Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ଦେଶ ପାଳୁଛି ୭୨ତମ ସାଧାରଣତନ୍ତ୍ର ଦିବସ
  • ||
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||

ସତ କ’ଣ, ନ୍ୟାୟ ଦେବ କିଏ ? ବିଧବା ମହିଳାଙ୍କୁ ପ୍ରତାରଣା ଅଭିଯୋଗରେ ଯବାନ ଗିରଫ, ଏପଟେ ପୀଡିତାଙ୍କୁ ବାସନ୍ଦ କଲେ ଗାଁ ଲୋକେ

14/09/2020 at 5:56 PM

ସମ୍ବଲପୁର ୧୪/୦୯:  ଠକିଦେଲେ ଓଏପିଏଫ୍ ଯବାନ ।  ବିବାହର ପ୍ରତିଶୃତି ଦେଇ ଜଣେ ବିଧବା ମହିଳାଙ୍କ ସହ ୪ ବର୍ଷ ହେଲା ଶାରିରୀକ ସମ୍ପର୍କ ରଖିଲା ପରେ ବାହାହେବାକୁ ମନାକରିବାରୁ ଥାନାରେ ମାମଲା । ଶେଷରେ ନ୍ୟାୟ ନପାଇବାରୁ ଏସପିଙ୍କ ଦ୍ବାରସ୍ଥ ହେଲେ ମହିଳା । ତାସାଙ୍ଗରେ ଗାଁ ଲୋକଙ୍କ ଅଜବ ଜୁଲୁମ୍ । ଯବାନକୁ ଛାଡି ମହିଳାଙ୍କୁ ଦୋଷୀ ସାବ୍ୟସ୍ତ କଲେ ଗାଁ ଲୋକେ ।  ଗାଁରେ ସଭା କରାଇ ମହିଳା, ତାଙ୍କ ୯ ବର୍ଷ ଶିଶୁ କନ୍ଯା ଓ ପରିବାର ଲୋକଙ୍କୁ ନିଆଁ ପାଣି ବନ୍ଦ । ସମ୍ବଲପୁର କୁଚିଣ୍ଡା ଉପଖଣ୍ଡ ଲାଙ୍ଗପୋସ ଗାଁରେ ଘଟିଛି ଏହି ଘଟଣା ।

ଯେଉଁଠି ରକ୍ଷକ ସାଜୁଛି ଭକ୍ଷକ । କାହାକୁ ଭରସା କରିବେ ସାଧାରଣ ଲୋକେ । ଦିନେ ନୁହେଁ କି ମାସେ ନୁହେଁ ଦୀର୍ଘ ୪ ବର୍ଷ ଧରି ବିଧବା ମହିଳା ଶହ ଶାରିରୀକ ସମ୍ପର୍କ ରଖିଲା ପରେ ଛାଡିଦେଲେ ଓଏପିଏଫ୍ ଯବାନ । ଥାନାରେ ମାମଲା ପରେ ୯ ଦିନ ପାଇଁ ଜେଲ୍ ଗଲେ କୁଚିଣ୍ଡା ଥାନାର ଓଏପିଏଫ୍ ଯବାନ ଝସକେତନ ବାଗ୍ । ଜେଲ୍ ରୁ ବାହାରିଲା ପରେ ମହିଳାଙ୍କୁ ପୁଣି ଶାରିରୀକ ସମ୍ପର୍କ ରଖିବାକୁ ଖୋଲାଖୋଲି ଧମକ । ତେବେ ମହିଳା ପୁଣି ଥାନାର ଦ୍ବାରସ୍ଥ ହେଲେ । ହେଲେ ସେଠି ତାଙ୍କୁ ମହୁଲପାଲି ଥାନା ଅଧିକାରୀ ନ୍ୟାୟ ବଦଳରେ ଚପଲରେ ପିଟିବାକୁ ଧମକ ଦେଇଥିବା ସେ ଅଭିଯୋଗ କରିଛନ୍ତି । ଶେଷରେ ବାଧ୍ୟ ହୋଇ ମହିଳା ଓ ତାଙ୍କର ୯ ବର୍ଷର ନିଷ୍ପାପ ଶିଶୁ ଏବେ ଏସପିଙ୍କ ଦ୍ବାରସ୍ଥ ହୋଇଛନ୍ତି ।

ସୂଚନା ଅନୁସାରେ, ମହୁଲପାଲି ଥାନା ଅଂଚଳର ବିଧବା ମହିଳାଙ୍କ ସ୍ବାମୀ ୮ ବର୍ଷ ପୂର୍ବେ ସଡକ ଦୁର୍ଘଟଣାରେ ପ୍ରାଣ ହରାଇଥିଲେ । ପରେ କାମ କରି ନିଜ ଛୋଟ ଝିଅ ସହ ବାପ ଘରେ ରହୁଥିଲେ । ସେଭିତରେ କୁଚିଣ୍ଡା ଥାନାରେ କାର୍ଯ୍ଯରତ ଓଏପିଏଫ୍ ଯବାନ ଝସକେତନ ବାଗ ସହ ସମ୍ପର୍କରେ ଆସିଥିଲେ । ତେବେ ବିବାହର ପ୍ରଲୋଭନ ଦେଖାଇ ବିଧବା ମହିଳା ସହ ବାରମ୍ବାର ଶାରିରୀକ ସମ୍ପର୍କ ରଖିଥିଲେ ସମ୍ପୃକ୍ତ ଯବାନ । ତେବେ ବିବାହ କରିବାକୁ ମନାକରିବାରୁ କୁଚିଣ୍ଡା ଥାନାରେ ଏତଲା ଦେଇଥିଲେ ମହିଳା ।

ତେବେ ଏତଲା ଆଧାରରେ ଝସକେତନକୁ ୯ ଦିନ ଜେଲ୍ ହୋଇଥିବା କହିଛନ୍ତି ମହିଳା । ବର୍ତମାନ ଗତକାଲି ନିଆଁପାଣି ବାସନ୍ଦ କରିବାରୁ ପୁଣି ନିଜ ମହୁଲପାଲି ଥାନାରେ ଅଭିଯୋଗ କରିବାକୁ ଯିବାରୁ ପୋଲିସ ଦୁର୍ବ୍ୟବହାର କରିବା ସହ ଅଭିଯୋଗ ରଖିନଥିଲା। ।  ତେବେ ଶେଷରେ ବାଧ୍ଯ ହୋଇ ମହିଳା ଜଣକ ଏସପିଙ୍କ ଦ୍ବାରସ୍ଥ ହେବା ସହ ନ୍ଯାୟ ନମିଳିଲେ ଆତ୍ମହତ୍ୟା କରିବି ବୋଲି କହିଛନ୍ତି ।

   Related Posts