ପୁନେ୮/୧୧: ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି। ବାପ-ପୁଅ ଦୁଇଜଣ ନିଜକୁ ବାବା କହି ଆଶ୍ରମରେ ରହୁଥିଲେ। ପୁନେରେ ଥିବା ଏକ ଆଶ୍ରମକୁ ଆସୁଥିବା ମହିଳାଙ୍କୁ ବାପ-ପୁଅ ମିଶି ଅଶ୍ଳୀଳ କାମ କରାଉଥିଲେ । ଆଶ୍ରମକୁ ଆସିଥିବା ମହିଳାଙ୍କ ଦୁଃଖ ଦୂର କରି ଦେବେ କହି ସେମାନଙ୍କୁ ଅଶାଳୀନ ବ୍ୟବହାର କରାଯାଉଥିଲା। ଏହି ସମସ୍ତ ଘଟଣାକୁ ବାପ-ପୁଅ ମୋବାଇଲରେ ରେକର୍ଡିଂ କରି ସେମାନଙ୍କୁ ବ୍ଲାକମେଲିଂ କରି ଟଙ୍କା ଆଦାୟ କରୁଥିଲେ।
ଆଶ୍ରମରେ ଦୀର୍ଘଦିନ ହେବ ବାପ-ପୁଅ ଦୁଇଜଣ ଏଭଳି କାମ କରି ମହିଳାଙ୍କଠୁ ଟଙ୍କା ଆଦାୟ କରୁଥିଲେ। ଜଣେ ୬୯ ବର୍ଷ ବୟସ୍କା ମହିଳା ଏସବୁ ଘଟଣାର ପର୍ଦ୍ଦଫାଶ କରିଥିଲେ। ଏହି ଘଟଣା ସାମ୍ନାକୁ ଆସିବା ପୋଲିସ ବାପ-ପୁଅକୁ ପୋଲିସ ଗିରଫ କରିଛି।
ବାପ-ପୁଅ ଦୁଇଜଣଙ୍କୁ ପୋଲିସ ଗିରଫ କରିବା ପୂର୍ବରୁ ମହିଳା ସଂଗଠନର କିଛି କାର୍ଯ୍ୟକର୍ତ୍ତା ତାଙ୍କୁ ନିର୍ଧୁମ ଛେଚି ଥିଲେ। ସ୍ଥାନୀୟ ମହିଳାମାନେ ବାପ-ପୁଅ ମୁହଁରେ କଳା ବୋଳି ତାଙ୍କୁ ପିଟିଥିଲେ। ଏବେ ଆଇପିସିର ଧାରା ୩୫୪ ଅନୁସାରେ ଅଭିଯୁକ୍ତଙ୍କ ନାଁରେ ମକଦ୍ଦମା ରୁଜୁ ହୋଇଛି।
