Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ସାମ୍ନାକୁ ଆସିଛି ଓଡିଶା କ୍ରିକେଟ ଆସୋସିଏସନର କେଳେଙ୍କାରୀ : ମନଇଚ୍ଛା ଖେଳାଳି ଚୟନ

16/09/2019 at 10:46 AM

କଟକ ୧୬/୯: ସାମ୍ନାକୁ ଆସିଛି ଓଡିଶା କ୍ରିକେଟ କେଳେଙ୍କାରୀ । ଓଡିଆ କ୍ରିକେଟ ଆସୋସିଏସନ୍- ଓସିଏ ନିର୍ବାଚନକୁ ଆଉ ମାତ୍ର ୧୨ଦିନ ବାକି । ହାତଗଣତି ୭୩ ଭୋଟରଙ୍କୁ ନେଇ ହେବ ସଂପୂର୍ଣ୍ଣ ପ୍ରକ୍ରିୟା । ତେଣୁ ଗୋଟିଏ ଭୋଟ୍ ର ମୂଲ୍ୟ ଢେର ଅଧିକ । କାହାକୁ କେଉଁ ବାଟରେ ସନ୍ତୁଷ୍ଟ କରାଯିବ ସେନେଇ ଚାଲିଛି ଚେଷ୍ଟା । ଖାସ ସେଥିପାଇଁ ନିର୍ବାଚନ ପାଇଁ ଏବେ ସିଲେକ୍ସନ ଗୋଟି ଚାଳନା କରାଯାଇଛି ।

ଭାଗମାପ କରି ସବୁ ଜିଲ୍ଲାରୁ ଖେଳାଳି ଏକାଠି କରି ଚୟନପ୍ରକ୍ରିୟା ଶେଷ ହୋଇଛି । ତେବେ ସବୁଠୁ ଆଶ୍ଚର୍ଯ୍ୟ, ସିଲେକ୍ସନ ବା ଚୟନ ପ୍ରକ୍ରିୟା ଲାଗି ଚୟନକର୍ତ୍ତାଙ୍କୁ ଲୋଡିନି ଓସିଏ । ମନଇଚ୍ଛା କାରବାର କରି ଖେଳାଳି ଚୟନ କରାଯାଇଛି । ଜୁନିଅର ଚୟନକର୍ତ୍ତା କମିଟିରେ ଅଧ୍ୟକ୍ଷଙ୍କୁ ମିଶାଇ ମୋଟ ୬ଜଣ ସଦସ୍ୟ ଥିବା ବେଳେ ଏଭିତରୁ କିଛି ଚୟନକର୍ତ୍ତାଙ୍କୁ ଖୋଜା ଯାଇନି । ନା ସେମାନଙ୍କୁ ଓସିଏ ଚିଠି କରିଛି ନା କୌଣସି ମେସେଜ୍ ପଠାଇଛି । ଏନେଇ ଚୟନକର୍ତ୍ତାମାନେ କ୍ଷୁବ୍ଧ ହୋଇଛନ୍ତି । ବିନା ଚୟନକର୍ତ୍ତାରେ କିଭଳି ଖେଳାଳି ଚୟନ କରାଯାଉଛି ସେନେଇ ଆପତ୍ତି ଉଠାଇଛନ୍ତି । ଏପରିକି ଜଣେ ଚୟନକର୍ତ୍ତା ନିକଟରେ ସୋସିଆଲ ମିଡିଆରେ ଏନେଇ ପୋଷ୍ଟ କରିଥିଲେ ।

ଫୋନରେ ଟଙ୍କା କାରବାର କରି ଚୟନ କରାଯାଉଥିବା ଲେଖିଥିଲେ । କିନ୍ତୁ ଚାପ ଯୋଗୁ ଏହାକୁ ଡିଲିଟ କରିବାକୁ ବାଧ୍ୟ ହୋଇଥିଲେ। ଏଭଳି ପରିସ୍ଥିତିରେ ଜୁନିଅର କ୍ରିକେଟର ସ୍ଥିତି ଦୟନୀୟ ହୋଇ ପଡିଥିବା ବେଳେ ନିର୍ବାଚନର ନିରପେକ୍ଷତା ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି । ଗତ ୧୦ତାରିଖରୁ କଟକ ବିଡାନାସୀ ଓ ବୋସ୍ ପଡିଆରେ ଚୟନପ୍ରକ୍ରିୟା ଚାଲିଥିଲା । ୧୯ବର୍ଷରୁ କମ ରାଜ୍ୟ ଟିମ୍ ସିଲେକ୍ସନ ପାଇଁ ଖେଳାଯାଇଥିଲା ୩ଟି ଟ୍ରାଏଲ ମ୍ୟାଚ । ପ୍ରାଥମିକ ପର୍ଯ୍ୟାୟରେ ବିଭିନ୍ନ ଜିଲ୍ଲାରୁ ୬୨ଜଣଙ୍କ ନାଁ ତାଲିକାଭୁକ୍ତ କରାଯାଇଥିଲା । ତେବେ ରାତାରାତି ଏହା ୧୦୦ଟପି ଯାଇଥିଲା । ନିର୍ଦ୍ଦିଷ୍ଟ ଜିଲ୍ଲାରୁ ଅତିକମରେ ୪ଖେଳାଳି ଶିବିର ଲାଗି ଆସିବାକୁ ବ୍ୟବସ୍ଥା ହୋଇଥିବା ବେଳେ ଖାସ ନିର୍ବାଚନ ପାଇଁ ଏନିୟମକୁ କୋହଳ କରିଦିଆଯାଇଛି ।

କିଛି ଚୟନକର୍ତ୍ତା ଏନେଇ ଅସନ୍ତୋଷ ବ୍ୟକ୍ତ କରିଥିଲେ । ତେବେ ସେମାନଙ୍କ କଥା ଶୁଣା ଯାଇନଥିଲା । ଫଳରେ ଶିବିର ବିଶୃଂଖଳିତ ଢଙ୍ଗରେ ପରିଚାଳିତ ହୋଇଥିଲା । ଏଭଳି ବ୍ୟାପକ ବିଭ୍ରାଟ ପରେ ଆସନ୍ତା ସିଜିନରେ ଓଡିଶା କିଭଳି ପ୍ରଦର୍ଶନ କରିବ ତାହା ଏବେଠୁ ଜଳଜଳ ଦିଶିଲାଣି।

   Related Posts