Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ତହସିଲଦାର ହୋଇ ସେବା କରୁଥିଲେ, ଏବେ ଆଇଏଏସ ହେବେ ମାନସ ରଞ୍ଜନ

5/08/2020 at 8:26 PM

ରାଉରକେଲା, ୦୫|୦୮:  ଇଚ୍ଛା ଥିଲେ ଉପାୟ ଆପେ ମିଳେ । ବଡ ବଡ ଲକ୍ଷ୍ୟକୁ ହାସଲ କରି ହୁଏ । ଯାହା କରିଦେଖାଇଛନ୍ତି ମାନସ ରଞ୍ଜନ ସାହୁ । ୨୦୧୭ ବ୍ୟାଚର ଓଏଏସ ଅଫିସର ମାନସ ୟୁପିଏସସିରେ ସଫଳତା ପାଇଛନ୍ତି । ସେ ଏବେ ରାଉରକେଲାର ତଦସିଲଦାର ଭାବେ କାର୍ଯ୍ୟରତ ।

ରାଉରକେଲା ସେକ୍ଟର-୫ ଦୀପିକା ଇଂରାଜୀ ମିଡିୟମ ସ୍କୁଲରୁ ଶିକ୍ଷା ସମାପ୍ତ କରିବା ପରେ ଆଇଆଇଟି ଦିଲ୍ଲୀରୁ ମାନସ ବିଟେକ୍ ଡିଗ୍ରୀ ହାସଲ କରିଥିଲେ । ସୁନ୍ଦରଗଡ ବିଶ୍ରା ଜରେଇକେଲା ଗ୍ରାମର ବାସିନ୍ଦା ମାନସ ପିଲାଦିନୁ ଜଣେ ମେଧାବୀ ଛାଚ୍ର ଥିଲେ ।ଏବେ ସେ ୟୁପିଏସସିରେ ୫୬୭ ରାଙ୍କ୍ ରଖିଛନ୍ତି ।

ସଫଳତା ପାଇବା ପରେ ମାନସ କହିଛନ୍ତି ଯେ, ବାପା-ମାଆଙ୍କ ପ୍ରେରଣା, ଅଞ୍ଚଳବାସୀଙ୍କ ଭଲ ପାଇବା ଓ ଆଶୀର୍ବାଦ ତାଙ୍କୁ ଏହି ସଫଳତା ଦେଇଛି । କର୍ମନିଷ୍ଠା ଓ ଲୋକଙ୍କ ସେବା ତାଙ୍କର ସର୍ବଦା ପ୍ରାଥମିକତା ରହି ଆସିଛି । ସେ ଏହାକୁ ପୁଞ୍ଜି କରି  ସମସ୍ତ କର୍ତ୍ତବ୍ୟକୁ ସଫଳତାର ସହ ସମ୍ପାଦାନ କରିବେ ବୋଲି କହିଛନ୍ତି । ସେ ଓଏଏସ ଭାବେ ପ୍ରଶଂସା ସାଉଣ୍ଟିଥିଲା ବେଳେ ଆଇଏଏସ ଅଧିକାରୀ ହେଲେ ଆହୁରି ସଫଳ ହେବେ ବୋଲି ଆଶା ରଖିଛନ୍ତି ।

   Related Posts