Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

ବରିଷ୍ଠ ଓଡ଼ିଆ ଚଳଚିତ୍ର ଅଭିନେତ୍ରୀ ଅନିତା ଦାସଙ୍କ ପରଲୋକ

11/05/2018 at 7:47 AM

ଆଜି ବରିଷ୍ଠ ଓଡ଼ିଆ ଚଳଚିତ୍ର ଅଭିନେତ୍ରୀ ଅନିତା ଦାସଙ୍କ ହୃଦଘାତରେ ପରଲୋକ ହୋଇଛି | କଟକ ସେଲଟର ଛକ ସ୍ଥିତ ତାଙ୍କ ବାସଭବନରେ  ଅନିତା ଦାସଙ୍କ ପରଲୋକ ହୋଇଛି | ମୃତ୍ୟୁ ବେଳକୁ ତାଙ୍କୁ ୫୭ ବର୍ଷ ବୟସ ହୋଇଥିଲା | ତାଙ୍କ ମୃତ୍ୟୁ ଖବର ପ୍ରଚାରିତ ହେବା ମାତ୍ରେ ଓଡ଼ିଆ ସିନେ ଜଗତରେ ଶୋକର ଛାୟା ଖେଳି ଯାଇଛି | ବହୁ ବିଶିଷ୍ଟ ବ୍ୟକ୍ତି ତାଙ୍କ ଶେଷ ଦର୍ଶନ ପାଇଁ ତାଙ୍କ ବାସ ଭବନରେ ପହଂଚିଛନ୍ତି |
ଅଭିନେତ୍ରୀ ଅନୀତା ଦାସ ଓଡ଼ିଆ ଚଳଚିତ୍ର “ଯାଯାବର” ରୁ ନିଜ ଅଭିନୟ କ୍ୟାରିୟର ଆରମ୍ଭ କରିଥିଲେ | ତାପରଠୁ ସେ ଆଉ ପଛକୁ ଫେରି ଚାହିଁ ନଥିଲେ | ୧୯୭୬ ମସିହାରେ କୃଷ୍ଣ ସୁଦାମା ,୧୯୮୦ ମସିହାରେ ରାମାୟଣ ,ମା ଓ ମମତା .୧୯୮୩ ରେ ସ୍ବପ୍ନ ସାଗର ଆଦି ଚଳଚିତ୍ରରେ ତାଙ୍କ ଅଭିନୟ ଦର୍ଶକଙ୍କୁ ବେଶ ଆକୃଷ୍ଟ କରିଥିଲା | ସେ ୧୦୦ ରୁ ଉର୍ଦ୍ଧ୍ବ ଚଳଚିତ୍ରରେ ଅଭିନୟ କରିଛନ୍ତି | ମା ଭୂମିକାରେ ତାଙ୍କ ଅଭିନୟ ଅତ୍ୟନ୍ତ ହୃଦୟସ୍ପର୍ଶୀ | ୯୦ ଦଶକରରେ ତାଙ୍କ ଦ୍ଵାରା ଅଭିନୀତ ୯ଟି ଚଳଚିତ୍ର ‘କିଏ ହେବ ଶୁଆ ପୋଷିଲେ , ଅଣ୍ଟି ଛୁରୀ ତଂଟି କାଟେ , ଗଢି ଜାଣିଲେ ଘର ସୁନ୍ଦର , ପାଚେରୀ ଉଠିଲା ମଝି ଦୁଆରୁ , ଭୀଷ୍ମ ପ୍ରତିଜ୍ଞା , ଲକ୍ଷ୍ମୀ ପ୍ରତିମା , ଶାଶୁ ହାତକଡ଼ି ଭାଉଜ ବେଡି,ସିନ୍ଦୁର ନୁହେଁ ଖେଳଘର ଆଦି ଚଳଚିତ୍ର ସଫଳତାର ଶୀର୍ଷ ଛୁଇଁ ଥିଲା | ତାଙ୍କ ଅଭିନୟର ସ୍ୱତନ୍ତ୍ରତା ସର୍ବଦା ଦର୍ଶକଙ୍କୁ ବାନ୍ଧି ରଖୁଥିଲା | ପିଲା ଦିନୁ ସେ ନାଚ ପ୍ରତି ବେଶ ଆକୃଷ୍ଟ ଥିଲେ | ୧୯୭୫ ମସିହା ରେ କଟକ ଶୈଳବାଳା ମହାବିଦ୍ୟାଳୟରେ ଶେଷ ବର୍ଷ ସ୍ନାତକ ପଢ଼ୁଥିବା ବେଳେ ସେ ଯାଯାବର ଫିଲ୍ମ ରେ ଅଭିନୟ କରିବାର ସୁଯୋଗ ପାଇଥିଲେ |ଅନିତା ଦାସଙ୍କ ନିଜ ଘର ଯାଜପୁର ଜିଲ୍ଲାରେ | ସିନେ ତାରକା ତଥା ଵିଧାୟକ ଆକାଶ ଦାସ ନାୟକଙ୍କର ସେ ହେଉଛନ୍ତି ପିୟୁସି | ଓଡ଼ିଆ ବ୍ୟତୀତ ସେ ଗୋଟିଏ ତେଲୁଗୁ ଫିଲ୍ମ ସୀତାରାମ କଲ୍ୟାଣମ ଚୁଁଦଣ୍ଡିରେ ମଧ୍ୟ ଅଭିନୟ କରିଥିଲେ | ସେହିଭଳି ସେ ୩ ଟି ହିନ୍ଦୀ ଚଳଚିତ୍ର ଆଶ୍ରୟ, ଆସମାନ, ଓ ଭିଗି ପାଲକେଁ ରେ ମଧ୍ୟ ଅଭିନୟ କରିଥିଲେ |

Leave a Reply

   Related Posts