ପାରଳାଖେମୁଣ୍ଡି ୨୬|୯: ତାମିଲ ସିନେମାରେ ଓଡ଼ିଆ ଝିଅ । ସୁପରଷ୍ଟାର ରଜନୀକାନ୍ତଙ୍କ ଅଭିନୀତ ଫିଲ୍ମରେ ପାରଳାଖେମୁଣ୍ଡିର ଦେବସ୍ମିତା ପଟ୍ଟନାୟକଙ୍କୁ ଦେଖିବାକୁ ମିଳିବ । ଆସନ୍ତା ଜାନୁୟାରୀରେ ରିଲିଜ୍ ହେବାକୁ ଥିବା 'ଦରବାର' ର ଏକ ଗୀତରେ ନଜର ଆସିବେ ଏଇ ନୃତ୍ୟଶିଳ୍ପୀ ଜଣକ ।
{"id":163024}ଏକଥା ଜଣାପଡ଼ିବା ପରେ ଦେବସ୍ମିତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଝିଅର ସଫଳତାକୁ ନେଇ ପରିବାରରେ ମଧ୍ୟ ଖୁସିର ଲହରୀ ଦେଖିବାକୁ ମିଳିଛି ।
{"id":163028}ଦେବସ୍ମିତା ପଟନାୟକ । ଯୁକ୍ତ ୩ ପ୍ରଥମ ବର୍ଷର ଛାତ୍ରୀ । ପାରଳାଖେମୁଣ୍ଡି ସହର ଅଙ୍କ ସାହିରେ ରୁହନ୍ତି । ତାମିଲ ଫିଲ୍ମରେ ନଜର ଆସିବେ ଏଇ ଓଡ଼ିଆ ଝିଅ । ସୁପରଷ୍ଟାର ରଜନୀକାନ୍ତଙ୍କ ଅଭିନୀତ 'ଦରବାର' ର ଏକ ଗୀତରେ ନାଚିଛନ୍ତି ଛାତ୍ରୀ ଜଣକ । ଜାନୁଆରୀରେ ସିଲଭର ସ୍କ୍ରିନକୁ ଆସିବ ଦରବାର ।
{"id":163030}ଏ ଭିତରେ ଆଉ ଏକ ତାମିଲ ଫିଲ୍ମର ୨ଟି ଗୀତରେ ନାଚିବାର ସୁଯୋଗ ମିଳିଛି ଦେବସ୍ମିତାଙ୍କୁ । ଖୁବ୍ ଶୀଘ୍ର ଏହାର ସୁଟିଂ ଆରମ୍ଭ ହେବ । ଯେ କୌଣସି ଇଣ୍ଡଷ୍ଟ୍ରିରୁ ଅଫର ମିଳିଲେ କାମ କରିବେ ବୋଲି କହିଛନ୍ତି ଏହି ପ୍ରତିଭା ଜଣକ ।
{"id":163031}ପିଲା ଦିନକୁ ବାପା-ମାଙ୍କ ପ୍ରେରଣାରେ ନୃତ୍ୟ ଶିଖିବା ଆରମ୍ଭ କରିଥିଲେ ଦେବସ୍ମିତା । ଏବେ ମୁମ୍ବାଇରେ ରହି ନୃତ୍ୟ ଶିଖୁଛନ୍ତି ଏଇ ଛାତ୍ରୀ । ହଠାତ୍ ତାମିଲ ଫିଲ୍ମରୁ ଅଫର ମିଳିଲା । ହେଲେ କୌଣସି ନିଷ୍ପତ୍ତି ନେଇପାରିଲେନି ଦେବସ୍ମିତା । ଆଉ ଯେତେବେଳେ ଜାଣିଲେ ଏହା ରଜନୀକାନ୍ତଙ୍କ ଫିଲ୍ମ ବୋଲି ସେତେବେଳେ ନାଁ କରିବାକୁ ଆଉ ବାଟ ନଥିଲା ।
{"id":163033}ଝିଅର ସଫଳତାରେ ପରିବାରର ସମସ୍ତେ ବେଶ୍ ଖୁସି । ତାମିଲ ଫିଲ୍ମରେ ନୃତ୍ୟ କରିବାର ସୁଯୋଗ ମିଳିଥିବାରୁ ବିଭିନ୍ନ ମହଲରୁ ଶୁଭେଚ୍ଛା ଅଜାଡି ହୋଇପଡ଼ୁଛି ଦେବସ୍ମିତାଙ୍କ ଉପରେ ।
{"id":163036}ପ୍ରଖ୍ୟାତ ମ୍ୟୁଜିକ ଡାଇରେକ୍ଟର ଏଆର ରେହମାନଙ୍କ ଟିମ୍ ବିଦେଶରେ କରିବାକୁ ଥିବା ଏକ ଷ୍ଟେଜ ଶୋରେ ମଧ୍ୟ ସାମିଲ ହୋଇଛନ୍ତି ଦେବସ୍ମିତା