍କ ବୟସ ଏବେ ମାତ୍ର ୨୮ବର୍ଷ । ପିଲାବେଳୁ ଦେଖିଥିବା ସ୍ୱପ୍ନ ତାଙ୍କର ସତ ହୋଇଛି । ପୃଥିବୀର ପ୍ରସିଦ୍ଧ ମହାକାଶ ବିଜ୍ଞାନକେନ୍ଦ୍ର ନାସାରେ ସେ ଯୋଗଦେଇଛନ୍ତି । ଏ ନେଇ ସେ ଆରମ୍ଭରୁ ସବୁ ପ୍ରକାର ଚେଷ୍ଟା ମଧ୍ୟ କରିଛନ୍ତି । ଏଥିପାଇଁ ବିଶ୍ୱର ପ୍ରସିଦ୍ଧ ବିଶ୍ୱବିଦ୍ୟାଳୟଗୁଡ଼ିକରେ ପାଠ ପଢ଼ିଛନ୍ତି । ଆମେରିକାର ବର୍କଲେ ବିଶ୍ୱବିଦ୍ୟାଳୟ ଓ ଜନ୍‌ ହପକିନ୍ସ ବିଶ୍ୱବିଦ୍ୟାଳୟ ଓ ଲଣ୍ଡନ ଇମ୍ପାରିଆଲ୍‌ କଲେଜରେ ସେ ପାଠ ପଢିଛନ୍ତି । ସବୁଠି ସେ ମହାକାଶବିଜ୍ଞାନ ଓ ଏହା ସହ ସମ୍ପର୍କ ଥିବା ପଦାର୍ଥବିଜ୍ଞାନ ପଢ଼ିଥିଲେ । ଗବେଷଣା କରି ପିଏଚ୍‌ଡି ଡିଗ୍ରୀ ହାସଲ କରିଥିଲେ । ପରେ ଉଚ୍ଚତ୍ତର ଗବେଷଣା ଜାରି ରଖିଥିଲେ । ଜର୍ମାନ, ଫ୍ରାନ୍ସ, ନେଦର୍‌ଲ୍ୟାଣ୍ଡ, ଲଣ୍ଡନ, ଚୀନ୍‌, ଜାପାନ, ଭିଏତନାମ୍‌, ବ୍ରାଜିଲ୍‌, ଚିଲି ଆଦି ଅନେକ ଦେଶରେ ଆୟୋଜିତ ମହାକାଶ ବିଜ୍ଞାନ ସମ୍ମିଳନୀ ଓ କର୍ମଶାଳାଗୁଡ଼ିକରେ ମଧ୍ୟ ସେ ଭାଗ ନେଇଛନ୍ତି ।

ଓଁ ନାରାୟଣୀଙ୍କ ଏହି ସଫଳତା ପଛରେ ତାଙ୍କ ପରିବାରର ମଧ୍ୟ ଅବଦାନ ରହିଛି । ତାଙ୍କ ପିତା ବିରଞ୍ଚିନାରାୟଣ ଓଡ଼ିଶା ବୋର୍ଡ଼ରେ ୧୯୭୯ ମାଟ୍ରିକ ପରୀକ୍ଷାରେ ପ୍ରଥମ ସ୍ଥାନ ପାଇଥିଲେ । ଜଣେ ମେଧାବୀ ଛାତ୍ର ଭାବେ ଝିଅକୁ ମଧ୍ୟ ସମସ୍ତ ସହଯୋଗ ଦେଇଥିଲେ । ଓଁ ନାରାୟଣୀଙ୍କ ଜେଜେ ଅଲେଖ ନାୟକ ଓ ଜେଜେମା ଇନ୍ଦୁମତୀ ବର୍ତ୍ତମାନ ରାଜଧାନୀର କାନନବିହାର-୨ରେ ରହୁଛନ୍ତି । ନାତୁଣୀ ଓଁ ନାରାୟଣୀଙ୍କ ସଫଳତାରେ ସେମାନେ ବହୁତ ଖୁସି ଅଛନ୍ତି । ଓଁ ନାରାୟଣୀଙ୍କ ସଫଳତା କେବଳ ତାଙ୍କ ପରିବାର ନୁହଁ, ଜିଲ୍ଲା ଓ ରାଜ୍ୟ ପାଇଁ ଗୌରବର ବିଷୟ ।

   Related Posts