Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଅନୁଗାମୀଙ୍କୁ ବନାଉଥିଲା ଯୌନଦାସ,ଚଳାଉଥିଲା ସେକ୍ସ ରାକେଟ୍ : ସ୍ବୟଂଭୂ ଗୁରୁଙ୍କୁ ୧୨୦ବର୍ଷ ଜେଲ୍ ଦଣ୍ଡ ନିର୍ଦେଶ

28/10/2020 at 3:05 PM

ନୂଆଦିଲ୍ଲୀ ୨୮/୧୦: ଆମେରିକାରେ ଜଣେ ସ୍ବୟଂଭୁ ଗୁରୁଙ୍କୁ ନିଜ ଅନୁଗାମୀଙ୍କୁ ସେକ୍ସ ଗୁଲାମ କରି ରାକେଟ୍ ଚଲାଇବା ମାମଲାରେ ଦୋଷୀ ସାବ୍ୟସ୍ତ କରାଯାଇଛି। ଆମେରିକୀୟ କୋର୍ଟ ଅଭିଯୁକ୍ତକୁ ୧୨୦ବର୍ଷର ଜେଲ୍ ଦଣ୍ଡ ଶୁଣାଇଛନ୍ତି।

୬୦ବର୍ଷର ସ୍ବୟଂଭୁ ଗୁରୁ କେନେଥ ରେନେରଙ୍କୁ ସେଲ୍ଫ ହେଲ୍ପ ଗୃପ୍ ଆଳରେ ସେକ୍ସ ରାକଟେ୍ ଚଲାଇବା ଏବଂ ମହିଳାଙ୍କୁ ଜବରଦସ୍ତି କରିବା ଅଭିଯୋଗରେ କୋର୍ଟ ଏହି ଦଣ୍ଡ ଶୁଣାଇଛି। ଏବେ ତାକୁ ଆଜୀବନ ଜେଲରେ ରହିବାକୁ ହେବ।

ଅଭିଯୁକ୍ତ କେନେଥ ରେନର Nxivm ନାମକ ସଙ୍ଗଠନ ଚଲାଉଥିଲା ଯାହା ଜରିଆରେ ସେ ଏହି କଳା ଧନ୍ଦା କରୁଥିଲା। ସୂଚନା ଅନୁଯାୟୀ ଏହି ସଙ୍ଗଠନ ଜରିଆରେ ରେନେର ଅମୀର ଏବଂ ପ୍ରଭାବଶାଳୀ ମହିଳାଙ୍କୁ ଫସାଉଥିଲା ଏବଂ ପରେ ତାଙ୍କୁ ଯୌନ ନିର୍ଯାତନା ଦେଉଥିଲା।

ଅଭିଯୁକ୍ତ କେନେଥ ରେନର ୫ଦିନର ସେଲ୍ଫ ହେଲ୍ପ କୋର୍ସ ପାଇଁ ନିଜ ଅନୁଗାମୀଙ୍କଠୁ ୫୦୦୦ଡଲାର ଆଦାୟ କରିଥିଲା। ସେ ନିଜର ଅଧିକାଂଶ ଭକ୍ତଙ୍କୁ ଆର୍ଥିକ ଏବଂ ଶାରିରୀକ ନିର୍ଯାତନା ଦେଉଥିଲା। ସେ ଲୋକଙ୍କୁ ନିଜ ଦ୍ବାରା ବନାଇଥିବା ନିୟମଗୁଡ଼ିକୁ ମାନିବା ପାଇଁ ବାଧ୍ୟ କରୁଥିଲା।

ଅଭିଯୋଗ ଅନୁସା​‌ରେ ସେ ନିଜ ଅନୁଗାମୀଙ୍କ ସହ ଚାକର ଭଳି ବ୍ୟବହାର କରୁଥିଲା। ଗୁପ୍ତ ସୂଚନା ଏବଂ ଅନ୍ତରଙ୍ଗ ଫଟୋ ଜରିଆରେ ଏପରି ଲୋକଙ୍କୁ ବ୍ଲାକମେଲ୍ କରାଯାଉଥିଲା ଏବଂ ତା’ପରେ ତାଙ୍କୁ ଯୌନ ନିର୍ଯାତନା ଦିଆଯାଉଥିଲା।

କୋର୍ଟ ୨୦୧୯ମସିହାରେ ହିଁ କେନେଥକୁ ଏପରି ୭ଟି ମାମଲାରେ ଦୋଷୀ ସାବ୍ୟସ୍ତ କରିଥିଲା। ତା’ ବିରୋଧରେ ସେକ୍ସ ରାକେଟ୍,ସେକ୍ସ ଟ୍ରାଫିକିଂ ଏବଂ ଅପରାଧିକ ଷଡ଼ଯନ୍ତ୍ର ମାମଲାରେ ଦଣ୍ଡ ଶୁଣାଯାଇଛି।

   Related Posts