Wednesday, December 11, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜୟପୁର ଫିଲ୍ମ ହଲ୍‌ରେ ଦର୍ଶକଙ୍କ ସହ ନିଜ ଗୀତରେ ନାଚିଲେ ସେଲଫିସ୍ ଦିଲ୍‌ର ହିରୋ ଆଉ ହିରୋଇନ୍, ତାପରେ…

ଜୟପୁର ୧୪|୭: ମୁକ୍ତିଲାଭ କରିଛି ଓଡିଆ ଚଳଚିତ୍ର ସେଲଫିସ୍ ଦିଲ୍। ଚଳଚ୍ଚିତ୍ରର ନାୟକ ନାୟିକାଙ୍କ ସହ ପ୍ରଯୋଜକ ମଧ୍ୟ ଅବିଭକ୍ତ କୋରାପୁଟ ଜିଲ୍ଲାର । ସ୍ଥାନୀୟ କଳାକାର ସିନେମାଟିରେ ଅଭିନୟ କରିଥିବାରୁ ଜୟପୁରର ସିନେମା ହଲରେ ଏବେ ଲାଗିଛି ଦର୍ଶକଙ୍କ ଭିଡ। ଖୋଦ୍ ନାୟିକା ସୂର୍ଯ୍ୟମୟୀ  ଓ ନାୟକ ଶ୍ରେୟାନ ଜୟପୁରରେ ପହଞ୍ଚି ଫିଲ୍ମଟିର ପ୍ରମୋସନ କରିବା ସହ ଦର୍ଶକଙ୍କୁ ଉତ୍ସାହିତ କରିଛନ୍ତି।

ପରଦାରେ ସେଲଫିସ୍ ଦିଲ୍ । ସ୍ଥାନୀୟ କଳାକାରମାନେ ପ୍ରଥମ ଥର ପାଇଁ ଓଲିଉଡର ଏତେ ବଡ ସିନେମାରେ ଅଭିନୟ କରୁଛନ୍ତି । ତେଣୁ ଜୟପୁରର ହଲ୍ ପୁରା ହାଉସଫୁଲ୍ । ଭିଡ଼ ଦେଖି  ଜୟପୁରରେ ପହଞ୍ଚିଯାଇଥିଲେ ନାୟକ ଶ୍ରେୟାନ ଏବଂ ନାୟିକା ସୂର୍ଯ୍ୟମୟୀ । ଫିଲ୍ମର ପ୍ରମୋସନ କରିବା ସହ ଦର୍ଶକଙ୍କୁ ଉତ୍ସାହିତ କଲେ ।

ଖାଲି ସେତିକି ନୁହେଁ, ସିନେମାର ୪ଟି ଗୀତରେ ଦର୍ଶକଙ୍କ ସହ ନାଚିଲେ ଶ୍ରେୟାନ ଏବଂ ସୂର୍ଯ୍ୟମୟୀ  । ଦର୍ଶକଙ୍କ ସହ ବସି ସିନେମା ବି ଦେଖିଥିଲେ । ନାୟିକା ସୂର୍ଯ୍ୟମୟୀ ଦାମନଯୋଡିର ଝିଅ ହୋଇଥିବା ବେଳେ ଶ୍ରେୟାନଙ୍କ ଘର ରାୟଗଡାରେ । ସେହିପରି ସିନେମାର ପ୍ରଯୋଜକ ହେମନ୍ତ ନାୟକଙ୍କ ଘର ବି ରାୟଗଡାରେ । 

ସେପଟେ ଚଳଚିତ୍ରର ନାୟକ ଓ ନାୟିକାଙ୍କୁ ପାଖରେ ପାଇ ଦର୍ଶକଙ୍କ ଖୁସି କହିଲେ ନସେରେ। ନାୟକ ନାୟିକ ଆସୁଥିବା ଜାଣି ଆଜି ହଲରେ ଥିଲା ଖଚାଖଚ୍ ଭିଡ । ସିନେମାଟି ରୋମାନ୍ସ ଓ ଆକ୍ସନ ସହ ଡ୍ୟାନ୍ସରେ ଭରପୂର । ପାରିବାରିକ କଥା ବସ୍ତୁ ଉପରେ ଆଧାରିତ ଏହି ସିନେମାକୁ ବେଶ୍ ପସନ୍ଦ କରିଛନ୍ତି ଦର୍ଶକ । ସିନେମାର ନିର୍ଦ୍ଦେଶନା ଭାର ସମ୍ଭାଳିଛନ୍ତି ବସନ୍ତ ନାୟକ ।

ଅବିଭକ୍ତ କୋରାପୁଟର ଅନେକ କଳାକାର ପୂର୍ବରୁ ବି ଓଡିଆ ଚଳଚ୍ଚିତ୍ରରେ କାମ କରିଛନ୍ତି । ହେଲେ ଗୋଟିଏ ସିନେମାରେ ନାୟକ ନାୟିକା ଭୂମିକାରେ  ଅଭିନୟ କରିବା ପ୍ରଥମ ଘଟଣା ।

441 Views

   ସମ୍ବନ୍ଧିତ ଖବର